Alexandra

Hierdie artikel handel oor die township in Johannesburg, Suid-Afrika. Vir die stad in Egipte, sien Alexandrië.

Alexandra is 'n woonbuurt in Johannesburg, Gauteng, Suid-Afrika. In 2011 het die bevolking 179 624 getel.

Alexandra
Township
Byname:  Alex
Alexandra
Koördinate: 26°6′00″S 28°6′00″O
Land	Suid-Afrika
Provinsie	Gauteng
Metropolitaanse Munisipaliteit	Johannesburg
Stigting	1912
Oppervlak
• Totaal	6,91 km2 (2,67 vk. myl)
Bevolking
• Totaal	179 624
• Digtheid	26 000/km2 (67 000/vk. myl)
Tydsone	UTC+2 (SAST)
Poskode	Busse: 2014 Strate: 2090
Skakelkodes	011

Ontstaan

In 1875 is die plaas Cyferfontein, 'n klompie kilometer suid van Pretoria, aan Gert Pieter Johannes Labuschagne oorgedra. Elf jaar later is goud op Langlaagte ontdek en 'n nuwe dorp, Johannesburg, het op die suidelike horison verrys. In 1905 is 'n gedeelte van Cyferfontein aan Alexandra Township Limited oorgedra. Die maatskappy het besluit om 'n dorpsgebied op hul grond te ontwikkel en het toe 2 525 erwe daarop uitgelê. Die erwe is slegs aan swart mense verkoop. Een van die voorwaardes waarop die erwe oorgedra is, was dat die erf "shall not be sold, leased or otherwise disposed of excepting to a native or person of colour, provided that an Asiatic shall not be included in the terms 'native or person of colour'". Hulle het ook bepaal "that no Asiatic or European shall be allowed to reside or carry on business of any nature whatsoever on the … property". Destyds was daar geen beperking op swartes om eienaars van grond in die Transvaal te word nie.

'n Ry taxi's wat in Alexandra wag. Die sonkragverwarmers en satellietskottels kan op die huise se dakke in die agtergrond gesien word

Bekende inwoners

Die sokkerspelers Brian Baloyi en Benson Mhlongo is van Alexandra afkomstig.

Sien ook

• Soweto, 'n ander "township" in Johannesburg.