Maak hoofkeuseskerm oop
Replika van die FIFA Sokker-Wêreldbekertrofee waarom sedert 1974 meegeding word


Die FIFA Sokker-Wêreldbeker (Engels: FIFA World Cup) is 'n sokkerwêreldkampioenskapstoernooi wat al om die vier jaar tussen internasionale mansspanne (wat lede van FIFA is) gespeel word. Die toernooi is gereeld al om die vier jaar aangebied sedert dit vir die eerste keer in 1930 in Uruguay gespeel is, met die uitsondering van 1942 en 1946 toe dit weens die Tweede Wêreldoorlog nie kon plaasvind nie. Die huidige verdedigende wêreldkampioen is Frankryk, wat die 2018-toernooi in Rusland gewen het.

Die huidige formaat van die kampioenskap behels 32 (vanaf 2026: 48) spanne wat om die titel meeding in stadions van die gasheerland(e) oor 'n periode van ongeveer een maand. Hierdie fase word gewoonlik die Wêreldbekereindrondte of Wêreldbekerfinale genoem. Die kwalifiserende fase vind oor 'n periode van twee jaar voor die afskop plaas waartydens besluit word watter spanne kwalifiseer. Die gasheerland(e) kry sedert 1938 'n outomatiese plasing; net die gasheer van die FIFA Sokker-Wêreldbekertoernooi in 1934, Italië, moes in die destydse kwalifikasiefase meeding. Die verdedigende kampioen het vanaf 1938 tot 2006 ook die reg van outomatiese kwalifisering geniet. Interessant genoeg was die verdedigende kampioen nooit die gasheer van die volgende toernooi nie, dus was daar altyd minstens twee spanne wat outomaties gekwalifiseer het.

Oor die 21 toernooie wat tot dusver aangebied is, het agt lande al die titel ingepalm. Brasilië het 'n rekord vyf keer gewen en is ook die enigste span wat tot dusver in al die toernooie meegeding het. Duitsland en Italië het vier elk keer gewen. Die ander wenners sluit in Argentinië, Frankryk en Uruguay met twee titels elk, en Engeland en Spanje met een titel elk. Ander lande wat gereeld meeding soos België, Meksiko en Nederland kon nog nie daarin slaag om die beker in te palm nie.

Die toernooie word as die sportbyeenkoms met die meeste kykers ter wêreld beskou met ongeveer 715,1 miljoen mense wat in 2006 na die eindwedstryd in Duitsland gekyk het.[1] Die suksesvolste toernooi tot dusver was die FIFA Sokker-Wêreldbekertoernooi in 1994 in die Verenigde State met 'n bywoning van amper 69 000 toeskouers per wedstryd.[2]

Die volgende twee wêreldbekertoernooie sal in 2022 in Katar en in 2026 gesamentlik in Kanada, Meksiko en die Verenigde State plaasvind. Met die FIFA Sokker-Wêreldbekertoernooi in 2030 mag die eeufeesviering nes die FIFA Sokker-Wêreldbekertoernooi in 1930 moontlik weer in Montevideo plaasvind.

