Alara van Nubië
Alara was ’n koning van Koesj wat algemeen deur sy Nubiese voorgangers van die 25ste Dinastie beskou is as die stigter van die Napata-dinastie. Hy was die eerste bekende prins van Nubië. Hy het die hele Bo-Nubië van Meroë tot by die Derde Katarak verenig.
| Alara | |||||||||||||
| Koning van Koesj | |||||||||||||
![Die cartouche van Alara se naam soos dit op die veel later stele van Nastasen verskyn.[1]](/wiki/L%C3%AAer:Cartouche_Alara_Lepsius.jpg)
| |||||||||||||
| Die cartouche van Alara se naam soos dit op die veel later stele van Nastasen verskyn.[1] | |||||||||||||
| Opvolger | Kasjta | ||||||||||||
| Gade | Kasaqa | ||||||||||||
| Kinders | Abar, Tabiry | ||||||||||||
| Volle naam |
(nomen)[2] | ||||||||||||
Alara het ook Napata as die godsdienstige hoofstad van Nubië gevestig. Hy was nie self ’n Nubiese koning van die 25ste Dinastie nie omdat hy nooit tydens sy bewind oor enige deel van Egipte regeer het nie, in teenstelling met sy twee onmiddellike opvolgers, Kasjta en Pije. Volgens Nubiese bronne het hy lank regeer, want toekomstige konings het gehoop om ’n bewind so lank soos Alara s’n te hê. Hy is ook sentraal tot die mitiese oorsprong van die Koninkryk Koesj, wat mettertyd met nuwe elemente uitgebrei is.[3]
In historiese rekords
wysigAlara se bestaan word die eerste keer genoem in Egiptiese hiërogliewe op die stele van koningin Tabiri,[4] wat sy dogter by sy vrou, koningin Kasaqa, was.[5] Aangesien Tabiri die vrou van Pije was, en Pije se onmiddellike voorganger op die Koesjitiese troon Kasjta was, moes Alara Kasjta se voorganger gewees het.[5] Hoewel Alara nie ’n koninklike titel op Tabiri se stele het nie, word sy naam in ’n cartouche geskryf, wat beteken hy was inderdaad ’n Koesjitiese koning.[6] Alara word ook genoem as die broer van Tirhaka se ouma in inskripsies Kawa IV, reëls 16f[7] (omstreeks 685 v.C.) en VI, reëls 23f[8] (omstreeks 680 v.C.).
Graftombe
wysigAlara is deur Kasjta opgevolg, wat Nubië se invloed tot by Thebe uitgebrei het. Hy is in die koninklike begraafplaas van El-Kurru naby Napata begrawe.[9] Koningin Kasaqa is in graftombe Ku.23 (El-Kurru 23) begrawe.[10] Dit is reg langs graftombe Ku.9, wat heel waarskynlik Alara s’n was.[11]
Verwysings
wysig- ↑ Dows Dunham and M. F. Laming Macadam, "Names and Relationships of the Royal Family of Napata", JEA 35 (Desember 1949), p. 141; pl. 15
- ↑ Kendall, Tim (1999). "The Origin of the Napatan State: El-Kurru and the Evidence of the Royal Ancestors". In Wenig, Steffen (red.). Meroitica 15: Studien zum antiken Sudan. Wiesbaden: Harrasowitz. p. 64. ISBN 3447041390. Kendall's Meroitica 15
- ↑ Török, László (1997). The Kingdom of Kush: Handbook of the Napatan-Meroitic Civilization. Handbuch der Orientalistik. Vol. 31. New York: Brill. p. 123. ISBN 9004104488.
- ↑ From Ku.53, Khartoum 1901; Dows Dunham, Nuri, Boston. 1950, figs 29f
- ↑ 5,0 5,1 Török, p.123
- ↑ Török, p.124
- ↑ Khartoum 2678; M.F.L. Macadam, The Temples of Kawa I. The Inscriptions, Londen 1949. 14ff
- ↑ Khartoum, 2679; Macadam, 32ff
- ↑ Török, pp.148-150
- ↑ Kendall, op. cit., p.65 & figure 1 on p.98
- ↑ Kendall, p.65
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
