Anton Arenski

Anton Stepanovich Arenski (Russies: Анто́н Степа́нович Аре́нский}}; (12 Julie [O.S. 30 Junie] 1861 – 25 Februarie [O.S. 12 Februarie] 1906) was 'n Russiese komponis van Romantiese klassieke musiek, 'n pianis en 'n professor van musiek. Hy is veral bekend om sy Klaviertrio in D mineur, Op 32.

Anton Arenski, 1895

Biografie

Arenski was gebore in 'n gegoede gesin in Novgorod, Rusland. Hy het oor 'n musikale aanleg beskik en reeds teen die ouderdom van nege jaar 'n aantal liedere en klavierstukke gekomponeer. Hy het in 1879 saam met sy moeder en vader na Sint Petersburg getrek waar hy komposisie by die Sint Petersburg Konservatoria studeer het saam met Nikolai Rimski-Korsakof.

Nadat Arenski in 1882 van die Sint Petersburg Konservatoria gegradueer het, is hy as professor by die Moskouse Konservatoria aangestel. Van sy studente daar was Aleksander N. Skriabin, Sergei Rachmaninoff en Alexander Gretchaninov.

Arenski het in 1895 na Sint Petersburg as die direkteur van die Keiserlike Koor teruggekeer. Hy is deur Mili Balakiref vir die pos aanbeveel. Hy het in 1901 uit die posisie afgetree, en voortaan van 'n gemaklike pensioen gelewe en sy oorblywende tyd as pianis, dirigent en komponis spandeer.

Arensk is op die ouderdom van vier-en-veertig jaar aan tuberkulose in 'n sanatorium in Perkjärvi oorlede, in wat toe die die Russies-geadministreerde Hertogdom van Finland was. Terwyl min bekend is oor sy private lewe, beweer Rimski-Korsakof dat drank en dobbel sy gesondheid aangetas het. Arenski was in die Tikhvin Begraafplaas begrawe. Die Antarktiese Arenski Gletser is na hom vernoem.

Musiek

Pjotr Tsjaikofski het ongetwyfeld die grootste invloed op Arenski se musiek gehad. Die persepsie dat Arenski 'n gebrek aan 'n kenmerkende persoonlike styl gehad het, het tot die verwaarlosing van sy musiek gely, alhoewel 'n groot aantal van sy werke in onlangse jare opgeneem is. Die Variasies op 'n Tema van Tsjaikofski vir strykorkes Op. 35a, wat van die stadige beweging van Arenski se 2de strykkwartet rangskik is, en gebaseer is op een van Tsjaikofski se Liedere vir Kinders, Op. 54; en sy Klaviertrio in D mineur is veral gewild. Arenski was miskien op sy beste gewees in kamermusiek, vir welke genre hy twee strykkwartette, twee klaviertrios en 'n klavierkwintet geskryf het.

Geselekteerde werke

Opera

• Сон на Волге (Son na Volge/Droom op die Volga), Op. 16 (1888), libretto deur Anton Arenski na Alexander Ostrovski se toneelstuk Voyevoda, premiere: 2 Januarie 1891 [OS 21 Desember 1890], Moskou, Bolshoi Teater
• Рафаэль (Rafael), Op. 37 (1894), libretto deur A. Kryukov, premiere: 6 Mei [OS 24 April], 1894, Moskou, Konservatoria
• Наль и Дамаянти (Nal' i Damayanti / Nal and Damayanti), Op. 47 (1903), na die Indiese epog "Mahabharata", libretto deur Modest Iljitsj Tsjaikofski na die roman deur Vasily Zhukovsky, premiere: 22 Januarie [OS 9 Januarie], 1904, Moskou, Bolshoi Teater)

Ballet

• Egiptiese Nagte (Russies:«Египетские ночи») ook bekend as Une Nuit d'Égypte of Nuits égyptiennes (1900). Divertissement-Ballet in een deel. Oorspronklik vir die Keiserlike Ballet, Sint Petersburg gekomponeer. Choreografie deur Lev Ivanov. Produksie nooit plaasgevind as gevolg van die afsterwe van die choreograaf voor die voltooiing daarvan.
  • herlewing deur Mikhail Fokine vir die Keiserlike Ballet. Keiserlike Mariinsky Teater, 8 Maart 1908 (OSD); 24 Februarie 1908.
  • herlewing deur Mikhail Fokine as Cléopâtre vir die Ballets Russes. Théâtre du Châtelet, Parys, 2 Junie 1909. Bykomende musiek deur Alexander Glazoenof, Mikhail Glinka, Modest Moessorgski, Nikolai Rimski-Korsakof, Sergei Taneyev, en Nikolai Tcherepnin.

