Lieb Bester
Lieb Bester (15 April 1949 - 21 Julie 2021) was 'n Suid-Afrikaanse akteur en musikant. Hy was veral bekend vir sy rol as Fritz Retief in kykNET se sepie, Villa Rosa. Vir dié rol het hy in 2012 en 2013 ’n ATKV-Mediaveertjie ontvang vir beste akteur in ’n sepie.[1] Bester was ook bekend vir sy rol as senior superintendent George Lindeque in die TV-riller, Arsenaal, wat oorspronklik op SAUK2 uitgesaai is.
| Lieb Bester | |
| Geboorte | 15 April 1949 Brakpan |
|---|---|
| Sterfte | 21 Julie 2021 (72) Pretoria |
| Nasionaliteit | Suid-Afrika |
| Beroep(e) | Akteur, TV-ster, musikant |
| Internet-rolprentdatabasis-profiel | |
Lewensloop
wysigBester is op 15 April 1949 in Brakpan gebore en het in 1967 aan die Hoër Seunskool Stofberg gematrikuleer. Ná skool doen hy sy nege maande verpligte militêre diensplig in Walvisbaai. Hy maak in 1969 sy debuut as akteur in die toneelspel, Die Ryk Weduwee van Uys Krige. Sy eerste rolprent was die Seun van die Wildtemmer in 1973.
Bester bespeel verskeie musiekinstrumente, waaronder die klavier, orrel, klawerbord, trekklavier, konsertina en kitaar. Hy was deel van die dansgroep "Take 3", saam met Jan Coetzer en Deon Heyneke.[2][3]
Bester sterf op 21 Julie 2021 nadat hy vir 'n tweede keer weens Covid-19-oorsake gehospitaliseer is.[4] Hy was 72 jaar oud.
Militêre loopbaan
wysigHy was 'n lid van die Suid-Afrikaanse Weermag sedert 1978 en tree in 2001 uit die diens met die rang van kolonel. Gedurende sy diens was hy by die volgende eenhede werksaam:
- Leërhoofkwartier (Pretoria) 1978 - 1980;
- 7 SA Infanteriebataljon (Phalaborwa) 1981 - 1982;
- Infanterieskool (Oudtshoorn) 1983 - 1986;
- SWA Gebiedsmaghoofkartier (Windhoek) 1987 - 1989;
- Kommandement Natal hoofkwartier (Durban) 1989 - 1990;
- Kommandement Westelike Provinsie hoofkwartier (Kaapstad) 1991 - 1992;
- Suid-Afrikaanse Geneeskundige Diens hoofkwartier (Centurion) 1993 - 1995;
- Suid-Afrikaanse Geneeskundige Diens Kollege (Voortrekkerhoogte) 1996 - 1997;
- Miltêre Inligting (Pretoria) 1998 - 2001.
Hy het die volgende opvoedkundige kwalifikasies behaal: BA (Kommunikasiekunde/Opvoedkunde) (UNISA), DTO Nagraads (UNISA) en M Ed (UP).
Filmografie
wysigRolprente:
- Stof (kort), 2003
- Stander, 2003 as TV-nuusleser
- Panic Mechanic, 1996 as Gys
- Agter Elke Man, 1990 as Reinders
- Savage Encounter, 1980
- Die Rebel, 1976 as Duitse agent
- Liefste Madelein, 1976
- Hank, Hennery en Vriend, 1976 as Hennery
- Jakkalsdraai se Mense, 1975
- Mirage Eskader, 1975 as Martin Bekker
- Ses Soldate, 1974 as Liebling
- Skadu's van Gister, 1974
- Seun van die Wildtemmer, 1973
TV-optredes:
- Met 'n huppel in die stap (2018 - ) as veldaanbieder (kykNET)
- Villa Rosa (2005 - 2015) as prof Fritz Retief (kykNET)
- Sterk Skemer as (maj) Balt Otto
- Arsenaal, as senior superintendent George Lindeque (SAUK2)
- Kriminele Meesterbrein (2003) as veldaanbieder (kykNET)
- Ietermagô (TV-reeks), 2002 as Bulla Sonnekus
- Justice for All (TV-reeks), 1998 as Dries Alberts
- Soldier Soldier (TV-reeks BBC), 1995 as Luitenant-kolonel Danie Reitz
- Paradys (TV-reeks), 1994
- Opdrag
- TJ 7
- Phoenix en Kie
- Dis Koud Hier
Diskografie
wysigSy albums:
- Herinneringe 2019, uitgegee deur Lava'Neur Musiek (Hennie de Necker);
- "Tranquilla", 2011, self uitgegee;
- Met 'n Lieb In Jou Hart, 2009 Mamba-rekords;
- Ou Kraalliedjies, 2008 Mamba-rekords (saam met die akteur Harald Richter);
- SKOFFEL TOT DAGBREEK I en II, FANTASIA (saam met Piet Wolmarans)
Verwysings
wysig- ↑ "kykNET programme blink uit by die ATKV-Mediaveertjies". Geargiveer vanaf die oorspronklike op 25 April 2012. Besoek op 16 Februarie 2013.
- ↑ Profiel op tvsa.co.za
- ↑ "Profiel op Who's Who SA". Geargiveer vanaf die oorspronklike op 19 September 2017. Besoek op 16 Februarie 2013.
- ↑ Ferreira, Thinus (21 Julie 2021). "Veteran actor Lieb Bester (72) dies". News24. Besoek op 21 Julie 2021.