2021

Die jaar 2021 is 'n gewone jaar wat volgens die Gregoriaanse kalender op 'n Vrydag begin het. Dit is die 21ste jaar van die 21ste eeu n.C. Soos ander gewone jare het die jaar 12 maande, 52 weke en 365 dae.

Gebeure

• 1 Januarie – Portugal neem die voorsitterskap van die Europese Unie by Duitsland oor.
• 6 Januarie – Gewapende aanhangers van die uitgaande president Donald Trump bestorm die Amerikaanse Kapitool in Washington, D.C.
• 20 Januarie – Die Demokraat Joe Biden word as 46ste President van die Verenigde State van Amerika ingehuldig, terwyl Kamala Harris as 49ste adjunkpresident ingehuldig word.
• 13 Mei – Hemelvaartsdag.
• 1 Julie – Slowenië neem die voorsitterskap van die Europese Unie by Portugal oor.
• 23 Julie–8 Augustus – Die Olimpiese Somerspele 2020, wat weens die Koronaviruspandemie van 2019-2020 uitgestel is, sal in Tokio, Japan, aangebied word.
• 24 Augustus–5 September – Die Paralimpiese Somerspele 2020, wat uitgestel is, sal in Tokio aangebied word.

Sterftes

• 3 Januarie – Dorah Sitole, corden bleu-sjef en eerste swart vrou in Suid-Afrika wat 'n kookboek gepubliseer het (* 1953).
• 4 Januarie – Tanya Roberts, Amerikaanse aktrise en rolprentvervaardiger (* 1955).
• 13 Januarie – Sinikka Nopola, Finse skrywer van kinderstories (* 1953).
• 13 Januarie – Hannes Viljoen, Springbok-vleuel (* 1943).
• 16 Januarie – Phil Spector, Amerikaanse musiekprodusent (* 1939).
• 19 Januarie – Margot Luyt, Suid-Afrikaanse dramaregisseur en radio-omroeper.
• 21 Januarie – Jackson Mthembu, lid van die Nasionale Vergadering van Suid-Afrika (* 1958).
• 21 Januarie – Randy Parton, Amerikaanse akteur (* 1953).
• 23 Januarie – Jonas Gwangwa,'n Suid-Afrikaanse jazz-musikant, liedjieskrywer en vervaardiger (* 1937).
• 23 Januarie – Hal Holbrook, Amerikaanse akteur (* 1925).
• 23 Januarie – Larry King, Amerikaanse televisie-gasheer (* 1933).
• 27 Januarie – Cloris Leachman, Amerikaanse aktrise. (* 1926).
• 28 Januarie – Sibongile Khumalo, Suid-Afrikaanse sanger (* 1957)
• 5 Februarie – Christopher Plummer, Kanadese teater-, rolprent- en televisieakteur (* 1929)
• 22 Februarie – Aleksander Doba, Poolse kajakvaarder wat veral bekend was vir sy lang reise wat oseane oorsteek (* 1946).

Eksterne skakels

• Wikimedia Commons het meer media in die kategorie 2021.