FIFA Sokker-Wêreldbekertoernooi in 1950

Die vierde FIFA Sokker-Wêreldbekertoernooi (Portugees: IV Campeonato Mundial de Futebol – Brasil, [ˈkwaʁtu kɐ̃pjoˈnatu mũdʒiˈaw dʒi ˌfutʃiˈbɔw]; Engels: FIFA World Cup) is vanaf 24 Junie tot 16 Julie 1950 in Brasilië aangebied. Dit was die eerste Sokker-Wêreldbekertoernooi wat in Brasilië aangebied is en die tweede in Suid-Amerika. Dit was die eerste Sokker-Wêreldbekertoernooi ná die einde van die Tweede Wêreldoorlog vyf jaar vroeër, nadat die toernooie van 1942 en 1946 weens die wêreldwye oorlog gekanselleer is. Die vorige FIFA Sokker-Wêreldbekertoernooi in 1938 is twaalf jaar vroeër in Frankryk beslis.

FIFA Sokker-Wêreldbeker

IV Campeonato Mundial de Futebol – Brasil
Toernooi-inligting
Gasheerland	Brasilië
Datums	24 Junie – 16 Julie
Spanne	16 (van 3 konfederasies)
Stadions	6 (in 6 stede)
Finale uitslag
Kampioene	Uruguay (2 titels)
Tweede plek	Brasilië
Derde plek	Swede
Vierde plek	Spanje
Toernooi-statistieke
Wedstryde gespeel	22
Doele	88 (4 per wedstryd)
Bywoning	1 043 500 (47 432 per wedstryd)
Meeste punte	Ademir (8 doele)
Beste speler	Zizinho
← 1938 1954 →

Die Jules Rimet-trofee waarom meegeding is

16 nasionale sokkerspanne het aan die FIFA Sokker-Wêreldbekertoernooi in 1950 deelgeneem. Die spanne is in vier groepe verdeel, waarvan die beste span van elke groep na die finale rondte deurgedring het. Brasilië, Spanje, Swede en Uruguay het hul onderskeidelike groepe gewen en na die finale groep deurgedring. Dit was die enigste toernooi wat nie deur ’n enkele eindwedstryd beslis is nie en die beste span van die finale groepfase het die Jules Rimet-trofee verower. Uruguay het die trofee gewen nadat hulle Brasilië met 2–1 in die laaste wedstryd geklop en sodoende hul tweede wêreldbekertitel ingepalm het. Swede het in die derde en Spanje in die vierde plek geëindig.

Die Suid-Afrikaanse nasionale sokkerspan het nie aan die toernooi deelgeneem nie omdat hulle nie ’n lid van FIFA was nie. Beide Duitsland en Japan is nie toegelaat om aan die kwalifisering deel te neem nie. Verskeie ander lande soos Hongarye, die Sowjetunie en Tsjeggo-Slowakye wou nie aan die kwalifisering deelneem nie, terwyl België en Oostenryk in Europa; Burma, Filippyne en Indonesië in Asië; Argentinië, Ecuador en Peru in Suid-Amerika hulleself aan die kwalifisering onttrek het. Indië, Skotland en Turkye het ná hul suksesvolle kwalifisering aan die toernooi onttrek. Die nasionale sokkerspan van Engeland het vir die eerste keer aan ’n Sokker-Wêreldbekertoernooi deelgeneem, nadat die vier Britse nasionale sokkerbeheerliggame vier jaar vroeër by FIFA heraangesluit het.

Toewysing

Brasilië is op 26 Julie 1946 in Luxemburg deur FIFA gekies as die gasheer vir die FIFA Sokker-Wêreldbekertoernooi in 1950; gelyktydig is die FIFA Sokker-Wêreldbekertoernooi in 1954 aan Switserland toegeken. Daar was geen ander lande wat hulself as kandidate beskikbaar gestel het nie. Dié Sokker-Wêreldbekertoernooi is oorspronklik vir 1949 beplan, maar dit is om organisatoriese redes na 1950 verskuif.

