Areologie

Areologie (Grieks: Ares "Mars" en logos "spraak, wetenskap") is die wetenskap van die planeet Mars, sy atmosfeer uitgesluit. Dit is dié subdissipline van die astrogeologie wat Mars as onderwerp kies.

Areologie behels die studie van die struktuur, samestelling, fisiese eienskappe, dinamika, oorsprong en evolusie van Mars sowel as die prosesse wat Mars gevorm het. Die term areologie word nie gereeld gebruik nie omdat dit wetenskaplik en metodologies sinoniem is met die term "Geologie van Mars."^[1]

Geskiedenis

Giovanni Virginio Schiaparelli was die eerste wat in 1877 donker gebiede en lyne op Mars ontdek het en dit as "canali" benoem het. Hy het gedink dat hulle met water gevul was. Later het Lowell dit verwerp. Sedert 1960, die Sovjet 1 M-vlug en 1965, die Mariner 4-vlug, het die kennis oor Mars baie gegroei. Maar die vrae oor water on Mars het gebly. Mariner 6 en 7 het gewys dat die poolkappe uit koolstofdioksied bestaan met 'n minimumtemperatuur van 150K aan die suidpool.^[2] Dit het duidelik gemaak dat die geologie van Mars fundamenteel anders is as die Aarde s'n. CO₂ is hier op aarde mos net as 'n gas bekend.

Invloed op ander dissiplines

Die belangstelling vir geologiese prosesse onder ander omstandighede dan wat op aarde gewoon is, het ook invloed op ander dissiplines soos die mineralogie of die vastestofchemie. 'n Goeie voorbeeld is die hernude belangstelling vir die hidrate van magnesiumsulfaat vanweë hulle teenwoordigheid op Mars.^[3]

Verwysings

↑ Jaumann, R. (2015). Areology. In: Gargaud, M., et al. Encyclopedia of Astrobiology. Berlin, Heidelberg.: Springer. doi:10.1007/978-3-662-44185-5_103.{{cite book}}: AS1-onderhoud: gebruik authors-parameter (link)
↑ Giovanni Leone (2021). Mars: A Volcanic World. Springer. doi:10.1007/978-3-030-84103-4. ISBN 978-3-030-84102-7.{{cite book}}: AS1-onderhoud: gebruik authors-parameter (link)
↑ Vaniman, D., Bish, D., Chipera, S. (2004). "Magnesium sulphate salts and the history of water on Mars". Nature. 431: 663–665. doi:10.1038/nature02973.{{cite journal}}: AS1-onderhoud: gebruik authors-parameter (link)

[1] Jaumann, R. (2015). Areology. In: Gargaud, M., et al. Encyclopedia of Astrobiology. Berlin, Heidelberg.: Springer. doi:10.1007/978-3-662-44185-5_103.{{cite book}}: AS1-onderhoud: gebruik authors-parameter (link)

[2] Giovanni Leone (2021). Mars: A Volcanic World. Springer. doi:10.1007/978-3-030-84103-4. ISBN 978-3-030-84102-7.{{cite book}}: AS1-onderhoud: gebruik authors-parameter (link)

[3] Vaniman, D., Bish, D., Chipera, S. (2004). "Magnesium sulphate salts and the history of water on Mars". Nature. 431: 663–665. doi:10.1038/nature02973.{{cite journal}}: AS1-onderhoud: gebruik authors-parameter (link)

[1]

[2]

[3]