AgustaWestland AW101
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die AgustaWestland AW101 is 'n mediumlig-helikopter wat in beide militêre en burgerlike toepassings gebruik word. Dit is ontwikkel deur 'n gesamentlike onderneming tussen Westland Helicopters in die Verenigde Koninkryk en Agusta in Italië in reaksie op die nasionale vereistes vir 'n moderne vlootnutshelikopter. Verskeie operateurs, insluitend die gewapende magte van Brittanje, Denemarke, Noorweë en Portugal, gebruik die naam Merlin vir hul AW101-vliegtuig.[2][3] Dit word vervaardig in fabrieke in Yeovil, Engeland en Vergiate, Italië. Gelisensieerde monteerwerk is ook in Japan en die Verenigde State van Amerika onderneem.
| AW101 (EH101) Merlin | |
|---|---|
.jpg) | |
| 'n Britse Merlin HC3A in Junie 2012 | |
| Tipe | Transport en nutshelikopter |
| Vervaardiger | Westland Helicopters en Agusta |
| Ontwerp deur | Verenigde Koninkryk en Italië |
| Nooiensvlug | 9 Oktober 1987 |
| Vrygestel | 1999[1] |
| Status | Aktiewe diens |
| Hoofgebruikers | Britse Vloot (Royal Navy) Britse Lugmag (histories) Italiaanse Vloot Deense Lugmag |
| Vervaardig | 1990s-tans |
| Eenheidskoste | VS$21 miljoen (2009) |
Voor 2007 is die vliegtuig bemark onder die aanwysing EH101. In 2000 het Westland Helicopters en Agusta saamgesmelt om AgustaWestland te vorm, wat gelei het tot die tipe se herbenaming as die AW101. Die AW101 het die eerste keer in 1987 gevlieg, en is in diens geplaas in 1999. Sedert die AW101 se bekendstelling, het dit 'n paar ouer helikoptertipes vervang, soos die Sea King, in rolle soos medium-grootte vervoer, anti-duikbootoorlogvoering, en skeepsgebaseerde nutsbedrywighede.
Noemenswaardige ongelukke en voorvalle wysig
- 21 Januarie 1993 – 'n Italiaanse ontwikkeling-Merlin PP2 stort neer naby Novara-Cameri vliegveld in Italië na die rotorrem per abuis in vlug aangewend is. Vier mense sterf.
- 7 April 1995 – 'n Britse ontwikkelings-Merlin PP4 (ZF644) stort neer terwyl dit van Yeovil, Engeland af vlieg. Al vier bemanningslede kon uit die helikopter ontsnap voordat dit die grond getref het.
- 20 Augustus 1996 – 'n Italiaanse ontwikkelings-Merlin PP7 is beskadig in 'n ongeluk toe dit omslaan na die stertrotor gestaak het tydens landing. Die helikopter is herstel.
- 30 Maart 2004 – Royal Navy Merlin (ZH859) stort neer tydens opstyg vanaf RNAS Culdrose a.g.v. kraakplekke op die stertrotor.
- 15 November 2007 – Tydens 'n mediese ontruiming op São Jorge Eiland, Azoren, het 'n Portugese Lugmag Merlin beserings aan vyf mense veroorsaak toe dit onverwags een meter geklim het voor die vlieënier weer beheer kon herwin. 'n Portugese Lugmagwoordvoerder het later gesê dat hierdie soort voorval ongehoord is.
- 14 Oktober 2009 - 'n Britse Royal Navy EH101 Merlin land kort van sy aangewese landingblad op die Kanadese Magte HMCS Montreal. Die oorsaak is vasgestel as 'n vlieënierfout. Aansienlike skade is aangerig aan die helikopter, maar met geen beserings nie.
- 11 Oktober 2014 - 'n Koninklike Deense Lugmag AW101 ly uitgebreide skade nadat dit omrol a.g.v. vlieënier-geïnduseerde ossillasie tydens 'n landing in Afghanistan. Geen ongevalle nie.
Verwysings wysig
- ↑ AgustaWestland 2008, p. 1.
- ↑ "EH-101 Merlin factsheet". Portugese Lugmag. Geargiveer vanaf die oorspronklike op 3 Januarie 2018. Besoek op 5 Februarie 2010.
- ↑ "Danish Airforce factsheet" (in Deens). Deense Lugmag. Geargiveer vanaf die oorspronklike op 18 Junie 2008. Besoek op 5 Februarie 2010.
 | Hierdie lugvaartartikel is 'n saadjie. Jy kan Wikipedia help deur dit uit te brei. |