Kwalifisering

Die gasheer Brasilië en die verdedigende kampioen Italië het regstreeks vir die FIFA Sokker-Wêreldbekertoernooi in 1950 gekwalifiseer. Van die 14 oorblywende plekke is sewe vir Europese nasionale sokkerspanne gereserveer, ses vir die Amerikas en een vir Asië.

Die twee Spilmoondhede Duitsland en Japan is weens hul oorlogsmisdade tydens die Tweede Wêreldoorlog onder internasionale sanksies geplaas en hulle is nie toegelaat om aan die kwalifisering deel te neem nie. Hul gedeeltelik gedwonge bondgenote en die geannekseerde Oostenryk kon wél aan die kwalifisering deelneem.

Die Britse nasies is ná hul heraansluiting by FIFA vier jaar vroeër genooi om aan die toernooi deel te neem en die 1949–50 Britse Tuiskampioenskap het as kwalifisering gedien, waartydens Engeland eerste en Skotland tweede geëindig het. Skotland wou egter net deelneem nadat hulle dié kampioenskap gewen het en hulle het dus hulself onttrek.

Verskeie nasies anderkant die Ystergordyn soos Hongarye, die Sowjetunie en Tsjeggo-Slowakye het geweier om aan die kwalifisering deel te neem.

Die Suid-Amerikaanse lande Argentinië, Ecuador en Peru het ná die loting vir die kwalifiseringsgroepe hulleself onttrek, waardeur Bolivië, Chili, Paraguay en Uruguay sonder enige wedstryd gekwalifiseer het. Die Asiatiese lande Burma, Filippyne en Indonesië het hulleself aan die kwalifisering onttrek, waardeur Indië sonder enige wedstryd gekwalifiseer het. In Europa het België en Oostenryk hulleself aan die kwalifisering onttrek, waardeur Switserland en Turkye sonder afsluiting van hul finale rondte van wedstryde gekwalifiseer het.

Kwalifiserende spanne

Die volgende 16 spanne het vir die finale toernooi gekwalifiseer:

Uitslag van die kwalifisering:

   Geen deelname

   Land is deur FIFA verban en nie toegelaat om aan kwalifisering deel te neem nie

   Land het homself onttrek of is nie deur FIFA aanvaar nie

   Land het nie gekwalifiseer nie

   Land het gekwalifiseer

   Land het gekwalifiseer, maar homself later onttrek

Span	Verskynings by eindstryde	Agtereenvolgende deelnames	Laaste verskyning	Vorige beste prestasie
Bolivië	2de	1	1930	Groepfase (1930)
Brasilië	4de	4	1938	Derde plek (1938)
Chili	2de	1	1930	Groepfase (1930)
Engeland	1ste	1	–	Debuut
Indië	1ste	1	–	Debuut
Italië	3de	3	1938	Kampioen (1934, 1938)
Joego-Slawië	2de	1	1930	Vierde plek (1930)
Meksiko	2de	1	1930	Groepfase (1930)
Paraguay	2de	1	1930	Groepfase (1930)
Skotland	1ste	1	–	Debuut
Spanje	2de	1	1934	Kwarteindrondte (1934)
Swede	3de	3	1938	Vierde plek (1938)
Switserland	3de	3	1938	Kwarteindrondte (1934, 1938)
Turkye	1ste	1	–	Debuut
Uruguay	2de	1	1930	Kampioen (1930)
Verenigde State	3de	1	1934	Derde plek (1930)

Ná hul suksesvolle kwalifisering het Skotland en Turkye hulleself onttrek. Die in die kwalifisering uitgeskakelde lande Frankryk, Portugal en die Republiek Ierland is deur FIFA genooi om die leë plekke in te neem, maar net Frankryk het dit aanvaar. Ná die loting van die groepfase het Frankryk en Indië hulleself onttrek, maar daar was nie genoeg tyd om ander spanne te nooi nie, waarvolgens die derde groep uit drie spanne en die vierde groep net uit twee spanne bestaan het.

