Cullinan

dorp in Suid-Afrika

Cullinan is 'n myndorpie in die provinsie Gauteng (Suid-Afrika), sowat 40 km van Pretoria en 100 km van Johannesburg af en lê op 'n hoogte van 1 476 m bo seevlak.[2]

Cullinan
Dorp
Oaklaan, Cullinan se hoofstraat
Oaklaan, Cullinan se hoofstraat
Cullinan is in Gauteng
Cullinan
Cullinan
 Cullinan se ligging in Gauteng
Koördinate: 25°40′22″S 28°31′15″O / 25.67278°S 28.52083°O / -25.67278; 28.52083Koördinate: 25°40′22″S 28°31′15″O / 25.67278°S 28.52083°O / -25.67278; 28.52083
LandVlag van Suid-Afrika Suid-Afrika
ProvinsieGauteng
MunisipaliteitStad Tshwane
Stigting1903
Oppervlak
 • Totaal55,66 km2 (21,49 vk. myl)
Hoogte
1 450 m (4 760 ft)
Bevolking
 (2011)[1]
 • Totaal8 693
 • Digtheid156/km2 (400/vk. myl)
Rasverdeling (2011)
 • Wit mense31.7%
 • Indiërs/Asiërs0.5%
 • Bruin mense2.7%
 • Swart mense64.3%
 • Ander0.8%
Taal (2011)
 • Afrikaans48.9%
 • Noord-Sotho15.6%
 • Engels9.2%
 • Suid-Sotho5.9%
 • Ander20.3%
Poskode (strate)
1000
Poskode (posbusse)
1000
Skakelkode012

Die dorp is genoem na Sir Thomas Cullinan, wat in 1902 'n diamantpyp hier ontdek het. In die jaar 1903 is die Premiermyn geopen. Op 25 Junie 1905 ontdek Frederick Wells, 'n bestuurder van die Premiermyn-maatskappy, die beroemde Cullinan-diamant, die grootste ter wêreld met 'n massa van 3 106 karaat of 621,2 gram. Dit is deur die Transvaalse regering gekoop en aan die Britse koning Edward VII geskenk.

Cullinan se omgewing spog met 'n aantal rustige vakansieoorde soos Little Eden en Boekenhoutkloof. Die R513-streeksroete gaan deur die dorp.

Besienswaardighede wysig

  • Die voormalige huis van die Premiermyn se eerste hoofbestuurder, William McHardy, huisves die McHardy-museum. Die museum is in die jaar 1988 oopgestel vir besoekers en spog met 'n kenmerkende ventilasietoring op sy dak en 'n outentieke Victoriaanse tuin.
  • Die Anglikaanse kerk St. George met sy opvallende klipboustyl is deur die argitek sir Herbert Baker ontwerp.
  • Die kliphuise in Cullinan se hoofstraat Oaklaan ontstaan in die jaar 1904. Die laan bekoor met die historiese Nedbankgebou van sandsteen, tipiese sinkgeboue en pragtige jakarandabome.

Sien ook wysig

Verwysings wysig

  1. 1,0 1,1 1,2 1,3 "Hoofplek Cullinan". Sensus 2011.
  2. Hoogte bo seevlak

Eksterne skakels wysig