Andrew Marr
Andrew Marr
Britse joernalis, televisie-aanbieder en politieke kommentator
Akademiese opleiding
Trinity Hall, Cambridge
Bekende programme
BBC News
The Andrew Marr Show
Getroud met
Jackie Ashley (1987 tot hede)
Andrew William Stevenson Marr (* 31 Julie 1959 in Glasgow, Skotland) is 'n Britse joernalis, televisie-aanbieder en politieke kommentator.
Hy was twee jaar lank, tot en met Mei 1998, redakteur van die dagblad The Independent en daarna, vanaf 2000 tot en met 2005, politieke redakteur van die BBC News. Vanaf September 2005 het hy Sunday AM (tans The Andrew Marr Show), 'n politieke program wat op Sondagoggende deur BBC One uitgesaai word. Marr is ook die aanbieder van BBC Radio 4 se program Start the Week.
In 2007 het Andrew Marr 'n dokumentêre televisiereeks oor die politieke geskiedenis van na-oorlogse Brittanje, Andrew Marr's History of Modern Britain, aangebied wat deur BBC Two uitgesaai is. Twee jaar later is 'n opvolgreeks vervaardig wat die periode tussen 1901 en 1945 behandel, Andrew Marr's The Making of Modern Britain.
In 2010 het hy 'n televisiereeks aangebied wat die lewe in, die ontwikkeling van en die uitdagings vir sommige van die wêreld se grootste stede behandel, Andrew Marr's Megacities. Koningin Elizabeth II se sestig jaar op die troon is vroeg in 2012 in 'n televisiereeks van drie aflewerings, The Diamond Queen, behandel.
In 2012 is sy boek A History Of The World deur Macmillan Uitgewers, 'n druknaam van Pan Macmillan Uitgewers, uitgegee.
Bibliografie
wysig- My Trade
- A History of Modern Britain
- The Making of Modern Britain
- The Diamond Queen
- A History Of The World