FIFA Sokker-Wêreldbekertoernooi in 2022
|
Die artikel beskryf ’n sportgebeurtenis wat in die toekoms gaan plaasvind. Die inligting is moontlik spekulatief en kan vinnig verander soos data beskikbaar raak. |
|
Die 22ste FIFA Sokker-Wêreldbekertoernooi (Arabies: كأس العالم لكرة القدم 2022, Kaʾs al-ʿālam li-kurat al-qadam 2022; Engels: FIFA World Cup) sal vanaf 21 November tot 18 Desember 2022 in Katar aangebied word. Dit sal die eerste Sokker-Wêreldbekertoernooi in die Midde-Ooste wees en die eerste in Asië sedert 2002 in Japan en Suid-Korea.
| كأس العالم لكرة القدم 2022 Kaʾs al-ʿālam li-kurat al-qadam 2022 Qatar 2022 | |
|---|---|
 | |
| Toernooi-inligting | |
| Gasheerland |  Katar |
| Datums | 21 November – 18 Desember |
| Spanne | 32 (van 5 of 6 konfederasies) |
| Stadions | 8 of 12 (in 8 stede) |
← 2018 2026 → | |
32 nasionale sokkerspanne sal aan die FIFA Sokker-Wêreldbekertoernooi in 2022 deelneem. Die spanne sal in agt groepe verdeel word, waarvan die twee beste spanne van elke groep na die agtste eindrondte sal deurdring. Dit sal die laaste toernooi met die getal van 32 nasionale sokkerspanne wees; vir die volgende FIFA Sokker-Wêreldbekertoernooi in 2026 in Noord-Amerika sal die getal tot 48 verhoog word.
Die nasionale sokkerspan van die gasheer Katar sal vir die eerste keer aan 'n Sokker-Wêreldbekertoernooi deelneem.
ToewysingWysig
FIFA het op 19 Desember 2008 in Tokio beslis dat die toernooie van 2018 en 2022 gemeenskaplik toegewys sal word. Volgens FIFA se beleid mag net al om die drie toernooie in dieselfde kontinentale organisasie gehou word. Lande van CAF was dus onverkiesbaar vir 2018, omdat die FIFA Sokker-Wêreldbekertoernooi in 2010 aan Suid-Afrika toegewys is; lande van CONMEBOL was onverkiesbaar vir beide 2018 en 2022, omdat die vorige FIFA Sokker-Wêreldbekertoernooi in 2014 aan Brasilië toegewys is.[1]
Katar is op 2 Desember 2010 in Zürich deur die FIFA gekies as die gasheer vir die FIFA Sokker-Wêreldbekertoernooi in 2022. Ander kandidaatlande was Australië, Japan, Suid-Korea en die Verenigde State. Gelyktydig is die FIFA Sokker-Wêreldbekertoernooi in 2018 aan Rusland toegewys.
Die stemming het as volg verloop:
| Stemming vir gasheer van die FIFA Sokker-Wêreldbekertoernooi in 2022[2] | ||||||
|---|---|---|---|---|---|---|
| Land | Rondte 1 | Rondte 2 | Rondte 3 | Rondte 4 | ||
| Katar |
11 | 10 | 11 | 14 | ||
 Verenigde State |
3 | 5 | 6 | 8 | ||
 Suid-Korea |
4 | 5 | 5 | – | ||
 Japan |
3 | 2 | – | – | ||
 Australië |
1 | – | – | – | ||
Kontroversie oor aanbieding deur KatarWysig
Die tydskedulering van die byeenkoms is nog onseker, maar as gevolg van die warm klimaat in Katar is kommer uitgespreek oor die hou van die byeenkoms gedurende die tradisionele maande vir die Wêreldbekertoernooi van Junie en Julie, sedert die bod gemaak is. In Oktober 2013 is 'n taakspan die opdrag gegee om alternatiewe datums te ondersoek en verslag te doen daaroor na die 2014-sokkertoernooi in Brasilië.[3] Die gasheer Katar ontvang ook fel kritiek as gevolg van die manier waarop baie van die konstruksie-projekte verloop; honderde werkers het gesterf sedert die toernooi toegeken is aan Katar in 2010. Verder is beskuldigings van korrupsie en omkopery gemaak met betrekking tot hoe Katar die reg om die geleentheid aan te bied bekom het. FIFA is besig met 'n voortgesette ondersoek na dié bewerings, en daar was ook al oproepe om die Wêreldbekertoernooi na 'n ander land te verskuif.[4]
KwalifiseringWysig
Die gasheer Katar kwalifiseer outomaties vir die FIFA Sokker-Wêreldbekertoernooi in 2022. Van die 31 oorblywende plekke is 13 vir Europese spanne gereserveer, vyf vir Afrika, vyf vir Suid-Amerika, vier vir Asië en drie vir Noord- en Sentraal-Amerika. Twee plekke sal tydens uitspeelwedstryde tussen Afrika en Noord-/Sentraal-Amerika en tussen Suid-Amerika en Oseanië beslis word.
