Laerskool Swartkop

Laerskool Swartkop is ’n Afrikaansmedium-laerskool op die hoek van Viking- en Campbellweg in Valhalla, Centurion, Suid-Afrika. Die skool se leuse is Rotsvas en Koersvas en dit bied onderrig aan meer as duisend leerders. Mnr. C.J. Cronje is sedert Januarie 1992 die skoolhoof.

Laerskool Swartkop
Leuse	Rotsvas en Koersvas
Gestig	14 Januarie 1969
Tipe	Staatskool
Hoof	Mnr. M. van der Merwe
Stigter	Dr. P.J.E. Wilbers
Personeel	53
Leerlinge	1 000+
Grade	1-7
Stad	Valhalla, Centurion
Provinsie	Gauteng
Land	Suid-Afrika
Kleure
Webblad	www.swartkop.co.za

Van die sportsoorte wat aangebied word, sluit in: atletiek, tennis, netbal, rugby, krieket, hokkie en landloop.

Die skool het ook 'n naskoolsentrum wat op die skool se terrein geleë is. Kinders wat hier ingeskryf is, ontvang 'n ligte middagete.

Geskiedenis

Laerskool Swartkop is weens die snelle uitbreiding in die gebied van Valhalla Laerskool afgestig. Die skool is op 14 Januarie 1969 met 577 leerlinge geopen. Die eerste hoof was Dr. P.J.E. Wilbers.

Laerskole Wierdapark en Laerskole Hennopspark is later vanuit die skool afgestig.

Skoollied

Die skool se skoollied is deur Rudi Neitz geskryf en getoonset:

Swartkops’ rotse vaste grond daar’s ons skoolgebou. Liggaam,gees en siel gesond Swartkop hoog te hou! Ons groei uit 'n ryk verlede, riglyn vir ons vaste Skrede na die toekoms wat ons bou en die toekoms noem ons: NOU Swartkops’ leuse is ons keuse daaraan bly ons altyd trou: Ons staan rotsvas! Ons streef koersvas. Ons wil handhaaf, ons wil bou! Rotsvas! Koervas! nie more nie, maar nou.

Eksterne skakels

• Laerskool Swartkop se webtuiste