Stadions

Wedstryde is in die volgende stede gespeel:

Rio de Janeiro	São Paulo	Belo Horizonte
Estádio do Maracanã	Estádio do Pacaembu	Estádio Sete de Setembro
22°54′43.8″S 43°13′48.59″W	23°32′55.1″S 46°39′54.4″W	19°54′30″S 43°55′4″W
Kapasiteit: 199 854	Kapasiteit: 60 000	Kapasiteit: 30 000
Rio de Janeiro São Paulo Belo Horizonte Curitiba Porto Alegre Recife FIFA Sokker-Wêreldbekertoernooi in 1950 (Brasilië)
Curitiba	Porto Alegre	Recife
Estádio Durival de Britto	Estádio dos Eucaliptos	Estádio Ilha do Retiro
25°26′22″S 49°15′21″W	30°3′42″S 51°13′38″W	8°3′46.63″S 34°54′10.73″W
Kapasiteit: 10 000	Kapasiteit: 20 000	Kapasiteit: 10 000

Formaat

Die FIFA Sokker-Wêreldbekertoernooi in 1950 is oor 23 dae tussen 16 verskillende nasies oor 22 wedstryde uitgespeel. Dit het op 24 Junie 1950 op die Estádio do Maracanã in Rio de Janeiro met ’n wedstryd tussen die gasheer Brasilië en Meksiko afgeskop. Die toernooi het geëindig by dieselfde stadion op 16 Julie met die laaste en beslissende wedstryd tussen Uruguay en Brasilië, waartydens Uruguay die Jules Rimet-trofee ingepalm het.

Kalender

Die volgende tabel dui die FIFA Sokker-Wêreldbekertoernooi in 1950 se daaglikse program aan. ’n Pers blokkie dui op wedstryde tydens die groepfase en ’n siaan blokkie op die finale rondte.

Aantal daaglikse wedstryde tydens die toernooi Groepfase Junie/Julie Sa 24 So 25 Ma 26 Di 27 Wo 28 Do 29 Vr 30 Sa 1 So 2 Ma 3 Di 4 Wo 5 Groep 1 1 1 2 1 1 Groep 2 2 2 2 Groep 3 1 1 1 Groep 4 1 Finale rondte Julie Do 6 Vr 7 Sa 8 So 9 Ma 10 Di 11 Wo 12 Do 13 Vr 14 Sa 15 So 16 Finale rondte 2 2 2

Legende    Groepfase    Finale rondte

Groepfase

Die FIFA Sokker-Wêreldbekertoernooi in 1950 is deur 16 nasionale sokkerspanne uitgespeel. Vir die groepfase is die 16 deelnemende spanne in vier groepe van óf drie óf vier spanne elk verdeel; elke span het een wedstryd teen elk van die ander spanne in dieselfde groep gespeel. Twee punte is vir ’n oorwinning toegeken, een vir ’n gelykop en geen punte vir ’n nederlaag: spanne wat met dieselfde aantal punte geëindig het, is volgens aangetekende doele gerangskik.

Klassifisering binne elke groep was gegrond op die volgende puntestelsel:

• Twee wedstrydpunte vir ’n oorwinning;
• Een vir ’n gelykop;
• geen vir ’n nederlaag.

Aan die einde van die groepfase is die spanne gerangskik van die eerste na die derde/vierde posisie, gegrond op versamelde wedstrydpunte, met die boonste span wat na die finale rondte deurgedring het.

Finale rondte

Die finale rondte het uit een groep met vier spanne bestaan, waartydens elke span een wedstryd teen elk van die ander spanne gespeel het. Die span wat in die finale rondte die meeste wedstrydpunte versamel het, het die toernooi en daarmee die Jules-Rimet-trofee gewen.

Wedstryde

Kwalifiseer vir die finale rondte.

Uit die toernooi geskakel.

