Annette Mocke
Annette Mocke is die skrywersnaam van Anna Magdalena Barnard (1914–1998). Sy was 'n Afrikaanse skrywer van liefdesromans en verskeie romans oor die Anglo-Boereoorlog en was 'n suster van die digter S. Ignatius Mocke.
Lewe en werk wysig
Anna Magdalena (Annette) Mocke is op 23 Januarie 1914 op Frankfort in die Vrystaat gebore. Sy was een van nege kinders van Ernst Jacobus Mocke (1881–1956) en Petronella Susanna Maria Potgieter (1883–1963).[1] Sy het vier broers en vier susters gehad. Een van haar broers was die digter S. Ignatius Mocke. Sy trou met Jacobus Barnard en hulle het vyf kinders (Paul, Marieta, Annette, Mariana en Errie). Op 29 Julie 1998 is sy in Randburg oorlede.[2]
Skryfwerk wysig
Baie van haar kortverhale verskyn in Die Brandwag. Sy skryf 25 oorlog- en liefdesromans. In “Brood op die water” sien mense neer op Lena Scheepers omdat sy van Blikkiesdorp af kom. Sy skep vir haar ’n alternatiewe persoonlikheid en word die geheimsinnige Irene Vorster wat duisende bewonderaars het. Dan verskyn iemand in haar lewe vir wie sy nie geheime kan wegsteek nie. “Uit duisende lewens” is ’n kortverhaalbundel.
Publikasies wysig
Jaar | Publikasies |
---|---|
1943 | Die gemaskerde ruiter |
1944 | Hy was ’n kneg |
1945 | Boodskap uit die nag |
Die roepstem van Libanon | |
1946 | Agter die newels |
Geheime tussenspel | |
1947 | Amanda van Karelskloof |
Klatergoud | |
1949 | Dryfsand |
Verdiende erfenis | |
1950 | Uit duisende lewens |
1951 | Elizabeth in die Goudstad |
Ferdinand Martyn | |
1952 | Onsigbare bande |
1953 | Offervreugde |
1954 | Die vallei van blou blomme |
1955 | Brood op die water |
Bronnelys wysig
Tydskrifte en koerante wysig
- Anoniem “Het jy gehoor?” “Beeld” 31 Julie 1998
Internet wysig
- Beeld: http://152.111.1.88/argief/berigte/beeld/1998/07/31/4/26.html[dooie skakel]
- Geni: https://www.geni.com/people/Anna-Magdalena-Barnard/6000000034204890145
- Geni: https://www.geni.com/people/Annette-Barnard/4399813331280019476
- Lizmar Boeke: http://www.lizmarboeke.co.za/Skrywers/MOCKE--Annette/mocke--annette.html Geargiveer 9 November 2016 op Wayback Machine
- Worldcat: http://www.worldcat.org/search?q=au%3AMocke%2C+Annette.&qt=hot_author
Ander verwysings wysig
- ↑ Geni-webwerf: https://www.geni.com/people/Anna-Magdalena-Barnard/6000000034204890145
- ↑ Artikel in Beeld van 31 Julie 1998