Boipatong

Boipatong is 'n township in suidelike Gauteng, Suid-Afrika. Dit is in 1955 gestig. Volgens die 2011-sensus het die township 'n bevolking van 22 168 gehad. Die meerderheid van die bevolking praat Suid-Sotho. Die plek se naam beteken "wegkruipplek" in Suid-Sotho.

Boipatong
Boipatong
Koördinate: 26°40′S 27°51′O
Land	Suid-Afrika
Provinsie	Gauteng
Stigting	1955
Bevolking
• Totaal	22 168
Tydsone	UTC+2 (SAST)

Boipatong-slagting

Die Boipatong-slagting het die nag van 17 Junie 1992 hier plaasgevind. Tydens die slagting het honderde plaaslike hostelbewoners van die IVP, ondersteuners van die ANC in die woongebied aangeval. Altesaam 45 mense is in die voorval gedood en 'n verdere 27 is ernstig beseer. Lede van die destydse SA Polisiediens is van betrokkenheid verdink. Ná dié slagting is samesprekings tussen die ANC en die Nasionale Party-regering opgeskort, maar dit is na die Bhisho-slagting in September van dieselfde jaar hervat.

Sien ook

• Lys van dorpe in Suid-Afrika