Evangelista Torricelli

Evangelista Torricelli (Italiaans: [evandʒeˈlista torriˈtʃɛlli], 15 Oktober 1608 – 25 Oktober 1647) was 'n Italiaanse fisikus en wiskundige. Hy word onthou vir die uitvinding van die barometer. Ook vir sy bevindinge in optika en integraalrekening.

Evangelista Torricelli
Evangelista Torricelli deur Lorenzo Lippi (circa 1647)
Gebore	15 Oktober 1608 Faenze of Modigliano,Emilia
Oorlede	25 Oktober 1647 (39) Florence
Nasionaliteit	Italianer
Alma mater	Universiteit van Rome
Ander akademiese adviseur(s)	Benedetto Castelli
Ander bekende student(e)	Vincenzo Viviani
Bekend vir	Barometer Torricelli se wet
Beïnvloed deur	Galileo Galilei
Invloed op	Robert Boyle

Vroeë lewe

Torricelli is of in Faenza of in Modigliano gebore , beide plekke in die Noord-Italiaanse landstreek Emilia maak op die eer aanspraak.

In 1627, toe hy 19 jaar oud was, het Torricelli hom as student ingeskryf aan die Universiteit van Rome, waar hy jare later hoogleraar geword het. Sy eerste verhandeling is in 1641 gepubliseer. Dit was 'n beskouing van die werk van Galileo, wat toe reeds 'n bejaarde man was. Die geleerdes van sy dag het dadelik besef dat Torricelli besonder intelligent was.

In 1641 het Torricelli na Florence gegaan en saam met Galileo gewerk. Galileo was op 78 feitlik blind en het op 8 Januarie 1642 gesterf. Torricelli het hom opgevolg en is deur die Groothertog van Toskane as wiskundige aangestel.

Hy het belang gestel in wiskunde, fisika, meganika, hidroulika, sterrekunde, argitektuur en ander vertakkinge van die natuurwetenskap. Hy het byna dag en nag gewerk, asof hy geweet het dat hy nie baie lank sou leef nie.

Bronnelys

• KENNIS,  vol 11, 1980, bl. 2146-2147,  ISBN 0 7981 0833 9