Kwalifiserende spanneWysig
Die volgende spanne het vir die finale toernooi gekwalifiseer (soos op 14 Junie 2018):
| Span | Verskynings by eindstryde | Agtereenvolgende deelnames | Laaste verskyning | Vorige beste prestasie |
|---|---|---|---|---|
| Katar
|
1ste | 1 | – | Debuut |
StadionsWysig
Wedstryde sal in die volgende stede gespeel word:
| Doha | |||
|---|---|---|---|
| Khalifa Internasionale Stadion | Qatar Stigtingsstadion | Ras Abu Aboud-stadion | Al Thumama-stadion |
.jpg)
|
|||
| Kapasiteit: 40 000 (opgegradeer)[5] |
Kapasiteit: 40 000 (onder konstruksie)[6] |
Kapasiteit: 40 000 (beplan)[7] |
Kapasiteit: 40 000 (onder konstruksie)[8] |
| Al Khor | Al Wakrah | ||
| Al-Bayt-stadion | Al Wakrah-stadion | ||
| Kapasiteit: 60 000 (onder konstruksie)[9] |
Kapasiteit: 40 000 (onder konstruksie)[10] | ||
| Al Rayyan | Lusail | ||
| Ahmed bin Ali-stadion | Lusail Iconic-stadion | ||
|
|||
| Kapasiteit: 21 282 (word uitgebrei tot 40 000)[11] |
Kapasiteit: 86 250 (onder konstruksie) | ||
WedstrydeWysig
Die wedstryde sal in twee fases opgedeel word, naamlik die groepuitdunne en die uitklopfase.
GroepuitdunneWysig
32 spanne sal aan die groepuitdunne deelneem. Die boonste twee spanne in elke groep dring na die tweede rondte (die uitklopfase) deur.
VerwysingsWysig
- ↑ (en) "Fifa abandons World Cup rotation". BBC. 29 Oktober 2007. Besoek op 14 Junie 2018.
- ↑ (en) "FIFA World Cup™ host announcement decision" (PDF). FIFA. Besoek op 14 Junie 2018.
- ↑ (en) "World Cup 2022: Fifa taskforce to seek new dates for tournament". BBC Sport. 4 Oktober 2013. Besoek op 9 Januarie 2014.
- ↑ (en) "Japan ready to host 2022 World Cup if event stripped from Qatar". ArabianBusiness.com. 29 Mei 2014. Besoek op 9 Junie 2014.
- ↑ (en) "Khalifa International Stadium: Qatar's most historic stadium & a crucial player for 2022". 8 Januarie 2018. Besoek op 14 Junie 2018.
- ↑ (en) "Ras Abu Aboud Stadium: A legacy for the community". 8 Januarie 2018. Besoek op 14 Junie 2018.
- ↑ (en) "Qatar Foundation Stadium: An amazing experience for fans & a bright future for football". 8 Januarie 2018. Besoek op 14 Junie 2018.
- ↑ (en) "Al Thuymama Stadium: A tribute to our region". 8 Januarie 2018. Besoek op 14 Junie 2018.
- ↑ (en) "Al Bayt Stadium: A uniquely Qatari stadium, to rival the best in the world". 8 Januarie 2018. Besoek op 14 Junie 2018.
- ↑ (en) "Al Wakrah Stadium: An extraordinary stadium for an adventurous city". 8 Januarie 2018. Besoek op 14 Junie 2018.
- ↑ (en) "Al Rayyan Stadium: The gateway to the desert opens its doors to the world". 8 Januarie 2018. Besoek op 14 Junie 2018.
Eksterne skakelsWysig
| Wikimedia Commons bevat media in verband met FIFA Sokker-Wêreldbekertoernooi in 2022. |
- (en) fifa.com: Xavi: Talent is the next evolution of football
- (en) worldcup-history.com: Qatar, 2022
.svg){kind=logo}