Alija
Alija[1] (Hebreeus: עֲלִיָּה, "opkoms") is die immigrasie van Jode van die Joodse diaspora na histories die Heilige Land, wat vandag die moderne staat Israel insluit. Dit word gedefinieer as "die daad om op te gaan" – dus na Jerusalem. Om "alija" te maak deur na die land Israel te verhuis is een van die basiesste leerstellings van Sionisme.
Die teenoorgestelde aksie, emigrasie uit Israel, word in Hebreeus jerida ("daling") genoem.[2]
Agtergrond wysig
Vir 'n groot deel van hulle geskiedenis het die meeste Jode in die diaspora gewoon, waar alija as 'n nasionale ambisie vir die Joodse volk ontwikkel is. Dit is egter nie gewoonlik vervul nie, tot met die ontwikkeling van die Sionistiese beweging in die laat 19de eeu.[3]
Die grootskaalse immigrasie na Palestina het in 1882 begin.[4] Sedert die stigting van die moderne staat Israel in 1948 het miljoene Jode al na Israel verhuis.[5] Teen 2014 het Israel en die aangrense gebiede 42,9% van die wêreld se Joodse bevolking bevat.[6]
Die staat Israel se Terugkeerwet gee aan alle Jode, hulle kinders en hulle kleinkinders outomaties die reg om daar te woon en Israelse burgerskap te kry.
Sien ook wysig
Verwysings wysig
- ↑ "Alija" in die Nuwerwetse Politieke Woordeboek. Aanlyn by viva-afrikaans.org (intekening nodig). Besoek op 14 Augustus 2021.
- ↑ ""Aliyah": The Word and Its Meaning". 15 Mei 2005. Geargiveer vanaf die oorspronklike op 19 Desember 2009. Besoek op 29 April 2013.
- ↑ Rosenzweig, Rafael N. (1989). The Economic Consequences of Zionism. E.J. Brill. p. 1. ISBN 9-004091-47-5.
- ↑ Schneider, Jan (Junie 2008). "Israel". Focus Migration. 13. Hamburg Institute of International Economics. ISSN 1864-6220. Geargiveer vanaf die oorspronklike op 14 Mei 2019. Besoek op 29 April 2013.
- ↑ "400 olim arrive in Israel ahead of Independence Day - Israel Jewish Scene, Ynetnews". Ynetnews.com. Besoek op 29 April 2013.
- ↑ DellaPergola, Sergio (2014). Dashefsky, Arnold; Sheskin, Ira (reds.). "World Jewish Population, 2014". Current Jewish Population Reports. The American Jewish Year Book (Dordrecht: Springer). 11: 5–9, 16–17. Besoek op 3 Januarie 2016.
Skakels wysig
Wikimedia Commons het meer media in die kategorie Alija.
Hierdie artikel is in sy geheel of gedeeltelik uit die Engelse Wikipedia vertaal.
