Jabu Mabuza

Suid-Afrikaanse sakeman

Jabu Mabuza (1958 - 16 Junie 2021) was 'n Suid-Afrikaanse sakeman en belegger. Hy was voorsitter van die Eskom-raad. [1] [2] [3] [4]

Hy word in Januarie 2018 as die voorsitter van Eskom aangewys.[5]

Vroeë lewe en opvoeding wysig

Jabulane Mabuza is op 4 Februarie 1958 in die dorpie Waterval-Boven in Suid-Afrika gebore. Sy gesin is later in Witrivier op trustgrond hervestig, en Mabuza het alternatiewelik by sy twee oumas en later by 'n tante in Daveyton gewoon. Terwyl hy op hoërskool was, is Mabuza geskors omdat hy deelgeneem het aan die studentebetogings in 1976 in Soweto. Hy matrikuleer in Durban en studeer van 1981 tot 1982 aan die Universiteit van Limpopo.[5]

Loopbaan wysig

In 1980 word hy 'n klerk by die destydse Departement van Bantoesake. Hy het in Daveyton taxi's vir sakgeld bestuur en later 'n taxi-eienaar geword. [5] In die laat tagtigerjare help hy met die stigting van die Foundation for African Business and Consumer Services, en word die uitvoerende hoof van die organisasie in 1990.

Mabuza was die uitvoerende hoof van Tsogo Sun Holding. [5]

Op 20 Januarie 2018 het president Cyril Ramaphosa Mabuza as die nuwe voorsitter van Eskom aangestel, 'n staatsonderneming vir kragvoorsiening. [5]

Persoonlike lewe wysig

Mabuza het sy toekomstige vrou, Siphiwe, in die 1970's ontmoet en hulle het drie kinders gehad. [5] Hy sterf op 16 Junie 2021 aan COVID-19 in die ouderdom van 63 jaar.

Verwysings wysig

  1. "Biography of Jabu Mabuza" (PDF). Eskom. Geargiveer vanaf die oorspronklike (PDF) op 14 Februarie 2019. Besoek op 25 Junie 2021.
  2. "New Eskom board announced - Jabu Mabuza named as new chairperson", Mail & Guardian, 20 Januarie 2018
  3. "South Africa names Jabu Mabuza as Eskom chairman in board shake-up", Reuters, Nqobile Dludla, 20 Januarie 2018
  4. "Busa president Jabu Mabuza awarded honorary doctorate" Geargiveer 30 Junie 2021 op Wayback Machine, The Citizen, 7 Mei 2017
  5. 5,0 5,1 5,2 5,3 5,4 5,5 "Eskom's new chair is a man of 'unimpeachable integrity'", Mail & Guardian, Lisa Steyn, 21 Januarie 2018