Apollo (skip)

Apollo, voorheen bekend as HMS Royal Scotsman, was die Kerk van Sciëntologie se eerste vlagskip (as deel van 'n klein vloot) en spirituele hoofkwartier tussen 1967 en 1975.

In 1967 is die skip deur die Kerk van Sciëntologie gekoop en het onder sy nuwe naam Apollo as vlagskip van die Kerk se religieuse orde, die Sea Org, en as die privaat woning van Kerkstigter L. Ron Hubbard en sy gesin gedien. Op see het Hubbard, wat homself tot Commodore verklaar het, verdere navorsing gedoen oor hoër spirituele vlakke vir die mensdom, soos hy dit gestel het. Vanuit die laer perspektief van landbewoners op Madeira en in die Middellandse Seegebied het gerugte die rondte gedoen dat die skip 'n groep agente van die Amerikaanse geheimediens CIA sou huisves. Die CIA was blykbaar inderdaad betrokke, maar eerder om die aktiwiteite van die Apollo dop te hou - net soos die FBI, buitelandse regerings en die sensasiepers.

Terwyl Apollo in die Middellandse See en langs die kuste van Europa en Afrika gevaar het, het dit as hoofkwartier van die Kerk van Sciëntologie gedien totdat in 1975 'n nuwe vastelandse hoofkwartier in Clearwater, Florida gevestig is. Vanaf 1968 is gevorderde Kerkdienste aan boord van die Apollo aan Sciëntoloë uit alle wêrelddele verskaf deur die nuwe organisasie Flag..

In die najaar van 1975 het die Kerk van Sciëntologie steeds meer moeilikhede ondervind om vir die Apollo ankerplekke in Karibiese Seehawens te vind. So is die skip deur die Nederlandse owerheid uit Curaçao verban. Belangriker was die feit dat die groeiende getal Sciëntoloë, wat belangstelling in Kerkdienste op die Apollo getoon het, nie langer in die skip se kajuite gehuisves kon word nie. Die Kerk se spirituele hoofkwartier is derhalwe na 'n landbasis in Clearwater, Florida verskuif wat as Flag Land Base of Flag Service Organization bekend sou staan.

Die Apollo is in 1977 aan 'n skrootonderneming verkoop en sou vervolgens nog as restaurantskip diens gedoen het (onder meer omdat sy brandstofverbruik te hoog was vir enige diens op see). 'n Ongewone treinongeluk het hierdie planne tot niet gemaak. 'n Vragtreinlokomotief van Missouri Pacific Railroad Company het ontspoor en teen die skip in sy ankerplek gebots. In 1984 is die Apollo op sleeptou vir sy laaste vaart na 'n skrootwerf in Brownville, Texas geneem.

Eksterne skakels

Geskiedenis

---

• STAND - Scientologists Taking Action Against Discrimination: The “Snow White” Program and the Church of Scientology: The True Story
• The Underground Bunker - Tony Ortega on Scientology: What a train wreck: The ignominious fate of Scientology’s original flagship, the ‘Apollo’

Popgroep The Apollo Stars

---

• Red Bull Music Academy: The Apollo Stars - The Rock Stars of Scientology’s Sea Org