Alfa Romeo GTA
Die Alfa Romeo GTA is 'n sportiewe koepee van Alfa Romeo wat gebou is van 1965 tot 1971. GTA is 'n afkorting vir "Gran Turismo Alleggerita" (Italiaans vir "liggewig") en word nou nog gebruik vir sportiewe weergawes van die huidige modelle.
 Alfa Romeo Giulia Sprint 1600 GTA Stradale | |
| Oorsig | |
|---|---|
| Vervaardiger | Alfa Romeo |
| Ook genoem | Giulia Sprint 1600 GTA |
| Produksie | 1965-1969 |
| Bakwerk en onderstel | |
| Klas | Sportmotor |
| Bakstyl | 2-deurkoepee |
| Uitleg | Voorenjin, agteraandrywing |
| Spesifikasies | |
| Enjin(s) | 1.6 L inlynviersilinder |
| Plek in geskiedenis | |
| Voorganger | Alfa Romeo Giulietta koepee |
In 1962 is die opvolger vir die baie gewilde Alfa Romeo Giulietta reeks vrygestel. Hierdie motor was die Alfa Romeo Giulia, intern bekend as die "Series 105". Die koepee van die 105-reeks gebruik 'n korter vloerpan uit die Alfa Romeo Giulia en is ontwerp deur Gruppo Bertone.
Op daardie stadium was Alfa baie aktief in motorsport. Die rensportafdeling van Alfa, Autodelta, het 'n motor vir kompetisies ontwikkel wat gestalte gedoen het aan die padmodel. Hierdie motors is GTA gedoop inplaas van GT. Die GTA is die eerste keer in 1965 as 'n 1600 cc en later as 'n 1300 Junior weergawe gebou. Die GTA motors was ook in óf straat- (Stradale) of suiwer renweergawe (Corsa) vervaardig.
Die GTA het aluminium-bakpanele in plaas van staal gehad, magnesium allooiwiele, deursigtige plastiekkantvensters, 'n aluminium agterste kontrolearm, verskillende deurhandvatsels en kwartvenster meganismes en 'n liggewig binneafwerking. Die enjin het 'n nuwe dubbelontsteking silinderkop ("twin plug" genoem, later in die tagtigerjare is die stelsel "tweevonk" genoem) met 'n Marelli verdeler van 'n Ferrari Dino, 45 mm vergassers in plaas van 40 mm en 'n magnesium nokasdeksel, oliebak, tydreelbedekking en klokhuis. Die ratverhoudings was nader aan mekaar, en die ratte is gemasjineer vir ligte en vinnige verskuiwing. Die 1600 GTA het nie 'n remversterker gehad nie en het 'n dikker verkoeler as die standaardvoertuig gehad.
Vir homologasie is 500 motors vir wedrenne en padgebruik gebou. Die motor het 'n maksimum kraguitset van 96 pk gelewer (in Stradale/straat-uitvoering) wat gesorg het vir 'n topspoed van hoër as 175 km/h. In wedrenstyl met Spica-inspuiting kon dit 165 pk gelewer het.
Eksterne skakels
wysigVerwysings
wysig
| Hierdie artikel is in sy geheel of gedeeltelik vanuit die Nederlandse Wikipedia vertaal. |
