Betsjoeanaland

Hierdie artikel handel oor die Britse protektoraat in die huidige Botswana. Vir die protektoraat in die huidige Suid-Afrika, sien Brits-Betsjoeanaland.

Betsjoeanaland (Engels: Bechuanaland), amptelik die Betsjoeanaland Protektoraat (Bechuanaland Protectorate), is die voormalige naam tot op 30 September 1966 met die onafhanklikwording van Botswana, toe die gebied 'n protektoraat onder Britse beskerming was.

Bechuanaland Protectorate
Betsjoeanaland Protektoraat

1885–1966 →
Vlag
Volkslied: God Save the King/Queen
Ligging of Betsjoeanaland 'n Kaart van 1885 wat die protektoraat voor die skepping van die Kroonkolonie Brits-Betsjoeanaland en die Helgoland-Zanzibar-Verdrag vertoon
Hoofstad	Mafeking (1885–1965) Gaborone (1965)
Taal/Tale	Engels (amptelik) Setswana, Kalanga, Noord-Ndebele (wyd versprei)
Godsdiens	Anglikanisme, Metodisme, Badimo
Regering	Monargie
Monarg
- 1885–1901	Victoria
- 1901–1910	Edward VII
- 1910–1936	George V
- 1936	Edward VIII
- 1936–1952	George VI
- 1952–1966	Elizabeth II
Historiese tydperk	Wedloop om Afrika
- Stigting	31 Maart 1885
- Uitgebrei	1890
- Onafhanklikheid	30 September 1966
Oppervlakte
- 1965	581 730 km2 224 607 sq mi
Bevolking
- 1965 skatting	600 000
Digtheid	1 /km²  2,7 /sq mi
Geldeenheid	Pond sterling (1885–61) Rand (1961–66)

'n Kaart van 1887 wat die kroonkolonie Brits-Betsjoeanaland (skadupienk) en die Betsjoeanaland Protektoraat (pienk grens) vertoon. Dit was voor die uitbreiding na die noorde tot Ngamiland in 1890.

Betsjoeanaland het onder Europese beheer gekom in 1885 toe genl. sir Charles Warren die gebied beset het om te keer dat die Zuid-Afrikaansche Republiek of Duitse magte in Duits-Suidwes-Afrika die gebied annekseer. Betsjoeanaland was uniek in dié opsig dat sy gebiedshoofstad, Mafikeng, buite die gebied in die destydse Kaapprovinsie geleë was. Met onafhanklikwording het die hoofstad in 1965 Gaborone geword.