Al Jazeera
Al Jazeera (Arabies: الجزيرة, al-ǧazīrah, [æl dʒæˈziːrɐ]; letterlik: "die eiland", wat verwys na die Arabiese Skiereiland as 'n geheel[1]) is 'n Arabiese TV-netwerk wat van Doha, die hoofstad van Katar, uitsaai. Hulle is veral bekend vir hulle nuuskanaal, wat deur talle mense in die Midde-Ooste, Noord-Afrika en deur Arabiese sprekers oor die wêreld gevolg word. Hulle het aanvanklik slegs in Arabies uitgesaai, maar bied tans ook 'n Engelse kanaal, wat hoofsaaklik oor nuusgebeure en politieke kwessies handel.
| Al Jazeera | |
|---|---|
 Al Jazeera se kenteken
| |
| Gestig | 1 November 1996 |
| Eienaar | Al Jazeera Media Network |
| Beeldformaat | 1080i (HD) 576i (SD) |
| Slagspreuk | "The Opinion and The Other Opinion" |
| Land |  Katar
|
| Taal | Arabies, Engels |
| Uitsaaiarea | Wêreldwyd |
| Hoofkantoor | Doha, Katar |
| Susterkanale | Al Jazeera English Al Jazeera Mubasher Al Jazeera Balkans Al Jazeera Türk Al Jazeera Documentary Channel |
| Webtuiste | www.aljazeera.net |
| Arabsat | kanaal 11604 H – 27500 – 3/4 |
| Nilesat | kanaal 10971 V – 27500 – 3/4 (SD) 11219 H – 27500 – 5/6 (HD) |
| Hotbird | kanaal 12111 V – 27500 – 3/4 |
Al Jazeera is in 1996 begin, nadat die BBC hulle Arabiese TV-stasie gesluit het. Sheikh Hamad bin Khalifa het 150 miljoen Amerikaanse dollar vir die oprigting van die netwerk bewillig. Baie van die joernaliste wat aanvanklik vir die BBC gewerk het, het na die nuwe netwerk oorgeskuif.
Die netwerk se bereidwilligheid om uiteenlopende menings uit te saai, het al menige kere omstredenheid in die Arabiese en Persiese wêreld veroorsaak. In 2001 het hulle wêreldwye aandag geniet toe hulle die enigste netwerk was wat die oorlog in Afghanistan lewendig gebeeldsend het.[2]
Die netwerk is al van propaganda beskuldig,[3] maar hou vol dat hulle al die kante van die storie dek. As voorbeeld het hulle per geleentheid Israel se sienings uitgesaai, en selfs video's van Osama bin Laden gebeeldsend.[4]
Verwysings wysig
- ↑ "Our Story is Telling" (in Engels). Al Jazeera Media Network. Geargiveer vanaf die oorspronklike op 31 Augustus 2019. Besoek op 31 Augustus 2019.
The dictionary definition of "jazeera" in Arabic is "island" or "peninsula"
- ↑ Whitaker, Brian (7 Februarie 2003). "Battle station". The Guardian (in Engels). Londen. Geargiveer vanaf die oorspronklike op 1 Maart 2020. Besoek op 26 Augustus 2011.
- ↑ Oren Kessler. "The Two Faces of Al Jazeera". Middle East Forum (in Engels). Geargiveer vanaf die oorspronklike op 31 Augustus 2019. Besoek op 16 Junie 2015.
- ↑ (en) Al Jazeera: The Most-Feared News Network, https://www.brookings.edu/articles/al-jazeera-the-most-feared-news-network/
Eksterne skakels wysig
- (ar) Al Jazeera se tuisblad
- (en) Al Jazeera se Engelse webtuiste
Wikimedia Commons het meer media in die kategorie Al Jazeera.