UitslaeWysig

Jaar Land(e) Finale Derde plek
Wenner Telling Tweede plek Derde plek Telling Vierde plek Deelnemende lande
1930
Oorsig
  Uruguay   Uruguay 4:2   Argentinië   Verenigde State   Joego-Slawië 13
1934
Oorsig
  Italië   Italië 2:1 e. T.   Tsjeggo-Slowakye   Nazi-Duitsland 3:2   Oostenryk 16
1938
Oorsig
  Frankryk   Italië 4:2   Hongarye   Brasilië 4:2   Swede 16
1950
Oorsig
  Brasilië   Uruguay 2:1   Brasilië   Swede 3:1   Spanje 13/16
1954
Oorsig
  Switserland   Wes-Duitsland 3:2   Hongarye   Oostenryk 3:1   Uruguay 16
1958
Oorsig
  Swede   Brasilië 5:2   Swede   Frankryk 6:3   Wes-Duitsland 16
1962
Oorsig
  Chili   Brasilië 3:1   Tsjeggo-Slowakye   Chili 1:0   Joego-Slawië 16
1966
Oorsig
  Engeland   Engeland 4:2 e. T.   Wes-Duitsland   Portugal 2:1   Sowjetunie 16
1970
Oorsig
  Meksiko   Brasilië 4:1   Italië   Wes-Duitsland 1:0   Uruguay 16
1974
Oorsig
  Wes-Duitsland   Wes-Duitsland 2:1   Nederland   Pole 1:0   Brasilië 16
1978
Oorsig
  Argentinië   Argentinië 3:1 e. T.   Nederland   Brasilië 2:1   Italië 16
1982
Oorsig
  Spanje   Italië 3:1   Wes-Duitsland   Pole 3:2   Frankryk 24
1986
Oorsig
  Meksiko   Argentinië 3:2   Wes-Duitsland   Frankryk 4:2 e. T.   België 24
1990
Oorsig
  Italië   Wes-Duitsland 1:0   Argentinië   Italië 2:1   Engeland 24
1994
Oorsig
  Verenigde State   Brasilië 0:0 e. T.
3:2 n. S.
  Italië   Swede 4:0   Bulgarye 24
1998
Oorsig
  Frankryk   Frankryk 3:0   Brasilië   Kroasië 2:1   Nederland 32
2002
Oorsig
  Suid-Korea
  Japan
  Brasilië 2:0   Duitsland   Turkye 3:2   Suid-Korea 32
2006
Oorsig
  Duitsland   Italië 1:1 e. T.
5:3 n. S.
  Frankryk   Duitsland 3:1   Portugal 32
2010
Oorsig
  Suid-Afrika   Spanje 1:0 e. T.   Nederland   Duitsland 3:2   Uruguay 32
2014
Oorsig
  Brasilië   Duitsland 1:0 e. T.   Argentinië   Nederland 3:0   Brasilië 32
2018
Oorsig
  Rusland   Frankryk 4:2   Kroasië   België 2:0   Engeland 32
2022
Oorsig
  Katar 32
2026
Oorsig
  Kanada
  Meksiko
  Verenigde State
48
2030
Oorsig
n.v.t. 48
2034
Oorsig
n.v.t. 48

StatistiekWysig

 
Beste uitslae van deelnemende lande en gashere
Plek Land Titel Wêreldbeker
1
  Brasilië 5 1958, 1962, 1970, 1994, 2002
2
  Duitsland 4 1954, 1974, 1990, 2014
  Italië 4 1934, 1938, 1982, 2006
4
  Argentinië 2 1978, 1986
  Frankryk 2 1998, 2018
  Uruguay 2 1930, 1950
6
  Engeland 1 1966
  Spanje 1 2010

Eerste deelnamesWysig

TriviaWysig

Stelling Speler Span Periode
Meeste deelnames   Brasilië 1930 – hede (het aan al die toernooie deelgeneem)
Meeste doelpunte aangeteken Miroslav Klose (16 doele)   Duitsland 2002–2014
Meeste doelpunte aangeteken tydens 'n Wêreldbeker Just Fontaine (13 doele)   Frankryk 1958

Sien ookWysig

VerwysingsWysig

  1. (en) "2006 FIFA World Cup broadcast wider, longer and farther than ever before". FIFA.com. FIFA. 6 Februarie 2007. Besoek op 13 Junie 2018.
  2. (en) "FIFA World Cup competition records" (PDF). FIFA.com. FIFA. p. 2. Besoek op 17 Junie 2018.

BronWysig

  • (en) Glanville, Brian (2005). The Story of the World Cup. Faber. p. 44. ISBN 0-571-22944-1.

Eksterne skakelsWysig