Allan Wilson (majoor)
Britse weermag offisier (1856-1893)
Majoor Allan Wilson (1856 - 4 Desember 1893) was 'n Rhodesiese soldaat, wat as bevelvoerder tydens die Shangani-patrollie saam met sy troepe gesneuwel het.
Hy is in Ross-shire in Skotland gebore en het skool gegaan in Kirkwall in die Orkade en in Fochabers, Morayshire. Hy sluit by die Cape Mounted Rifles aan, veg eers in Basoetoland, toe in Betsjoeanaland en met die uitbreek van die Eerste Matabele-oorlog van 1893 word hy majoor in bevel van die Victoria Column. Hy neem bevel oor van die rampspoedige Shangani-patrollie en sneuwel op 4 Desember 1893 aan die voorpunt van sy manskappe.