Groepfase

Die Maracanã-stadion net voor die afskop van die FIFA Sokker-Wêreldbekertoernooi in 1950

13 spanne het aan die groepfase deelgeneem. Die boonste span in elke groep het na die finale rondte deurgedring. Die loting is op 22 Mei 1950 in die Departement van Buitelandse Sake in Rio de Janeiro gehou.

Groep 1

Land	Wed	Wen	Gel	Ver	DV	DT	+/–	Pte
Brasilië	3	2	1	0	8	2	+6	5
Joego-Slawië	3	2	0	1	7	3	+4	4
Switserland	3	1	1	1	4	6	–2	3
Meksiko	3	0	0	3	2	10	–8	0

24 Junie 1950 15:00
	Brasilië	4–0	Meksiko	Estádio do Maracanã, Rio de Janeiro Toeskouers: 82 000 Skeidsregter: George Reader (Engeland)
	Ademir 30', 79' Jair 65' Baltazar 71'	Verslag

25 Junie 1950 18:00
	Joego-Slawië	3–0	Switserland	Estádio Independência, Belo Horizonte Toeskouers: 7 500 Skeidsregter: Giovanni Galeati (Italië)
	Mitić 59' Tomašević 70' Ognjanov 75'	Verslag

28 Junie 1950 15:00
	Brasilië	2–2	Switserland	Estádio do Pacaembu, São Paulo Toeskouers: 42 000 Skeidsregter: Ramón Azon Roma (Spanje)
	Alfredo 3' Baltazar 32'	Verslag	17', 88' Fatton

28 Junie 1950 18:15
	Joego-Slawië	4–1	Meksiko	Estádio dos Eucaliptos, Porto Alegre Toeskouers: 11 000 Skeidsregter: Reginald Leafe (Engeland)
	Bobek 19' Ž. Čajkovski 22', 62' Tomašević 81'	Verslag	89' (straf) Ortiz

1 Julie 1950 15:00
	Brasilië	2–0	Joego-Slawië	Estádio do Maracanã, Rio de Janeiro Toeskouers: 142 000 Skeidsregter: Benjamin Griffiths (Wallis)
	Ademir 4' Zizinho 69'	Verslag

2 Julie 1950 15:40
	Switserland	2–1	Meksiko	Estádio dos Eucaliptos, Porto Alegre Toeskouers: 4 000 Skeidsregter: Ivan Eklind (Swede)
	Bader 10' Antenen 44'	Verslag	89' Casarín

Groep 2

Land	Wed	Wen	Gel	Ver	DV	DT	+/–	Pte
Spanje	3	3	0	0	6	1	+5	6
Engeland	3	1	0	2	2	2	±0	2
Chili	3	1	0	2	5	6	–1	2
Verenigde State	3	1	0	2	4	8	–4	2

25 Junie 1950 15:00
	Engeland	2–0	Chili	Estádio do Maracanã, Rio de Janeiro Toeskouers: 30 000 Skeidsregter: Karel van der Meer (Nederland)
	Mortensen 27' Mannion 51'	Verslag

25 Junie 1950 15:00
	Spanje	3–1	Verenigde State	Estádio Durival de Britto, Curitiba Toeskouers: 10 000 Skeidsregter: Mario Vianna (Brasilië)
	Igoa 81' Basora 83' Zarra 89'	Verslag	17' Pariani

29 Junie 1950 15:00
	Spanje	2–0	Chili	Estádio do Maracanã, Rio de Janeiro Toeskouers: 16 000 Skeidsregter: Alberto Malcher (Brasilië)
	Basora 17' Zarra 30'	Verslag

29 Junie 1950 18:00
	Verenigde State	1–0	Engeland	Estádio Independência, Belo Horizonte Toeskouers: 10 000 Skeidsregter: Generoso Dattilo (Italië)
	Gaetjens 38'	Verslag

2 Julie 1950 15:00
	Spanje	1–0	Engeland	Estádio do Maracanã, Rio de Janeiro Toeskouers: 74 000 Skeidsregter: Giovanni Galeati (Italië)
	Zarra 48'	Verslag

