Anatomie d'une chute
Anatomie d'une chute (Afrikaans: Anatomie van 'n val; Engelse titel: Anatomy of a Fall) is 'n Franse rolprent uit 2023 wat geregisseer en geskryf is (saam met Arthur Harari) deur Justine Triet.
| Anatomie d'une chute | |
|---|---|
| |
| Regisseur | Justine Triet |
| Produksieleier | Marie-Ange Luciani David Thion |
| Kinematografie | Simon Beaufils |
| Ateljee | Les Films Pelléas Les Films de Pierre |
| Speeltyd | 150 minute |
| Land | Frankryk |
| Taal | Frans, Duits, Engels |
Verhaal
wysigSandra is 'n Duitse skryfster wat in hegtenis geneem word op 'n aanklag van moord, nadat haar man onder verdagte omstandighede gesterf het. Tydens die gevolglike hofsaak probeer sy om haar onskuld te bewys.
Rolverdeling
wysigSandra Hüller as Sandra, met Swann Arlaud, Milo Machado-Graner, Jehnny Beth, Saadia Bentaieb en Samuel Theis.
Vervaardiging
wysigOp 10 Julie 2021 meld Variety dat Les Films Pelleas en Les Films de Pierre die vierde film van Justine Triet, Anatomie d'une chute, sou vervaardig. Die draaiboek is geskryf deur Triet en Arthur Harari.[1] Die film word beskryf as "'n Hitchcockiaanse prosedurele riller". Dit is Triet se tweede samewerking met Sandra Hüller, na die rolprent Sibyl uit 2019.[2]
Verfilming het plaasgevind van Februarie 2022 tot 13 Mei 2022 in die Auvergne-Rhône-Alpes in Maurienne en Villarembert in die département Savoie, en in Montbonnot-Saint-Martin en Grenoble in die département Isère.[3] Verfilming is ook gedoen in Charente-Maritime en in Parys.[4]
Vrystelling en ontvangs
wysigAnatomie d'une chute se première het op 21 Mei 2023 tydens die 2023 Cannes-rolprentfees plaasgevind,[5] waar dit met die Palme d'Or bekroon is.[6] Die rolprent het positiewe resensies ontvang van kritici.
Pryse en nominasies
wysig| Jaar | Prys | Kategorie | Genomineerde(s) | Uitslag |
|---|---|---|---|---|
| 2023 | 2023 Cannes-rolprentfees | Palme d'Or | Justine Triet | gewen |
| Palme Dog | Messi[7] | gewen |
Verwysings
wysig- ↑ (en) Les Films Pelleas Readies Female-Driven Slate With New Films By Justine Triet, Danielle Arbid, Katell Quillevere, Variety, 10 Julie 2021
- ↑ (en) Sandra Hüller and Swann Arlaud are filming Anatomy of a Fall, Cineuropa, 10 Maart 2022
- ↑ (fr) Charente-Maritime : Justine Triet revient sur les trois semaines de tournage d’Anatomie d’une chute, Sud Quest, 3 Mei 2022
- ↑ (fr) Anatomie d’une chute, de Justine Triet en sélection officielle à Cannes, La Région Auvergne-Rhône-Alpes, 14 April 2023
- ↑ The films of the Official Selection 2023, festival-cannes.com, 13 April 2023
- ↑ Justine Triet wint Gouden Palm op filmfestival Cannes met "Anatomie d'une chute": derde vrouwelijke winnaar ooit, vrt nws, 27 Mei 2023
- ↑ (en) Cannes: ‘Anatomy of a Fall’ Border Collie Messi Wins Palm Dog in Most Competitive Canine Contest Yet, The Hollywood Reporter, 26 Mei 2023