Allan Hendry

Amerikaanse sterrekundige

Allan Hendry (gebore 1950) is 'n Amerikaanse sterrekundige en VVV-deskundige. VVV-historikus Jerome Clark noem hom "een van die besgeskoolde ondersoekers in die geskiedenis van VVV-navorsing."[1] Hy was die hoofondersoeker van die Sentrum vir VVV-studies (CUFOS) in die VSA in die 1970's.

Allan Hendry
Gebore 1950
Verenigde State van Amerika
Nasionaliteit Amerikaans
Vakgebied Sterrekunde
Alma mater Michigan Universiteit
Bekend vir The UFO Handbook (Die VVV handboek)

Onderwys en loopbaan wysig

Hendry het in 1972 'n BA in Sterrekunde van Michigan Universiteit verwerf.

VVV-navorsing wysig

Hendry is aangestel by CUFOS deur die stigter van die organisasie, J. Allen Hynek, wat op soek was na 'n voltydse ondersoeker met wetenskaplike kundigheid en 'n openlike houding, en wat nie 'n ontluisteraar of 'n "VVV-gelowige" was nie.

As CUFOS se hoofnavorser vir 'n groot deel van die 1970's, het Hendry persoonlik meer as 1 000 VVV-verslae ondersoek. Hy kon gewone verduidelikings vir die oorgrote meerderheid van VVV-gevalle vind, maar hy het ook 'n klein persentasie gevalle as onverklaarbaar beoordeel. Een van die bekendste "onverklaarde" sake wat hy ondersoek het, was die Val Johnson voorval in die VSA in 1979, waar 'n adjunk-balju se voertuig in Minnesota in 'n "botsing" met 'n onbekende voorwerp betrokke was wat die voertuig beskadig en Johnson tydelik bewusteloos gelaat het. Hendry was die primêre VVV-deskundige om die saak te ondersoek. In 1980 het hy die voorval met bekende VVV-ontluisteraar Philip Klass bespreek tydens 'n simposium wat by die Smithsonian Instituut gehou was.

Hy was huiwerig om te spekuleer oor die oorsake van die onverklaarbare gevalle en het aangevoer dat dit moontlik met verdere inligting verduidelik kan word. Sommige navorsers het Hendry 'n "ondergrondse skeptikus" genoem.[1] Terselfdertyd het 'n paar bekende sceptici en ontluisteraars wat Hendry se wetenskaplike strengheid geprys het, hom sterk veroordeel vir sy gevolgtrekking dat 'n handjievol goed-gedokumenteerde VVV-verslae nie ontleed kon word nie en dalk werklike afwykings verteenwoordig. Hendry het voorgestel dat die kritiek van albei kampe nie veel meer as persoonlike aanvalle was nie, aangesien hulle min of geen aandag aan die inhoud van sy navorsing geskenk het nie.

Die VVV Handboek wysig

Hendry se meesterstuk was The UFO Handbook (Die VVV handboek),[2] 'n gids vir ander VVV-navorsers. In die boek berispe Hendry baie konvensionele wetenskaplikes vir wat hy beskou as die verwaarlosing van VVV-navorsing, maar hy het ook sterk kritiek vir baie amateur-VVV-ondersoekers gehad, wat volgens hom die onderwerp meer kwaad as goed gedoen het. Clark het Hendry se evaluering van VVV-ondersoek oor die algemeen as "diep-pessimisties" gekenmerk. Hendry se gevolgtrekking was dat die studieveld bykans lamgelê word deur 'n gebrek aan samewerking, afwesige standaardisering en twyfelagtige eise. The UFO Handbook het selfs die lof van Philip J. Klass verwerf, wat in 'n resensie wat in 'die Skeptical Inquirer gepubliseer is die boek beskyf het as "een van die mees belangrike en nuttige boeke oor die onderwerp wat ooit gepubliseer is."[3]

In 1978 by Walsh Universiteit, het Hendry gesê dat hy miskien die mees skeptiese mens is omdat hy 'n antwoord op die VVV-vraag wil kry, ongeag wat die antwoord is. Hy het verder gesê dat selfs indien die uitslag sosiologies verklaarbaar of buitengewoon sou wees, dit steeds voldoende sou wees. Hy glo dat daar nie een oorkoepelende verduideliking bestaan nie. Hy het nog nooit 'n VVV gesien nie en dit is waarskynlik 'n goeie ding, want mense kan sy motiewe bevraagteken as hy persoonlik betrokke was.[4] Sy aanbieding het ook inligting oor identifisering van vlieënde voorwerpe bevat.

In die vroeë 1980's het CUFOS finansiële probleme ervaar, en as gevolg hiervan kon die organisasie nie meer 'n voltydse navorser bekostig nie. Daarbenewens het Hendry tot die gevolgtrekking gekom dat die metodologieë wat gebruik word om VVV's te studeer, uiteindelik frustrerend, onverbiddelik en nutteloos was. As gevolg hiervan, het Hendry CUFOS verlaat en grotendeels verdere betrokkenheid met VVV-studies vermy.

Sien ook wysig

Verwysings wysig

  1. 1,0 1,1 (en) Clark, Jerome (1998). The UFO Encyclopedia. Vol. 1 (A-K) (2de uitg.). Omnigraphics, Inc. ISBN 0-7808-0097-4. bladsy 481
  2. (en) Hendry, Allan (Augustus 1979). The UFO Handbook: A Guide to Investigating, Evaluating and Reporting UFO Sightings. Doubleday. ISBN 978-0-385-14348-6.
  3. Clark, Jerome. "Phil Klass vs. The "UFO Promoters"" (in Engels). Geargiveer vanaf die oorspronklike op 4 Februarie 2012.
  4. (en) Facinelli, Paul (13 Oktober 1978). "UFO man has facts, but no 'explanation'". Akron Beacon Journal. Besoek op 16 November 2018.