Albert Stratingprys vir Voorkomende Geneeskunde
Die prys neem die vorm van 'n medalje aan, waarvan die waarde en voorkoms deur die Akademieraad bepaal word. Alleen werk van voortreflike gehalte word bekroon. By onvoldoende gehalte word geen toekenning gedoen nie. Die volgende kriteria geld by die keuse van 'n kandidaat:
- Voortreflike bydraes tot 'n vertakking of vertakkings van voorkomende geneeskunde wat as wesenlike bydrae tot die bevordering van die gesondheid van die gemeenskap en die voorkoming van siekte beskou kan word.
Die prys is driejaarliks vir 'n toekenning beskikbaar. Net een kandidaat kan op 'n keer bekroon word. Indien geen geskikte kandidaat aangewys kan word nie, word geen prys in die betrokke jaar toegeken nie.