Staatshoof

amptenaar wat die hoogste uitvoerende posisie in 'n soewereine staat beklee

'n Staatshoof is 'n persoon wat die hoogste gesag van 'n land beliggaam of verteenwoordig. Die funksies van die staatshoof verskil van land tot land. So kan 'n staatshoof absolute magte hê, of slegs seremoniële take verrig.

George Washington, eerste president van die VSA.

In monargieë word die staatshoof oor die algemeen deur oorerflike troonopvolging bepaal. Hierdie staatshoofde kan verskillende titels dra, soos koning, keiser of prins. Sommige monargieë soos Maleisië het 'n verkose monarg wat elke 5 jaar uit die sultans van die deelstate verkies word.

In republieke word die staatshoof oor die algemeen verkies, óf direk deur die kiesers, óf deur volksverteenwoordiging. Die titel van so 'n staatshoof is meestal president of staatspresident.

Sien ook wysig