Angoulême (Saintongeais: Engoulaeme) is 'n Suid-Wes-Franse stad in die administratiewe gewes Nieu-Akwitanië en die prefektuur of hoofstad van die département Charente. Angoulême is op 'n heuwel aan die Charente-rivier geleë en beslaan 'n oppervlakte van 21,85 vierkante kilometer met 42 242 inwoners (2009).

Angoulême
Die katedraal Saint-Pierre d'Angoulême
Die katedraal Saint-Pierre d'Angoulême
Angoulême is in Frankryk
Angoulême
Angoulême
Koördinate: 45°38′56″N 0°09′39″O / 45.64889°N 0.16083°O / 45.64889; 0.16083Koördinate: 45°38′56″N 0°09′39″O / 45.64889°N 0.16083°O / 45.64889; 0.16083
LandVlag van Frankryk Frankryk
GewesFlag of Nouvelle-Aquitaine.svg Nieu-Akwitanië
DépartementBlason département fr Charente.svg Charente
ArrondissementAngoulême
KantonAngoulême-Oos, Angoulême-Noord, Angoulême-Wes
Regering
 • BurgemeesterXavier Bonnefont
Oppervlak
 • Stad21,85 km2 (8 44 vk, m,)
Hoogte
27–130 m (89–430 ft)
Bevolking
 • Stad42 242
 • Digtheid1 933/km2 (5 010/vk, m,)
 • Stedelik
178 650
Poskode
16000
Skakelkodes16015
Webwerfangouleme.fr

Angoulême het internasionale bekendheid verwerf met sy strokiesprent-sentrum Centre national de la bande dessinée et de l'image en die strokiesprent-fees Festival International de la Bande Dessinée d'Angoulême. Die stad is daarnaas met die amptelike titel Ville d'art et d'histoire ("Stad van kuns en geskiedenis") vereer en het tot 'n gewilde toeristetrekpleister ontwikkel.

As hoofstad van die historiese provinsie Angoumois, wat grootliks met die huidige département Charente ooreenkom, was Angoulême eeue lank 'n versterkte nedersetting by die kruispunt van belangrike handelsroetes wat verskeie kere beleër is. Vandag maak die stad deel uit van een van die mees geïndustrialiseerde streke in die gewes. Vanaf die 16de eeu was papiervervaardiging die belangrikste bedryf, later het ook metaalgieterye en elektromeganiese nywerhede ontstaan.