1995

Die jaar 1995 was 'n gewone jaar wat volgens die Gregoriaanse kalender op 'n Sondag begin het. Dit was die 95ste jaar van die 20ste eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• 1 Januarie – Die Wêreldhandelsorganisasie word geskep om die "Algemene ooreenkoms op tariewe en handel" te vervang.
• 1 Januarie – Finland, Oostenryk en Swede verlaat die Europese Vryhandelsvereniging en sluit aan by die Europese Unie.
• 1 Januarie – Stigting van die OVSE, die opvolger van die KVSE, in Helsinki.
• 6 Januarie – 'n Brand in 'n woonstel in Manila lei tot die ontbloting van die beplande Operasie Bojinka-komplot van Al-Kaïda.
• 6-13 Januarie – Die 2de Koning Fahd-beker word in Saoedi-Arabië aangebied en deur Denemarke gewen.
• 22 Maart – Russiese ruimtevaarder Waleri Poljakof van die Sojoes-program keer terug van die Mir-ruimtestasie na 437 dae in die buitenste ruimte en stel daarmee 'n nuwe wêreldrekord op vir die langste ruimtevlug.
• 19 April – 'n Bom in die Alfred P. Murrah federale gebou in Oklahoma City, Oklahoma veroorsaak die dood van 168 mense.
• 25 Mei – Die 3de Rugbywêreldbeker begin in Suid-Afrika.
• 24 Junie – Die Springbokke wen die William Webb Ellis-beker op Ellispark in Suid-Afrika.
• 29 Junie – Die Ruimtependeltuig Atlantis koppel vir die eerste keer met die Russiese Mirruimtestasie.
• 21 Julie – Die Volksrepubliek China vuur missiele af in die waters om die Republiek China (Taiwan) tydens die Derde Straat van Taiwan-krisis.
• 28 Julie – Viëtnam tree toe tot die ASEAN.
• 1 September – Richard Barbrook en Andy Cameron se essay; The Californian Ideology word in Mute tydskrif gepubliseer, waarin die konsep Kaliforniese ideologie, vir die eerste keer uiteengesit word.
• 6 Oktober – ’n Artikel in die tydskrif Nature kondig aan dat 'n planeet wat om 51 Pegasi wentel, ontdek is – die eerste buite ons sonnestelsel.
• 10 Oktober – President Nelson Mandela besoek Genadendal.
• 12 November – Mosambiek tree toe tot die Britse Statebond.
• 7 Desember – Die Galileo-ruimtetuig kom by Jupiter aan, 'n bietjie meer as ses jaar nadat dit deur die ruimtependeltuig Atlantis tydens Sending STS-34 lanseer is.
• Mapungubwe Nasionale Park open in die noordelike deel van die Limpopoprovinsie van Suid-Afrika.

Geboortes

• 1 Februarie – Paula Beer, Duitse aktrise.
• 12 Mei – Sawyer Sweeten, Amerikaanse kinderakteur († 2015)
• 5 Junie – Troye Sivan, Australiese akteur en sanger.
• 29 Junie – Nicholas Latifi, Kanadese renjaer.
• 9 Julie – Georgie Henley, Engelse aktrise.
• 4 Augustus – Jessica Sanchez, Amerikaanse sanger-liedjieskrywer.
• 11 Augustus – Brad Binder, Suid-Afrikaanse Grand Prix motorfietsrenjaer.
• 12 Augustus – Nicholas Dlamini, Suid-Afrikaanse fietsryer.
• 27 Augustus – Sergej Sirotkin, Russiese renjaer.
• 28 Augustus – Elandré Schwartz, Suid-Afrikaanse sanger-liedjieskrywer.
• 13 September – Robbie Kay, Engelse akteur.
• 29 September – Sasha Lane, Amerikaanse aktrise.
• 21 Oktober – Jasper Wiese, Suid-Afrikaanse rugbyspeler en Springbok.
• 3 November – Kendall Jenner, Amerikaanse televisiepersoonlikheid en model.
• 29 November – Laura Marano, Amerikaanse aktrise.

Sterftes

• 1 Januarie – Eugene Wigner, Hongaars-Amerikaanse teoretiese fisikus en Nobelprys-wenner (* 1902)
• 2 Januarie – Mohamed Siad Barre, Somaliese politikus en staatsman, president van Somalië (* 1919)
• 6 Januarie – Joe Slovo, Suid-Afrikaanse politikus, Suid-Afrikaanse Kommunistiese Partyleier, en ANC-lid (* 1926).
• 9 Januarie – Souphanouvong, President van Laos (* 1909).
• 14 April – Burl Ives, Amerikaanse sanger en akteur (* 1909).
• 18 April – Marthinus Versfeld, Suid-Afrikaanse filosoof (* 1909).
• 31 Maart – Selena, Amerikaanse sangeres Tejano (* 1971).
• 25 April – Ginger Rogers, Amerikaanse aktrise en danseres (* 1911).
• 27 April – Willem Frederik Hermans, Nederlandse skrywer (* 1921).
• 2 Mei – Michael Hordern, Engelse akteur (* 1911).
• 11 Mei – Boris Pash, Amerikaanse militêre intelligensie-offisier (* 1900).
• 11 Mei – John Phillips, Engelse akteur (* 1914).
• 15 Mei – Eric Porter, Engelse akteur (* 1928).
• 18 Mei – Elizabeth Montgomery, Amerikaanse aktrise (* 1933).
• 18 Mei – Elisha Cook Jr., Amerikaanse akteur (* 1903).
• 18 Mei – Alexander Godunov, Amerikaanse balletdanser, akteur (* 1949).
• 24 Mei – Harold Wilson, Eerste minister van die Verenigde Koninkryk (* 1916).
• 24 Mei – P.J. Nienaber, 'n Afrikaanse skrywer en een van Suid-Afrika se voorste letterkundiges (* 1910).
• 20 Junie – Emil Cioran, Roemeense filosoof (* 1911).
• 23 Junie – Jonas Salk, Amerikaanse mediese navorser, viroloog en ontdekker van die polio-entstof (* 1914).
• 25 Junie – Warren Burger, Amerikaanse regter (* 1907).
• 17 Julie – Juan Manuel Fangio, bekende Argentynse motorrenjaer en vyfmalige kampioen (* 1911).
• 31 Julie – James Phillips, alias Bernoldus Niemand, Suid-Afrikaanse rocksanger en liedjieskrywer. (* 1959).
• 10 Augustus – Leo Apostel, Belgiese filosoof (* 1925).
• 20 Augustus – Maly Delschaft, Duitse aktrise (* 1898).
• 25 Augustus – Rona Rupert, Afrikaanse kinderboekskrywer (* 1934).
• 28 Augustus – Earl W. Bascom, Amerikaanse akteur, rodeoruiter en skilder (* 1906).
• 15 September – Dirceu José Guimarães, Brasiliaanse sokkerspeler (* 1952).
• 4 November – Gilles Deleuze, Franse filosoof (* 1925).
• 18 November – Reinhard Kolldehoff, Duitse akteur (* 1914).
• 20 November – D.C.H. Uys, Suid-Afrikaanse politikus (* 1909).
• 28 November – Roberto Sambonet, Italiaanse argitek, ontwerper en skilder (* 1924).
• 25 Desember – Emmanuel Levinas, Franse filosoof (* 1906).
• 25 Desember – Dean Martin, Amerikaanse akteur, sanger en komediant (* 1917).