Geografies beslaan die Hoëveld ʼn groot deel vand ie land – Gauteng, die grootste deel van Mpumalanga en die Vrystaat en, volgens hoogte, ʼn groot deel van Noordwes en die Noord-Kaap. Hoogte bo seespieël wissel van 1 200 m tot 1 800 m. Plantegroei is hoofsaaklik boomlose savanne; reënval wissel van so min as 400 mm in die verre suide tot 900 mm in die noordooste. Dit is ʼn somerreënvalgebied en reën val dikwels in die vorm van swaar donderstorms. Winters is gewoonlik ʼn opeenvolging van matige wolklose dae, maar dit kan snags baie koud word, veral in die suide.

Hoëveld
Ekostreek
AT1009 map.png
WWF-kode AT1009
Bioom Berggrasveld en -struikveld
Ekosone Afrotropiese gebied
Floraryk Paleotropis
Oppervlakte   186 220  km²
Beskerm %
Die hoëveld in die winter oor Gauteng, net noord van Johannesburg.
Die hoëveld in die winter oor Gauteng, net noord van Johannesburg.
Portaal  Portaalicoon   Biologie
Cullinan-diamante
Eskom se Kusile-kragsentrale

Die meeste van die land se mielies word in die Hoëveld verbou. Die streek dra ook ʼn omvattende reeks ander produkte tot die nasionale spens by – bees- en skaapvleis, graansorghum, sonneblomsaad, grondbone, aartappels en ander groente.

Dit bevat ook ʼn skatkamer van minerale. Die wêreld se rykste goudrif word in Gauteng en in die noordwestelike Vrystaat in van die diepste myne ter wêreld ontgin. Gauteng is ook die nuwerheidshartland van die land. Diamante word by die Premiermyn naby Pretoria gemyn, waar die wêreld se grootste diamant, die Cullinan, gevind is. Die land se grootste steenkoolmyne is in Mpumalanga geleë. Eskom se groot kragsentrales is ook hier.

Dorpe wat deel van die Hoëveld vormWysig

Sien ookWysig

BronneWysig