Barbados

**Barbados**
Vlag	Wapen
	Nasionale leuse: Pride and Industry; (Engels vir: "Trots en ywer")
	Volkslied: In Plenty and in Time of Need; (Engels vir: "In rykdom en in tye van nood");
Hoofstad	Bridgetown 13°6′N 59°37′W / 13.100°N 59.617°W
Grootste stad	Bridgetown
Amptelike tale	Engels
Regering ; • President; • Eerste minister	Unitêre parlementêre; grondwetlike republiek; Sandra Mason; Mia Mottley
Onafhanklikheid • van die Verenigde Koninkryk; • Republiekwording;	; 30 November 1966; 30 November 2021
Oppervlakte; - Totaal; ; - Water (%)	; 439 km2 (183ste); 169 myl2; feitlik niks
Bevolking; - 2019-skatting; - 2010-sensus; - Digtheid	; 287 025 (182ste); 277 821; 660 / km2 (15de); 1 709,4 / myl2
BBP (KKP); - Totaal; - Per capita	2021-skatting; $4,105 miljard ; $14 224
BBP (nominaal); - Totaal; - Per capita	2021-skatting; $4,648 miljard ; $16 105
MOI (2019)	0,814 (58ste) – baie hoog
Geldeenheid	Dollar (BBD)
Tydsone; - Somertyd	AST (UTC-4); nie toegepas nie (UTC-4)
Internet-TLD	.bb
Skakelkode	+1-246

Barbados (Engels: [bɑːrˈbeɪdɒs] of [bɑːrˈbeɪdoʊs], luister (hulp·inligting); Portugees en Spaans vir: "bebaard") is ’n eilandstaat ten ooste van die Karibiese See in die Atlantiese Oseaan en noordoos van Venezuela.^[6] Dit is die mees oostelike eiland van die Karibiese Bowindse Eilande. Hierdie eilandstaat in Noord-Amerika beslaan ’n oppervlakte van 439 km² en het ’n bevolking van 287 025 in 2019 gehad. Die hoofstad en grootste stad is Bridgetown, waarvan die historiese middestad in 2011 as Unesco-wêrelderfenisgebied gelys is.

As eerste Europeërs het die Portugese Barbados op pad na Brasilië bereik en dit is deur die Portugese ontdekkingsreisiger Pedro a Campos Los Barbados ("die bebaarde") genoem. Dié eiland is aansluitend deur die Portugese en die Spaanse Ryk opgeëis, maar nooit deur hulle gekoloniseer nie. Op 14 Mei 1625 het die eerste Engelse skip met koloniste Barbados bereik én dié eiland is tydens die volgende Britse koloniale bewind veral deur Engelse, Iere en Skotte bevolk én by die Britse Ryk ingelyf. Tussen 1958 en 1962 het dit saam met ander Britse kolonies in die Karibiese gebied deel uitgemaak van die Wes-Indiese Federasie. Ná 339 jaar onder Britse heerskappy het Barbados op 30 November 1966 ten volle van die Verenigde Koninkryk onafhanklik geword. Sedertdien was dit ’n grondwetlike monargie binne die Britse Statebond met Elizabeth II van die Verenigde Koninkryk as die staatshoof van dié land. Die naam van Barbados is soortgelyk aan dié van Barbuda, een van die twee hoofeilande van die Karibiese eilandstaat Antigua en Barbuda, wat deur die Spanjaarde Las Barbudas ("die bebaardes") genoem is. Die internasionale popster Rihanna is ook ’n boorling van Barbados.^[6]

Op 15 September 2020 het die regering van Barbados aangekondig, ter geleentheid van die 55ste onafhanklikheidsdag op 30 November 2021 ’n republikeinse stelsel in te voer en met die monargie weg te doen.^[7] Op 30 November 2021 het die sittende goewerneur-generaal Sandra Mason koningin Elizabeth II as staatshoof vervang en die eerste president van Barbados geword.^[8]

Geografie

Barbados lê in die ooste van St. Lucia en St. Vincent en die Grenadine en in die noorde van Trinidad en Tobago. Die eiland is redelik plat, met ’n sentrale hoogland.^[6] Dit is omring deur koraalriwwe. Die land is vrugbaar en oorwegend gelyk, met ’n paar lae heuwels in die noorde.

Klimaat

Die eiland het ’n gematigde tropiese klimaat. Sonniger en droër as sy bergagtige bure.

Ekonomie

Suiker is die tradisionele omset-oes. Goed ontwikkelde toeristebedryf verskaf werk aan byna 40% van die werkkragte. Finansiële dienste en inligtingsverwerking is belangrike nuwe groeisektore.^[9]

Sport

Krieket is die gewildste sportsoort en word as nasionale sport beskou.^[10] Barbados is een van die eilandstate wat met ander Karibiese state spelers beskikbaar stel vir die Wes-Indiese nasionale krieketspan, een van die "nasionale spanne" in internasionale krieket met toetsstatus. Die Wes-Indiese nasionale krieketspan het aan amper elke krieketwêreldbekertoernooi deelgeneem, die eerste twee toernooie in 1975 en 1979 gewen en slegs die 2023-toernooi misgeloop. Saam met Antigua en Barbuda, Grenada, Guyana, Jamaika, St. Kitts en Nevis, St. Lucia en Trinidad en Tobago het dié eilandstaat die Krieketwêreldbeker 2007 aangebied, wat deur Australië gewen is. Sir Garfield Sobers en Malcolm Marshall is van dié eiland se beroemde spelers. Daarbenewens het Barbados, Guyana en St. Lucia die T20I-wêreldbeker 2010 aangebied, wat deur Engeland gewen is. Barbados het ook saam met Antigua en Barbuda, Guyana, St. Lucia, St. Vincent en die Grenadine, Trinidad en Tobago en die Verenigde State die T20I-wêreldbeker 2024 gehuisves, wat Indië kon beklink.

