Aleksander Koltsjak
Aleksander Wasiljewitsj Koltsjak (Russies: Александр Васильевич Колчак; 16 November [O.S. 4 November] 1874 - 7 Februarie 1920) was 'n admiraal, militêre leier en poolverkenner van die Russiese Ryk wat in die Russies-Japannese Oorlog van 1904-'05 en die Eerste Wêreldoorlog in die Russiese vloot geveg het.[1]
Tydens die Russiese Burgeroorlog van 1917-'22 het hy 'n antikommunistiese regering in Siberië op die been gebring – later bekend as die Voorlopige Alrussiese Regering – en is hy van 1918 tot 1920 deur die leiers van die Wit beweging erken as die "opperleier en opperbevelvoerder van alle Russiese land- en seemagte".[2]
Sy regering se setel was in Omsk, Suidwes-Siberië.
Koltsjak het byna twee jaar lank gedien as Rusland se internasionaal erkende staatshoof.[3] Sy pogings om die Wit beweging te verenig het egter misluk. Terwyl die Wit magte uiteengeval het, is hy verraai en aangehou[4][5][6] deur die hoof van die Geallieerdes se militêre sending in Siberië, die Franse generaal Maurice Janin, en die Tsjeggo-Slowaakse Legioen. Hulle het hom in Januarie 1920 aan die plaaslike tak van die Bolsjewiste oorhandig. Dié het hom in Februarie 1920 in Irkoetsk tereggestel.[7]
Verwysings
wysig- ↑ Yegorov, O. (27 Desember 2019). "Meet Russian Imperial officers who almost stopped the Bolsheviks". Russia Beyond the Headlines. Besoek op 29 Januarie 2020.
- ↑ Jon Smele (2006) Civil War in Siberia: The Anti-Bolshevik Government of Admiral Kolchak, 1918–1920, Cambridge University Press, ISBN 0521029074. p.77
- ↑ White, Matthew (2012). The Great Big Book of Horrible Things. W.W. Norton. p. 363. ISBN 9780393081923.
- ↑ Хандорин, В. Г. Мифы и факты о Верховном правителе России Geargiveer 29 Oktober 2020 op Wayback Machine. — М.: Общество развития русского исторического просвещения «Двуглавый орёл»; Издательство М. Б. Смолина (ФИВ), 2019. — 200 с. — ISBN 978-5-91862-057-1., p.235
- ↑ Мельгунов С. П. Трагедия адмирала Колчака: В 2 книгах. — Книга вторая: Часть III. — М.: Айрис-пресс, Лагуна-Арт, 2005. — 496 с. + вклейка 8 с. — (Белая Россия). — ISBN 5-8112-0547-3. — С. 443, 461.
- ↑ Флеминг, Питер Судьба адмирала Колчака. 1917—1920 / Пер. с англ. Л.А. Игоревского. — М.: ЗАО Центрполиграф, 2006.— 252 с. — (Россия в переломный момент истории). ISBN 5-9524-2530-5, p. 235
- ↑ N.G.O. Pereira, "White Power during the Civil War in Siberia (1918–1920): Dilemmas of Kolchak's 'War Anti-Communism'", in: Canadian Slavonic Papers (1987) 29#1 pp 45–62.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
