Schedar
Schedar (ook bekend a Alpha Cassiopeiae of α Cas) is ’n ster van die tweede magnitude in die sterrebeeld Kassiopeia. Hoewel dit deur Johann Bayer as die "alfaster" aangedui is, ding dit om helderheid mee met die β-ster in die sterrebeeld. Dit is soms effens dowwer en soms effens helderder, na gelang van die metingsmetode wat gebruik word. Onlangse metings deur Nasa het egter bevestig α Cas is die helderste ster in Kassiopeia, met ’n skynbare magnitude van 2,24. Sy absolute magnitude is 18 keer dié van β Cas, maar dit is verder van die Son af geleë (228 ligjare teenoor 54).
Alpha Cassiopeiae
| ||||
| ||||
| Schedar se ligging (in die rooi sirkel). | ||||
| Sterrebeeld | Kassiopeia | |||
| Bayer-naam | α Cassiopeiae | |||
| Spektraaltipe | K0 IIIa[1] | |||
| Soort | Reusester | |||
| Waarnemingsdata (Epog J2000) | ||||
| Regte klimming | 00h 40m 30.4405s[1] | |||
| Deklinasie | +56° 32′ 14.392″[1] | |||
| Skynmagnitude (m) | 2,240[2] | |||
| Absolute magnitude (M) | 1,985[2] | |||
| B-V-kleurindeks | 1,16 | |||
| U-B-kleurindeks | 1,14 | |||
| Besonderhede | ||||
| Massa (M☉) | 4-5[3] | |||
| Radius (R☉) | 42,1 ± 1,7[4] | |||
| Ligsterkte (L☉) | 676 | |||
| Ouderdom (jaar) | 100 miljoen – 200 miljoen[3] | |||
| Temperatuur (K) | 4 530[3] | |||
| Ander name | ||||
| Schedar, α Cas, 18 Cas, HR 168, BD+55°139, HD 3712, SAO 21609, FK5 21, HIP 3179, GC 792, ADS 561, CCDM J00405+5632 | ||||
| ||||
Eienskappe wysig
Schedar is hoofsaaklik in die Noordelike Halfrond sigbaar, hoewel dit so ver suid as Perth, Australië, en Santiago, Chili, gesien kan word, al is dit net bo die horison.
Dit is ’n oranje reusester met ’n sterreklassifikasie van K0 IIIa wat aansienlik koeler as die Son is.[1] Omdat die oranje reus naby die finale stadium van sy evolusie is, het hy aansienlik uitgesit en is sy ligsterkte sowat 676 keer dié van die Son.
Volgens Hipparcos is die ster sowat 228 ligjare van die Son af.[5] Nes alle reusesterre, roteer Schedar stadig – teen sowat 21 km/s. Dit neem die ster sowat 102 dae vir een volle revolusie om sy as.[6]
Schedar is vermoedelik sowat 100 miljoen tot 200 miljoen jaar oud, en was vir ’n groot deel van sy bestaan ’n blouwit B-tipe hoofreeksster.[3]
Name wysig
Die ster se Bayer-naam is "Alpha Cassiopeiae" en sy Flamsteed-naam "18 Cassiopeiae". Die naam "Schedar" kom van die Arabiese صدر şadr, "bors", wat verband hou met sy relatiewe posisie tot die hart van die mitologiese koningin Kassiopeia.[7]
In 2016 het die Internasionale Astronomiese Unie se sternaamwerkgroep (WGSN) die naam "Schedar" vir die ster goedgekeur.[8]
Verwysings wysig
- ↑ 1,0 1,1 1,2 1,3 "SIMBAD query result: SCHEDAR -- Star" (in Engels). Centre de Données astronomiques de Strasbourg. Geargiveer vanaf die oorspronklike op 9 Oktober 2019. Besoek op 22 Februarie 2010.
- ↑ 2,0 2,1 Kharchenko, N.V.; Roeser, S. (September 2009). "All-sky Compiled Catalogue of 2.5 million stars". VizieR. Centre de Données astronomiques de Strasbourg. Bibcode:2009yCat.1280....0K. Besoek op 6 Januarie 2011.
- ↑ 3,0 3,1 3,2 3,3 Professor James B. (Jim) Kaler. "SHEDAR (Alpha Cassiopeiae)" (in Engels). University of Illinois. Geargiveer vanaf die oorspronklike op 16 November 2019. Besoek op 22 Februarie 2010.
- ↑ Hajian, Arsen R.; Armstrong, J.T.; Hummel, C.A.; Benson, J.A.; et al. (Maart 1998). "Direct Confirmation of Stellar Limb Darkening with the Navy Prototype Optical Interferometer". The Astrophysical Journal. 496 (1): 484. Bibcode:1998ApJ...496..484H. doi:10.1086/305388.
- ↑ van Leeuwen, F (November 2007). "Hipparcos, the New Reduction". Astronomy and Astrophysics. Centre de Données astronomiques de Strasbourg. 474 (2): 653–664. arXiv:0708.1752. Bibcode:2007A&A...474..653V. doi:10.1051/0004-6361:20078357.
- ↑ "Bright Star Catalogue (Hoffleit+, 1991)". VizieR (in Engels) (5de hersiene uitg. uitg.). Centre de Données astronomiques de Strasbourg. Geargiveer vanaf die oorspronklike op 26 April 2020. Besoek op 31 Desember 2010.
- ↑ Richard Hinckley Allen (1963). "Star Names: Their Lore and Meaning". Dover Publications. p. 142. Besoek op 31 Desember 2010.
- ↑ "Bulletin of the IAU Working Group on Star Names, No. 1" (PDF). Besoek op 28 Julie 2016.
Eksterne skakels wysig
- Harvard Map Collection The Mercator Globes Geargiveer 17 Augustus 2012 op Wayback Machine
- The Internet Encyclopedia of Science: Shedar (Alpha Cassiopeiae)
- Schedar op WikiSky: DSS2, SDSS, GALEX, IRAS, Hydrogen α, X-Ray, Astrophoto, Sky Map, Artikels en foto's
Hierdie artikel is vertaal uit die Engelse Wikipedia
