Alkonost (mitologie)

Die Alkonost is ’n legendariese voël in die Slawiese mitologie. Dit het die lyf van ’n voël en die gesig en bors van ’n vrou. Die naam kom van die Griekse halfgodin Alcyone wat deur gode in ’n visvanger verander is. Die Alkonost lê eiers aan die kus en sit hulle dan in die water, waarna die see ses of sewe dae lank kalm is. Daarna broei die eiers uit en dit veroorsaak ’n storm. Vir die Russies-Ortodokse Kerk verpersoonlik Alkonost God se wil. Sy woon in die paradys, maar betree die wêreld om ’n boodskap oor te dra. Haar stem is so wondersoet dat iemand wat dit hoor, alles kan vergeet.

Iwan Bilibin se Alkonost.

Sien ook

• Sirin
• Gamajoen

Verwysings

Hierdie artikel is merendeels vertaal vanaf die Engelse Wikipedia-artikel en:Alkonost

• http://bestiary.us/alkonost.php
• http://www.rollins.edu/Foreign_Lang/Russian/Lubok/lubrelig.html Geargiveer 28 September 2007 op Wayback Machine