2 Julie 1950 18:00
	Chili	5–2	Verenigde State	Estádio Ilha do Retiro, Recife Toeskouers: 9 000 Skeidsregter: Mario Gardelli (Brasilië)
	Robledo 16' Riera 32' Cremaschi 54', 82' Prieto 60'	Verslag	47' Wallace 48' (straf) Maca

Groep 3

Land	Wed	Wen	Gel	Ver	DV	DT	+/–	Pte
Swede	2	1	1	0	5	4	+1	3
Italië	2	1	0	1	4	3	+1	2
Paraguay	2	0	1	1	2	4	–2	1
Indië	onttrek

25 Junie 1950 15:00
	Swede	3–2	Italië	Estádio do Pacaembu, São Paulo Toeskouers: 36 000 Skeidsregter: Jean Lutz (Switserland)
	Jeppson 25', 68' Andersson 33'	Verslag	7' Carapellese 75' Muccinelli

29 Junie 1950 15:30
	Swede	2–2	Paraguay	Estádio Durival Britto, Curitiba Toeskouers: 8 000 Skeidsregter: Robert Mitchell (Skotland)
	Sundqvist 17' Palmér 26'	Verslag	35' López 74' López Fretes

2 Julie 1950 15:00
	Italië	2–0	Paraguay	Estádio do Pacaembu, São Paulo Toeskouers: 26 000 Skeidsregter: Arthur Ellis (Engeland)
	Carapellese 12' Pandolfini 62'	Verslag

Groep 4

Land	Wed	Wen	Gel	Ver	DV	DT	+/–	Pte
Uruguay	1	1	0	0	8	0	+8	2
Bolivië	1	0	0	1	0	8	–8	0
Frankryk	onttrek

2 Julie 1950 18:00
	Uruguay	8–0	Bolivië	Estádio Independência, Belo Horizonte Toeskouers: 6 000 Skeidsregter: George Reader (Engeland)
	Míguez 14', 40', 51' Vidal 18' Schiaffino 23', 54' Pérez 83' Ghiggia 87'	Verslag

Finale rondte

Alcides Ghiggia teken die wendoel vir Uruguay teen Brasilië aan

Land	Wed	Wen	Gel	Ver	DV	DT	+/–	Pte
Uruguay	3	2	1	0	7	5	+2	5
Brasilië	3	2	0	1	14	4	+10	4
Swede	3	1	0	2	6	11	–5	2
Spanje	3	0	1	2	4	11	–7	1

9 Julie 1950 15:00
	Uruguay	2–2	Spanje	Estádio do Pacaembu, São Paulo Toeskouers: 45 000 Skeidsregter: Benjamin Griffiths (Wallis)
	Ghiggia 29' Varela 73'	Verslag	37', 39' Basora

9 Julie 1950 15:00
	Brasilië	7–1	Swede	Estádio do Maracanã, Rio de Janeiro Toeskouers: 139 000 Skeidsregter: Arthur Ellis (Engeland)
	Ademir 17', 36', 52', 58' Chico 39', 88' Maneca 85'	Verslag	67' (straf) Andersson

13 Julie 1950 15:00
	Brasilië	6–1	Spanje	Estádio do Maracanã, Rio de Janeiro Toeskouers: 153 000 Skeidsregter: Reginald Leafe (Engeland)
	Parra 15' (e.d.) Jair 21' Chico 31', 55' Ademir 57' Zizinho 67'	Verslag	71' Igoa

13 Julie 1950 15:00
	Uruguay	3–2	Swede	Estádio do Pacaembu, São Paulo Toeskouers: 8 000 Skeidsregter: Giovanni Galeati (Italië)
	Ghiggia 39' Míguez 77', 85'	Verslag	5' Palmér 40' Sundqvist

16 Julie 1950 15:00
	Swede	3–1	Spanje	Estádio do Pacaembu, São Paulo Toeskouers: 11 000 Skeidsregter: Karel van der Meer (Nederland)
	Sundqvist 15' Mellberg 33' Palmér 80'	Verslag	82' Zarra

