Arichis II

Arichis II (of Arechis) 736 - 26 Augustus 787, Salerno was 758 – 787 hertog van Benevento.

Die laaste koning van die Langobarde wat in Pavia aan die mag kom (757) is Desiderius. Hy probeer om die hertogdomme in die suide, Spoleto en Benevento weer onder die Lombardiese kroon te vereen. Hulle hertoë probeer dit te verhoed deur die hulp van die pous en van Pepyn in te roep, maar Desiderius beset Spoleto en maak sy skoonseun Arichis hertog van Benevento.

Toe in 774 Desiderius se koninkryk deur Karel die Grote ingelyf word, verklaar Arichis homself onafhanklik met as titel princeps gentis Langobardorum. Hy probeer steun van die Bisantyne te kry as teenwig van die Frankiese invloed. Karel die Grote, gesteun deur pous Adrianus I, reageer met 'n veldtog teen Benevento (786-'87) en beset Capua in 787. Arichis verskans hom in Salerno, maar moet sy tweede seun Grimoald as gyselaar na die Frankiese koning stuur, skatting betaal en Karel se koningskap van die Langobarde met 'n eed erken. Hy behou egter sy hertogdom.^[1]

Opvolging

'n Maand voor sy eie dood sterf sy oudste seun Romoald. Arichis word daarom opgevolg deur sy tweede seun Grimoald III (788 – 806).^[2] Grimoald was nogtans nog gyselaar aan Karel se hof toe sy pa sterf en die pous wil nie dat Karel hom hertog laat word nie. Die volgende jaar besluit Karel nogtans Grimoald hertog te maak, maar Grimaols moet 'n eed van trou aflê en sy munte moet ook Karel vertoon.^[3]

Gesin

Hy het 'n dogter van Desiderius, Adelperga, getrou en hulle het vyf kinders gehad:^[4]

Romoald *761/62 - 21 Julie 787
Grimoald (III) - April 806
Gisulf
Theoderada
Adelchisa

Verwysings

↑ The Beneventan Chant Thomas Forrest Kelly CUP Archive, 1989, ISBN 0-521-34310-0, ISBN 978-0-521-34310-7
↑ Ancient Coin Collecting VI: Non-Classical Cultures Wayne G. Sayles F+W Media, Inc, 1999, ISBN 0-87341-753-4, ISBN 978-0-87341-753-2
↑ The Cambridge Medieval History, Deel 2, John Bagnell Bury, