A Short History of Nearly Everything
A Short History of Nearly Everything (Afrikaansː 'n Kort geskiedenis van byna alles) deur die Amerikaans-Britse skrywer Bill Bryson is 'n gewilde nie-fiksie boek wat 'n paar gebiede van die wetenskap verduidelik, met behulp van maklik toeganklike taal wat die algemene publiek meer aantrek as ander boeke wat aan die onderwerp gewy is. Dit was een van die topverkoper populêre wetenskaplike boeke van 2005 in die Verenigde Koninkryk en het meer as 300 000 eksemplare verkoop.[1][2][3]
A Short History of Nearly Everything
| |
|---|---|
| Skrywer | Bill Bryson |
| Land | .svg){kind=small} Verenigde Koninkryk |
| Taal | Engels |
| Genre | Nie-fiksie |
| Uitgewer | Doubleday (VK) |
| Uitgegee | 2003 |
| ISBN | 0-7679-0817-1 |
A Short History wyk af van Bill Bryson se gewilde reisboekgenre en beskryf algemene wetenskappe soos chemie, paleontologie, sterrekunde en deeltjiesfisika. Hierin ondersoek hy tyd vanaf die Oerknal tot die ontdekking van kwantummeganika, via evolusie en geologie.
Agtergrond wysig
Bill Bryson het hierdie boek geskryf omdat hy ontevrede was met die vlak van sy wetenskaplike kennis - dit was glad nie veel nie. Hy skryf dat wetenskap op skool vir hom 'n verre, onverklaarbare vak was. Handboeke en onderwysers het nie die passie vir kennis by hom aangesteek nie, veral omdat hulle nooit op die hoekom, hoe of wanneer ingegaan het nie. Dit was vir hom asof skoolwetenskapboeke die goeie dinge geheim wou hou deur alles sober en onpeilbaar voor te stel.
Inhoud wysig
In die boek Bryson beskryf die grootte van die heelal en die van atome en subatomiese deeltjies grafies en in leketerme. Daarna verken hy die geskiedenis van geologie en biologie en volg lewe vanaf die eerste verskyning daarvan tot by vandag se moderne mense, met die klem op die ontwikkeling van die moderne Homo sapiens. Verder bespreek hy die moontlikheid dat die aarde deur 'n meteoriet getref kan word en besin oor menslike vermoëns om 'n meteoor op te spoor voordat dit die aarde tref, en die groot skade wat so 'n gebeurtenis sou veroorsaak. Hy beskryf ook 'n paar van die mees onlangse en toekomstig potensieel vernietigende rampe van vulkaniese oorsprong, waaronder Krakatoa en Yellowstone Nasionale Park.
'n Groot deel van die boek word gewy aan die vertel van humoristiese verhale oor die wetenskaplikes agter die navorsing en ontdekkings en hul soms eksentrieke gedrag. Bryson skryf ook oor moderne wetenskaplike sienings oor die mens se invloed op die aarde se klimaat en die voortbestaan van lewe, en die omvang van natuurrampe soos aardbewings, vulkane, tsoenami's en orkane en die massa-uitwissings wat deur sommige van hierdie gebeure veroorsaak kan word. 'n Geïllustreerde uitgawe van die boek is in November 2005 vrygestel. 'n Paar uitgawes in oudioboekvorm is ook beskikbaar, insluitend 'n verkorte weergawe wat deur die skrywer gelees word.
Verwysings wysig
- ↑ Waller, John (21 Junie 2003). "Everything you've ever wanted to know (but didn't dare ask)". The Guardian. Guardian Media Group. Geargiveer vanaf die oorspronklike op 12 Maart 2017. Besoek op 30 Junie 2018.
- ↑ "A Book Review of: A Short History of Nearly Everything by Bill Bryson – Broadway Books, 2003". Jupiter Scientific. 2004. Geargiveer vanaf die oorspronklike op 21 Desember 2017. Besoek op 30 Junie 2018.
- ↑ Ayers, Kate (23 Januarie 2011). "Review – A Short History of Nearly Everything". Bookreporter.com. Geargiveer vanaf die oorspronklike op 8 Augustus 2017. Besoek op 30 Junie 2018.