16 Julie 1950 15:00
	Uruguay	2–1	Brasilië	Estádio do Maracanã, Rio de Janeiro Toeskouers: 200 000 Skeidsregter: George Reader (Engeland)
	Schiaffino 66' Ghiggia 79'	Verslag	47' Friaça

Sokkerwêreldkampioen 1950
Uruguay

FIFA se terugwerkende ranglys

In 1986 het FIFA ’n verslag gepubliseer waarin al die deelnemende spanne van elke Sokker-Wêreldbekertoernooi insluitende die destydse FIFA Sokker-Wêreldbekertoernooi in 1986 geranglys is volgens vordering in die kompetisie, algehele resultate en kwaliteit van die meedinger. Die ranglys vir die 1950-toernooi is soos gevolg:

Deelnemende spanne volgens ranglys:

   Kampioen

   Tweede plek

   Derde plek

   Vierde plek

   Groepfase

   Geen deelname

     Gasheerland Brasilië

Rang	Span	Groep	Wed	Wen	Gel	Ver	DV	DT	+/–	Pte
1	Uruguay	4	4	3	1	0	15	5	+10	7
2	Brasilië	1	6	4	1	1	22	6	+16	9
3	Swede	3	5	2	1	2	11	15	–4	5
4	Spanje	2	6	3	1	2	10	12	−2	7
In die groepfase uitgeskakel
5	Joego-Slawië	1	3	2	0	1	7	3	+4	4
6	Switserland	1	3	1	1	1	4	6	−2	3
7	Italië	3	2	1	0	1	4	3	+1	2
8	Engeland	2	3	1	0	2	2	2	±0	2
9	Chili	2	3	1	0	2	5	6	−1	2
10	Verenigde State	2	3	1	0	2	4	8	−4	2
11	Paraguay	3	2	0	1	1	2	4	−2	1
12	Meksiko	1	3	0	0	3	2	10	−8	0
13	Bolivië	4	1	0	0	1	0	8	−8	0

Meeste doele aangeteken

Meeste doele aangeteken:

Rang Speler Doele 1 Ademir 8 2 Óscar Míguez 5 3 Estanislau Basora 4 Chico 4 Alcides Ghiggia 4 Zarra 4 7 Karl-Erik Palmér 3 Juan Alberto Schiaffino 3 Stig Sundqvist 3 10 Sune Andersson 2 Baltazar 2 Željko Čajkovski 2 Riccardo Carapellese 2 Atilio Cremaschi 2 Jacques Fatton 2 Silvestre Igoa 2 Jair 2 Hasse Jeppson 2 Kosta Tomašević 2 Zizinho 2

Rang Speler Doele 21 Alfredo 1 Friaça 1 Maneca 1 Andrés Prieto 1 Fernando Riera 1 George Robledo 1 Wilf Mannion 1 Stan Mortensen 1 Ermes Muccinelli 1 Egisto Pandolfini 1 Stjepan Bobek 1 Tihomir Ognjanov 1 Horacio Casarín 1 Héctor Ortiz 1 Atilio López 1 César López Fretes 1 Charles Antenen 1 René Bader 1 Bror Mellberg 1 Julio Pérez 1 Obdulio Varela 1 Ernesto Vidal 1 Joe Gaetjens 1 Joe Maca 1 Gino Pariani 1 Frank Wallace 1

Ademir de Menezes

Sien ook

• FIFA Sokker-Wêreldbekertoernooi in 2014

Verdere leesstof

• (en) Clemente Angelo Lisi (2007). A history of the World Cup: 1930–2006. Lanham, Maryland: Scarecrow Press. ISBN 0-8108-5905-X. Besoek op 14 Julie 2018.

Eksterne skakels

• (en) fifa.com: Brazil 1950: Hosts humbled at the Maracana
• (en) worldcup-history.com: Brazil, 1950
• (en) rsssf.com: World Cup 1950