Cameron Mackenzie

Cameron Mackenzie (12 Augustus 1960 – 7 Julie 2021) was 'n Suid-Afrikaanse politikus en parlementslid in die Nasionale Vergadering vir die Demokratiese Alliansie. Mackenzie was die adjunk-skaduminister van kommunikasie en digitale tegnologieë.

Cameron Mackenzie
Cameron Mackenzie
Mackenzie vertoon sy Skotse uitrusting op sy dogter Emma se troue in 2020.

Adjunk-skaduminister van kommunikasie en digitale tegnologieë
Ampstermyn
5 Junie 2019 – 7 Julie 2021 (†)
Leier John Steenhuisen
Mmusi Maimane

Adjunk-skaduminister van telekommunikasie en poswese
Ampstermyn
5 Junie 2014 – 5 Junie 2019
Leier Mmusi Maimane

Ampstermyn
21 Mei 2014 – 7 Julie 2021 (†)

Persoonlike besonderhede
Gebore (1960-08-12)12 Augustus 1960
Sterf 7 Julie 2021 (op 60)
Fourways, Johannesburg
Politieke party Demokratiese Alliansie
Eggenoot/-note Lisa
Kind(ers) 3

Vroeë lewe en opvoeding wysig

Hy was die seun van Donald en Jeanne Mackenzie van Inverness, Skotland, en was 'n graadverteenwoordiger in die leerlingraad van sy hoërskool.[1] Hy het geweier om by die Suid-Afrikaanse Weermag vir verpligte diensplig aan te sluit en het daarom die land verlaat. By sy teruggekeer in 1990 het hy by die politiek betrokke geraak en in 1992 na die Boipatong-slagting by die ANC aangesluit.[2] Mackenzie verlaat die politiek later uit protes oor die wapenaankoopskandaal in 1996. Hy het 'n baccalaureusgraad in Kommunikasiewetenskappe aan die Universiteit van Suid-Afrika behaal, asook verskeie sertifikate.

Politieke loopbaan wysig

Voor die munisipale verkiesing in 2006 het Mackenzie besluit om as onafhanklike wyksraadkandidaat in die Stad Johannesburg te staan.[1] Hy het die persepsie gehad dat die Demokratiese Alliansie 'n party vir 'slegs ryk wit mense' was. Nadat hy met die plaaslike DA-raadslid, John Mendelsohn, gesels het en na 'n toer deur een van Johannesburg se meer as 180 informele sinkplaat-nedersettings, het Mackenzie besluit om by die party aan te sluit. Hy het vanaf 2006 op sy wykskomitee gedien totdat hy in 2009 as DA-PR-raadslid ingesweer is.

Mackenzie het in die algemene verkiesing in 2014 'n parlementêre kandidaat vir die party geword. Hy het 42ste op die DA se nasionale lys verskyn en dus vir 'n setel in die parlement gekwalifiseer, aangesien die DA sy status as amptelike opposisie behou het.[3] Kort hierna word hy deur DA-leier Mmusi Maimane aangestel as adjunkskaduminister van telekommunikasie en poswese.[4]

Mackenzie is herkies tot die parlement tydens die algemene verkiesing in 2019 en word deur Maimane aangestel as adjunkskaduminister van kommunikasie en digitale tegnologie. Hy is in Desember 2020 weer deur die nuutverkose DA-leier, John Steenhuisen, in sy skadukabinet aangestel.[5]

Persoonlike lewe wysig

MacKenzie was getroud met Lisa, en hulle het twee dogters, Emma en Andrea, en 'n seun, Thorne. Op 7 Januarie 2020 is Mackenzie tydens 'n roofpoging in Dainfern, Johannesburg geskiet. Na 'n operasie het MacKenzie byna ten volle herstel.[6] Hy sterf egter op 7 Julie 2021 weens simptome van die Covid-19-pandemie.

Verwysings wysig

  1. 1,0 1,1 "Mr Cameron Mackenzie (DA)". People's Assembly. Besoek op 11 Februarie 2021.
  2. "Truth Commission - Special Report - Volume 2, Chapter 4". sabctrc.saha.org.za. Besoek op 11 Februarie 2021.
  3. "2014 elections: List of DA MPs elected to the National Assembly". Politicsweb. Besoek op 11 Februarie 2021.
  4. Maimane, Mmusi. "The DA's shadow cabinet - Mmusi Maimane". Politicsweb. Besoek op 11 Februarie 2021.
  5. Mazzone, Natasha. "DA announces new Shadow Cabinet that will bring Real Hope and Real Change". Democratic Alliance. Besoek op 19 Januarie 2021.
  6. "MP Cameron Mackenzie undergoes surgery after being shot in Dainfern attempted robbery". TimesLIVE (in Engels). Besoek op 26 Januarie 2021.