Sewesrugby

Sewesrugby is 'n variant van rugby met spanne wat bestaan uit sewe spelers, wat twee sewe-minuuthelftes speel, in plaas van die gewone 15 spelers wat 40-minuuthelftes speel.

Piktogram wat Sewesrugby aandui

'n Skrum tydens die Europese Sewes in 2008, Duitsland v Georgië

'n Vrouesewesrugbyspel in die VSA

Sewesrugby word geadministreer deur Wêreldrugby, die liggaam wat verantwoordelik is vir rugbyunie wêreldwyd. Die spel is baie gewild op alle vlakke, met amateur- en klubtoernooie wat oor die algemeen in die somermaande gehou word. Sewes is een van die besverspreide vorme van rugby, en is gewild in dele van Afrika, Asië, Europa en die Amerikas, en veral op eilande in die Suid-Stille Oseaan.

Sewesrugby word algemeen na verwys deur die rugbyunie media en ondersteuners as bloot "sewes".

Reëls, tydsduur en puntetelling

Dit word onder dieselfde reëls as die 15-manspel gespeel, op 'n veld van dieselfde afmetings, maar 'n sewesrugbywedstryd duur ongeveer 15 minute (7 minute aan 'n kant met 1 minuut rustyd tussenin). Die finaal duur 'n bietjie langer as 20 minute; elke helfte in 'n eindstryd is tien minute in plaas van die normale sewe minute, en die spel eindig eers wanneer die bal die veld verlaat of punte aangeteken word.

Die puntestelsel is soortgelyk aan rugbyunie waar 'n drie vir 'n span 5 punte beteken, plus nog 2 punte indien die doelskop slaag. Strafskoppe en skepskoppe verdien elk 3 punte (skepskoppe is baie ongewoon in sewes).

Eksterne skakels

• Wikimedia Commons het meer media in die kategorie Sewesrugby.