Agulhastolbos
Die Agulhastolbos (Leucadendron stelligerum) is 'n blomdraende struik wat tot die genus Leucadendron behoort en deel van die fynbos-bioom vorm. Die spesie is endemies aan die Wes-Kaap waar dit vanaf Elim tot by die Agulhasvlakte voorkom.
| Agulhastolbos | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Leucadendron |
| Spesie: | L. stelligerum
|
| Binomiale naam | |
| Leucadendron stelligerum I.Williams, (1967)
| |
Die struik word 2 m hoog en blom van Julie tot Augustus. Die plant is eenslagtig en daar is afsonderlike plante met manlike en vroulike blomme, wat deur die werking van insekte bestuif word. Die plant vrek na 'n brand maar die sade oorleef. Die sade word in 'n tol op die vroulike plant geberg en val eers grond toe na 'n brand of nadat dit ryp geword het, en word deur die wind versprei. Die plant groei op hellings in kleierige grond op hoogtes van 20 tot 140 m.
In Engels staan dit as die Agulhas conebush bekend.
Galery
wysig
Bronnelys
wysigEksterne skakels
wysig
Wikimedia Commons het meer media in die kategorie Agulhastolbos.