Werke vir Orkes

• Pamyati Suvorova (To the Memory of Suvorov) (1900) (lêerinligting) — speel in blaaier (beta)
  • Performed by
    Russian Philharmonic Orchestra
    Yablonsky, Dmitry (Conductor)
    Met vergunning van NAXOS
  • Probleme om na lêer te luister? Sien die mediahulp.

• Klavierconcerto in F mineur, Op. 2 (1881)
• Simfonie No. 1 in B mineur, Op. 4 (1883)
• Suite No. 1 in G mineur, Op. 7 (1885)
• Intermezzo in G mineur, Op. 13 (1882)
• Simfonie No. 2 in A majeur, Op. 22 (1889)
• Suite No. 2 'Silhouette', Op. 23 (oorspronklik vir 2 klaviere, 1892)
• Suite No. 3 'Variasies in C majeur', Op. 33 (oorspronklik vir 2 klaviere, 1894)
• Variasies op 'n Tema van Tsjaikofski, Op. 35a, vir strykorkes (1894)
• Fantasie op Temas van Ryabinin, Op. 48, vir klavier en orkes (1899), ook bekend as Fantasie op Russiese volksliedere
• Concerto vir Viool en Orkes in A mineur, Op. 54 (1891)
• Pamyati Suvorova (Ter herinnering aan Alexander Suvorov, 1900)

Kamermusiek

• Strykkwartet No. 1 in G majeur, Op. 11 (1888)
• Serenade, Op. 30, No. 2, vir viool en klavier
• Klaviertrio No. 1 in D mineur, Op. 32 (1894)
• Strykkwartet No. 2 in A mineur, Op. 35, geskryf vir die standaard strykkwartet besetting, of vir viool, altviool en twee tjellos (1894)
• Klavierkwintet in D majeur, Op. 51 (1900)
• Twee Stukke, Op. 12, vir tjello en klavier
• Vier Stukke, Op. 56, vir tjello en klavier
• Klaviertrio No. 2 in F mineur, Op. 73 (1905)

Klavier

(vir solo klavier; tensy anders vermeld)

• Suite vir Twee Klaviere No. 1 in F majeur, Op. 15 (1888)
• Suite vir Twee Klaviere No. 2, Op. 23, "Silhouette" (1892), daar bestaan ook 'n orkes weergawe
• Vier Morceaux, Op. 25 (1893)
• Ses Essais sur des rythmes oubliés, Op. 28 (ca. 1893)
• Suite for Twee Klaviere No. 3 in C majeur, Op. 33, "Variasies" (gepubliseer 1894), daar bestaan ook 'n orkes weergawe
• 24 Morceaux caractéristiques, Op. 36 (dek die volledige 24 majeur en mineur sleutels) (1894)
• Vier Etudes, Op. 41 (1896)
• Drie Morceaux, Op. 42 (1898)
• Ses Caprices, Op. 43 (1898)
• Près de la mer, ses esquisses (sketse), Op. 52 (1901)
• Ses Stukke, Op. 53 (1901)
• Suite vir Twee Klaviere No. 4, Op. 62 (1903)
• Twaalf Preludes, Op. 63 (1903)
• Twaalf Stukke vir Klavier Vier hande, Op. 66 (1903)
• Arabesques (suite), Op. 67 (1903)
• Twaalf Etudes, Op. 74 (1905)

Koormusiek

• Kantate vir die Tiende Herdenking van die Heilige Kroning van hul Keiserlike Majesteite, Op. 25 (1893)
• Die Fontein van Bakhchisarai, Op. 46, kantate
• Die Duiker, Op. 61, kantate

Solo vokaal

• Romanse (4), vir stem en klavier, Op. 17
• Drie vokale Kwartette, Op. 57, met tjello begeleiding

Rangskikkings van Arenski se musiek

• Tempo di Valse van die Concerto vir Viool en Orkes in A mineur, Op.54; deur Jascha Heifetz vir viool en klavier rangskik.