Verwysings

↑ (en) "World Population prospects – Population division". Verenigde Nasies se Departement van Ekonomiese en Maatskaplike Sake, Bevolkingsafdeling. Verenigde Nasies. Geargiveer vanaf die oorspronklike op 28 April 2020. Besoek op 19 Julie 2020.
↑ (en) "Overall total population – World Population Prospects: The 2019 Revision" (xslx). Verenigde Nasies se Departement van Ekonomiese en Maatskaplike Sake, Bevolkingsafdeling (custom data acquired via website). Verenigde Nasies. Geargiveer vanaf die oorspronklike op 18 Februarie 2020. Besoek op 19 Julie 2020.
↑ (en) "GeoHive – Barbados population". GeoHive. Geargiveer vanaf die oorspronklike op 4 Februarie 2017. Besoek op 26 September 2016.
↑ ^4,0 ^4,1 ^4,2 ^4,3 (en) "Barbados". Internasionale Monetêre Fonds. Oktober 2021. Besoek op 30 November 2021.
↑ (en) "Human Development Report 2020" (PDF). United Nations Development Programme. 2020. Besoek op 30 November 2021.
↑ ^6,0 ^6,1 ^6,2 HAT Taal-en-feitegids, Pearson, Desember 2013, ISBN 978-1-77578-243-8
↑ (en) "Barbados to remove Queen Elizabeth as head of state". BBC. 15 September 2020. Besoek op 30 November 2021.
↑ (en) "Barbadians celebrate the birth of a republic and bid farewell to the Queen". CNN. 30 November 2021. Besoek op 30 November 2021.
↑ (en) "Barbados". CIA World Factbook. Central Intelligence Agency. Geargiveer vanaf die oorspronklike op 24 April 2020. Besoek op 27 Mei 2018.
↑ (en) "Barbados: Sports". Regering van Barbados. Geargiveer vanaf die oorspronklike op 13 November 2009. Besoek op 21 Julie 2008. The national sport of Barbados is cricket

Bronnelys

Algemeen

(en) "Barbados". Encyclopædia Britannica. Besoek op 30 November 2021.
(en) "Barbados". Central Intelligence Agency. Besoek op 30 November 2021.

Eksterne skakels

(en) Toerisme-inligting oor Barbados op Wikivoyage
(en) Amptelike webwerf van Barbados se regering
(en) Amptelike webwerf van Barbados se parlement

[1] (en) "World Population prospects – Population division". Verenigde Nasies se Departement van Ekonomiese en Maatskaplike Sake, Bevolkingsafdeling. Verenigde Nasies. Geargiveer vanaf die oorspronklike op 28 April 2020. Besoek op 19 Julie 2020.

[2] (en) "Overall total population – World Population Prospects: The 2019 Revision" (xslx). Verenigde Nasies se Departement van Ekonomiese en Maatskaplike Sake, Bevolkingsafdeling (custom data acquired via website). Verenigde Nasies. Geargiveer vanaf die oorspronklike op 18 Februarie 2020. Besoek op 19 Julie 2020.

[3] (en) "GeoHive – Barbados population". GeoHive. Geargiveer vanaf die oorspronklike op 4 Februarie 2017. Besoek op 26 September 2016.

[imf2-4] 4,0 ^4,1 ^4,2 ^4,3 (en) "Barbados". Internasionale Monetêre Fonds. Oktober 2021. Besoek op 30 November 2021.

[5] (en) "Human Development Report 2020" (PDF). United Nations Development Programme. 2020. Besoek op 30 November 2021.

[HAT_Taal-en-feitegids-6] 6,0 ^6,1 ^6,2 HAT Taal-en-feitegids, Pearson, Desember 2013, ISBN 978-1-77578-243-8

[7] (en) "Barbados to remove Queen Elizabeth as head of state". BBC. 15 September 2020. Besoek op 30 November 2021.

[8] (en) "Barbadians celebrate the birth of a republic and bid farewell to the Queen". CNN. 30 November 2021. Besoek op 30 November 2021.

[9] (en) "Barbados". CIA World Factbook. Central Intelligence Agency. Geargiveer vanaf die oorspronklike op 24 April 2020. Besoek op 27 Mei 2018.

[10] (en) "Barbados: Sports". Regering van Barbados. Geargiveer vanaf die oorspronklike op 13 November 2009. Besoek op 21 Julie 2008. The national sport of Barbados is cricket

[6]

[1]

[2]

[3]

[4]

[5]

[7]

[8]

[9]

[10]