Maak hoofkeuseskerm oop

James Harold Wilson (11 Maart 191624 Mei 1995), Lord Wilson van Rievaulx, was 'n Britse politikus van die Arbeidersparty. Hy word as een van die mees prominente politici van die tweede helfte van die 20ste eeu gesien en het twee keer as Eerste Minister van die Verenigde Koninkryk gedien.

Harold Wilson
Harold Wilson

Ampstermyn
4 Maart 1974 – 5 April 1976
Monarg Elizabeth II
Voorafgegaan deur Edward Heath
Opgevolg deur James Callaghan
Ampstermyn
16 Oktober 1964 – 19 Junie 1970
Monarg Elizabeth II
Voorafgegaan deur Alec Douglas-Home
Opgevolg deur Edward Heath

Leier van die Opposisie
Ampstermyn
19 Junie 1970 – 4 Maart 1974
Monarg Elizabeth II
Eerste minister Edward Heath
Voorafgegaan deur Edward Heath
Opgevolg deur Edward Heath
Ampstermyn
14 Februarie 1963 – 16 Oktober 1964
Monarg Elizabeth II
Eerste minister Harold Macmillan
Alec Douglas-Home
Voorafgegaan deur George Brown
Opgevolg deur Alec Douglas-Home

Leier van die Arbeidersparty
Ampstermyn
14 Februarie 1963 – 5 April 1976
Vise George Brown
Roy Jenkins
Edward Short
Voorafgegaan deur George Brown
Opgevolg deur James Callaghan

Skadu-Minister van Buitelandse Sake
Ampstermyn
2 November 1961 – 14 Februarie 1963
Voorafgegaan deur Denis Healey
Opgevolg deur Patrick Gordon Walker

Skadu-Kanselier van die Skatkis
Ampstermyn
14 Desember 1955 – 2 November 1961
Voorafgegaan deur Hugh Gaitskell
Opgevolg deur James Callaghan

Voorsitter van die Raad van Handel
Ampstermyn
29 September 1947 – 23 April 1951
Eerste minister Clement Attlee
Voorafgegaan deur Stafford Cripps
Opgevolg deur Hartley Shawcross

Sekretaris van Buitelandse Handel
Ampstermyn
10 Julie 1947 – 29 September 1947
Eerste minister Clement Attlee
Voorafgegaan deur Hilary Marquand
Opgevolg deur Arthur Bottomley

Parlementêre sekretaris van die Ministerie van Werke
Ampstermyn
5 Julie 1945 – 10 Julie 1947
Eerste minister Clement Attlee
Voorafgegaan deur Reginald Manningham-Buller
Opgevolg deur Evan Durbin

Lid van die Parlement vir Huyton
Ampstermyn
23 Februarie 1950 – 9 Junie 1983
Voorafgegaan deur Kiesafdeling geskep
Opgevolg deur Kiesafdeling afgeskaf

Lid van die Parlement vir Ormskirk
Ampstermyn
5 Julie 1945 – 23 Februarie 1950
Voorafgegaan deur Stephen King-Hall
Opgevolg deur Ronald Cross

Persoonlike besonderhede
Gebore 11 Maart 1916
Huddersfield, West Riding of Yorkshire, Verenigde Koninkryk
Sterf 24 Mei 1995
Londen, Verenigde Koninkryk
Politieke party Arbeidersparty
Eggenoot/eggenote Mary Baldwin
Kind(ers) 2
Alma mater Jesus College, Oxford
Religie Kongregasionalistiese Kerk
Handtekening Wilson Harold signature.png

Hy het aan die Universiteit van Oxford in die filosofie, die politiek en die ekonomie gestudeer en is in 1937 by die universiteit aangestel as lektor in die ekonomie. Hy is in 1940 met Gladys Mary Baldwin getroud, 'n huwelik waaruit 2 seuns gebore is. Nadat hy tussen 1943 en 1944 direkteurvan ekonomie en statistiek in die ministerie van brandstof en krag was, het Wilson in 1945 'n boek, New deal for coal, gepubliseer, wat die grondslag gevorm het vir die Arbeidersparty se nasionaliseringsplanne vir die mynbedryf.

Dit was die eerste van talle ekonomiese en politieke publikasies wat hy die lig laat sien het. Harold Wilson het in 1945 lid van die Laerhuis geword en in 1947 president van die British Board of Trade, 'n organisasie waaruit hy later bedank het toe die staat gelde vir mediese dienste gehef het ten einde die Koreaanse Oorlog te finansier. Hy is in 1963 tot leier van die Arbeidersparty verkies, ʼn posisie wat hy tot in 1976 beklee het.

Hy het in 1964 premier van Brittanje geword en in Oktober 1965 ʼn mislukte poging aangewend om die eensydige onafhanklikverklaring in Rhodesië (teenswoordig Zimbabwe) af te wend. Wilson het later ekonomiese sanksies teen die regering van Ian Smith ingestel, maar ook die maatreël het geen vrugte afgewerp nie.

In 1970 is die bewind in Brittanje deur die Konserwatiewe Party onder leiding van Edward Heath oorgeneem, maar toe die Tories na ʼn verkiesing in 1974 nie daarin kon slaag om 'n regering saam te stel nie, is Wilson gevra om dit te doen. Op 6 Maart 1974 het hy vir die tweede keer premier geword. Twee jaar later, op 16 Maart 1976, in ʼn stadium toe Brittanje se ekonomie in 'n benarde toestand was, het hy onverwags bedank.

Tydens sy bewind het Harold Wilson verskeie internasionale vredesbesoeke onderneem, onder meer na die VSA en die Sowjetunie in 1968 tydens die Viëtnam-oorlog. Sy buitelandse politiek het egter geen noemenswaardige resultate opgelewer nie. 'n Sirskap is in April 1976 aan Wilson toegeken.

Voorafgegaan deur
Alec Douglas-Home
(Konserwatiewe Party)
Eerste Minister van die Verenigde Koninkryk
(Arbeidersparty)

1964-1970
Opgevolg deur
Edward Heath
(Konserwatiewe Party)
Voorafgegaan deur
Edward Heath
(Konserwatiewe Party)
Eerste Minister van die Verenigde Koninkryk
(Arbeidersparty)

1974-1976
Opgevolg deur
James Callaghan
(Arbeidersparty)

BronnelysWysig