Engelse Rugbyvoetbalunie

Die Engelse Rugbyvoetbalunie (Engels: Rugby Football Union, afgekort “RFU”) is die bestuursliggaam wat rugby in Engeland beheer. Die unie is by Wêreldrugby geaffilieer en organiseer verskeie nasionale spanne, insluitend Engeland se nasionale seniormansrugbyspan (die Rooi Rose), vroue en jeug. Saam met die Franse Rugbyfederasie, die Ierse Rugbyvoetbalunie, die Italiaanse Rugbyfederasie, die Skotse Rugbyunie en die Walliese Rugbyunie organiseer hulle die jaarlikse Sesnasies-toernooi, die vernaamste rugbytoernooi in die Noordelike Halfrond. Die RFU hou ook toesig oor Sewesrugby in Engeland en aangesien dit ’n Olimpiese sportsoort is, werk hulle met die Britse Nasionale Olimpiese Komitee saam. Die Engelse Rugbyvoetbalunie het reeds as medegasheer van belangrike toernooie soos die rugbywêreldbekers in 1991 en 1999 (albei saam met die ander destydse Vyfnasies), asook 2015 (saam met Wallis) opgetree.

Engelse Rugbyvoetbalunie
Kenteken van die Engelse Rugbyvoetbalunie
Kenteken van die Engelse Rugbyvoetbalunie
Engelse naam Rugby Football Union
Afkorting RFU
Land Vlag van Engeland Engeland
Sportsoorte Rugby, Sewesrugby
Gestig op 26 Januarie 1871
Gestig in Londen, Engeland
Lid van Wêreldrugby
Aangesluit in 1890
Vastelandse beheerliggaam Rugby Europa
President Jeff Blackett
Hoof- uitvoerende beampte Andy Cosslett
Setel Twickenham-stadion, Londen, Engeland
Amptelike taal Engels
Amptelike webwerf englandrugby.com
Die Webb Ellis Rugby Football Museum in die Engelse dorp Rugby
Gedenkplaat by die plek, waar die Engelse Rugbyvoetbalunie op 26 Januarie 1871 gestig is

Die RFU is op 26 Januarie 1871 gestig.[1] Dit is die oudste rugbybeheerliggaam ter wêreld en het in 1890 by die Internasionale Rugbyraad (IRR), die huidige Wêreldrugby, aangesluit.[2] Die belangrikste Engelse rugbytoernooi is die Engelse Premierskap, waaraan twaalf klubs deelneem.[3] Bo die nasionale kampioenskap word jaarliks saam met klubs uit Frankryk, Ierland, Italië, Skotland en Wallis die Europese Rugbykampioenskapbeker en die Europese Rugby-uitdaagbeker uitgespeel.

Naas die amptelike nasionale span roep die RFU ook ander keurspanne byeen. Die England Saxons is die tweede nasionale span van Engeland.[4] Nes ander rugbynasies beskik Engeland oor ’n o/20-nasionale span wat aan die o/20-Sesnasies-toernooi en die Wêreldrugby o/20-kampioenskap deelneem.[5][6] Kinders en jongmense word reeds op skool aan rugby bekend gestel en na gelang van hul belangstelling en talent begin hul met hul afrigting. Engeland beskik oor ’n nasionale span vir skoliere, die Schoolboys, wat as ’n voorbereiding op die Engelse nasionale rugbyspan dien.[7]

Dit word as ’n groot prestasie beskou om saam met die Britse en Ierse Leeus na die Suidelike Halfrond te toer, waar hulle sowat al om die vier jaar teen die Nieu-Seelandse All Blacks, die Suid-Afrikaanse Springbokke of die Australiese Wallabies speel.[8]

Sien ookWysig

VerwysingsWysig

  1. (en) "History". Rugbyvoetbalunie. Besoek op 7 April 2021.
  2. (en) "Member Unions". Wêreldrugby. Besoek op 7 April 2021.
  3. (en) "FAQs". Premiership Rugby. Besoek op 7 April 2021.
  4. (en) "England A becomes England Saxons". Rugbyvoetbalunie. 18 Mei 2006. Geargiveer vanaf die oorspronklike op 27 September 2012. Besoek op 27 September 2012. [dooie skakel]
  5. (en) "England U20". Sesnasies. Besoek op 7 April 2021.
  6. (en) "World Rugby U20 Championship". Wêreldrugby. Besoek op 7 April 2021.
  7. (en) "Schools". Rugbyvoetbalunie. Besoek op 7 April 2021.
  8. (en) "British & Irish Lions". Britse en Ierse Leeus. Besoek op 7 April 2021.

Eksterne skakelsWysig


Nasionale Rugbyunies van Wêreldrugby  

ArgentiniëAustraliëDuitslandEngelandFrankrykIerlandItaliëJapanKeniaNieu-SeelandSkotlandSuid-AfrikaWallis