Soechoi Su-15
Die Soechoi Su-15 is 'n Sowjet vegvliegtuig. NAVO se kodenaam vir die vliegtuig is Flagon. Die Su-15 was baie vinnig en gebruik in 'n onderskeppingsrol regoor die USSR. Dit was toegerus met langstrek lug-tot-lug missiele. Ongeveer 1,500 van die vliegtuie was gebaseer by Sowjet PVO-Strany tuis verdediging eenhede. Hulle was ontplooi om NAVO bomwerpers te onderskep en vernietig met feitlik geen kans om in luggevegte met ander vegvliegtuie betrokke te raak nie.
| Soechoi Su-15 | |
|---|---|
 | |
| Tipe | Vegvliegtuig |
| Vervaardiger | Soechoi |
| Nooiensvlug | 30 Mei 1962 |
| Bekendstelling | 1965 |
| Onttrek | 1996 (Oekraïne) |
| Status | Uit diens onttrek. |
| Hoofgebruikers | Russiese Lugmag Oekraïense Lugmag |
| Vervaardig | 1965–1979 |
| Aantal gebou | 1,290 |
Die Su-15 was ontwerp om die Soechoi Su-11 te vervang. Die Su-15 Flagon-A was die eerste keer gesien in 1967 tydens die Lugvaart Skoudag. Dit is 'n twee motor ontwerp, ontwikkel van die Su-11 maar die lug inlate is geskuif na die kante om plek te maak vir die radar koepel in die neus. Dit was ook toegerus met 'n tru-radar en het deel gebly van die Su-15 familie.
Die Su-15, in sy onderskeppingsrol, was beheer vanaf beheersentrums op die grond. Die bekendste missie het op 1 September 1983 gebeur waar die Su-15 bekend geraak het toe Majoor Vassily Kasmin Koreaanse vlug 007 afgeskiet het met twee Anab AA-3 lug-tot-lug missiele. Die Boeing 747 was ongeveer 400 km van koers af oor Russiese lugruim toe dit afgeskiet is. Al 269 persone aan boord het gesterf in die voorval. Majoor Kasmin het waarsku skote met sy kanon afgevuur en toe geen reaksie verkry is nie het grond beheer hom die instruksie gegee om die vliegtuig af te skiet. Hy die missiele van af 'n afstand van 800 m gevuur.
Die Flagon D was die eerste model wat in groot getalle vervaardig is. Dit het verskil van die A-model deurdat die vlerke groter was met 'n kinkel in die voorste rant. Die E-model was ook in groot getalle geproduseer. Dit het oor kragtiger motors beskik, die luginlate was daarvoor groter gemaak. Die F-model was die finale produk in die familie en in diens gestel in 1975. Weereens was die motors kragtiger, verbeterde radar met 'n verbeterde koepel waarin dit geïnstalleer is en plek vir 23mm kanonne.
Tegniese besonderhede
wysig| Item | Statistiek |
|---|---|
| Aantal motors | 2 |
| Tipe motor | Straalmotor |
| Vervaardiger | Tumansky R-13F2 turbostraal met nabrander |
| Kraglewering per motor | 7 200 kg stukrag |
| Vlerkspan | 10,53 m |
| Lengte | 21,33m |
| Hoogte | 5,1 m |
| Vlerkoppervlakte | 36,0 m2 |
| Maksimum opstygmassa | 18 000 kg |
| Maksimum snelheid | 2 230 km/h |
| Operasionele hoogte | 20 000 |
| Togafstand | 725 km |
| Klimvermoë | 10 670 m per minuut |
| Bewapening | Vier AA-3 Anab mediumstrek lug-tot-lug missiele onder vlerke twee AA-8 Aphid kortstrek lug-tot-lug missiele aanboord twee posisies vir 23 mm kanonne |
Sien ook
wysigBron
wysig- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9