Maak hoofkeuseskerm oop

Cornelius Michael Smith (* 8 Mei 1934, Bloemfontein – † 2 Mei 2016) was ’n Springbokrugbyspeler en Suid-Afrika se een-en-dertigste Springbokkaptein. Hy was ook die Springbokafrigter gedurende 1980–1981.

Nelie Smith Sportportaal
Volle naam Cornelius Michael Smith
Bynaam Nelie
Geboortedatum 8 Mei 1934
Geboorteplek Bloemfontein, Suid-Afrika
Sterftedatum 2 Mei 2016 (op 81)
Sterfteplek Strand
Skool Hoërskool Sentraal
Rugbyloopbaan
Loopbaan as speler
Posisie(s) Skrumskakel
Springbokno. 389
Amateurspanne
Jare Klub / span Weds (pte)
Collegians
Provinsiale- / Staatspanne
Jare Klub / span Weds (pte)
1956–1965
1966
Oranje-Vrystaat
Griekwas
60
4
Nasionale span(ne)
Jare Land Weds (pte)
1963–1965 Vlag van Suid-Afrika Suid-Afrika 7 (12)
Loopbaan as afrigter
Jare Klub / span
1976
1980–1981
Oranje-Vrystaat
Vlag van Suid-Afrika Suid-Afrika
Rugbyloopbaan

Op provinsiale vlak het Smith die Oranje-Vrystaat tussen 1956 en 1965 in 60 wedstryde verteenwoordig, waarvan hy in 37 die kaptein was. Hy het in 1966 in vier wedstryde vir die Griekwas gespeel. As afrigter van provinsiale spanne het Smith, saam met Sakkie van Zyl, die span van die Oranje-Vrystaat in 1976 tot hul eerste Curriebekertitel gelei. Het was ook die afrigter van die Oostelike Provinsie en Noord-Vrystaat in Suid-Afrika, Ballymena in Ierland en Rovigo in Italië.

Smith het Suid-Afrika in sewe toetse verteenwoordig as skrumskakel tussen 1963 en 1965, waarvan hy in vier die kaptein was. Sy eerste Springbokwedstryd was teen Australië in 1963 en in 1964 was sy eerste wedstryd as kaptein teen Frankryk. In sy Springbokloopbaan het Smith een drie gedruk en drie strafdoele oorgeskop vir ’n totaal van twaalf punte. Smith het voorts ook in twaalf toerwedstryde vir die Springbokke gespeel.

In 1980 tot 1981 was Smith die Springbokafrigter en die span het onder sy leiding twaalf uit die vyftien wedstryde gewen. Daarbenewens was hy vir ’n dekade lank, van 1971 tot 1981, ’n keurder vir die Springbokke. Smith is een van ’n uitgelese groep wat die Springbokke as speler, kaptein en afrigter verteenwoordig het.

BronWysig

  • Die Kapteins, Edward Griffiths, 2001, ISBN 1-86842-116-3
  • (en) "RIP – Cornelius Michael "Nelie" Smith (1934–2016)" (html). Suid-Afrikaanse Rugbyunie. 2 Mei 2016. Besoek op 6 Mei 2016.

Eksterne skakelsWysig

Voorafgegaan deur
Abie Malan
Springbokkaptein
1964
Opgevolg deur
Dawie de Villiers