Allende-meteoriet
Die Allende-meteoriet is die grootste koolstofhoudende chondrietmeteoriet wat nog op Aarde ontdek is. Die vuurbal is vroeg op 8 Februarie 1969 oor die Mexikaanse staat Chihuahua gesien.[1]
| Allende | ||
| ||
| 'n Allende-fragment. | ||
| Voorwerp | ||
| Tipe | Chondriet | |
| Klas | Koolstofhoudende chondriet | |
| Groep | CV3 | |
| Samestelling | 23,85% yster | |
| Datum | 8 Februarie 1969 | |
| Waargenome val | Ja | |
| TBG | 2 ton | |
| Verstrooi | Ja | |
| Gebied | ||
| Land |  Meksiko
| |
| Streek | Chihuahua | |
Omdat die meteoriet in die aardatmosfeer opgebreek het, is 'n uitgebreide soektog na fragmente gelas, en meer as 2 ton meteoriete is herwin. Die beskikbaarheid van groot hoeveelhede van dié wetenskaplik belangrike chondrietklas het gelei tot talle ondersoeke deur baie wetenskaplikes; dit word dikwels beskryf as die "bes bestudeerde meteoriet in die geskiedenis".[2]
Koolstofdraende chondriete maak sowat 4% uit van alle waargenome meteorietvalle. Voor 1969 was dié klas net bekend uit 'n klein getal ongewone meteoriete wat in 1864 in Frankryk geval het. Meteoriete soortgelyk aan Allende was bekend, maar klein en swak bestudeer.[3]
Val en verstrooiingsveld wysig
Die oorspronklike klip was vermoedelik so groot soos 'n motor en het die atmosfeer teen meer as 16 km/s getref. Die val het vroeg die oggend van 8 Februarie 1969 plaasgevind. Teen 01:05 plaaslike tyd het 'n groot vuurbal uit die suidweste gekom en die lug honderde kilometers ver verlig. Dit het ontplof en in duisende stukke opgebreek vanweë die atmosfeer se weerstand. Die meteoriet het in Noord-Mexiko geval, naby die dorp Pueblito de Allende in die deelstaat Chihuahua.
Klippe is oor 'n groot gebied verstrooi, en dit is sover bekend een van die grootste verstrooiingevelde: sowat 8 by 50 km. Dit is 'n woestynstreek, meestal plat en met min en lae plantegroei. Honderde fragmente is kort ná die val herwin. Sowat 2 tot 3 ton spesimens is oor 'n tydperk van meer as 25 jaar versamel. Selfs vandag nog word spesimens nou en dan ontdek.
Verwysings wysig
- ↑ Marmet. "The Allende Meteorite (Mexico)". Marmet-Meteorites.
- ↑ Ma, C.; Beckett, J. R.; Rossman, G. R. (1 April 2014). "Allendeite (Sc4Zr3O12) and hexamolybdenum (Mo,Ru,Fe), two new minerals from an ultrarefractory inclusion from the Allende meteorite". American Mineralogist (in Engels). 99 (4): 654–666. Bibcode:2014AmMin..99..654M. doi:10.2138/am.2014.4667. ISSN 0003-004X.
- ↑ "Learn About the Allende Carbonaceous Chondrite Meteorite". The Meteorite Market.
Skakels wysig
Hierdie artikel is in sy geheel of gedeeltelik uit die Engelse Wikipedia vertaal.
