Suid-Afrikaanse Lugmag-gedenkteken
Die Suid-Afrikaanse Lugmag-gedenkteken herdenk almal wat hulle lewe in oorlogs- sowel as vredestyd in diens van die lugmag verloor het.
Hierdie monument is 'n 5 km suid van Pretoria, by 25°47′57.9″S 28°10′9.7″E / 25.799417°S 28.169361°O, dus net suid van die Voortrekkermonument en Fort Schanskop. Dit lê op Bay’s Hill en bied 'n mooi uitsig oor die Lugmagbasis Swartkop.
Die hoë konstruksie bestaan uit drie vleuels wat op verskillende hoeke teenoormekaar staan en mekaar gedeeltelik oorvleuel. So skep dit die indruk van 'n vliegtuig. Dit staan op 'n driehoekige sterpatroon. Tussen die vleuels is 'n saal met ererolle en 'n senotaaf op 'n skarlakenrooi ster. Op die drie sye van die senotaaf staan onderskeidelik “Per adua ad astra”, “They shall mount up with wings as eagles” en “Vinniger as arende was hulle, sterker as leeus”. In een van die vleuels is 'n klein kapel en om die monument is 'n park met 'n amfiteater, gedenkstene en 'n gedenkmuur met nisse vir urne. Twee vlae wapper by die monument, naamlik die landsvlag en die vlag van die lugmag.
Die gedenkteken is op 1 September 1963 deur staatspresident C.R. Swart onthul.
Bibliografie
wysig- de Kock, Victor: So fair a land – South Africa. Pretoria: Union Booksellers, s.j.
- Standard Encyclopaedia of Southern Africa, deel 1. Kaapstad: Nasou, 1970.
- allatsea.co.za
- www.saafa.co.za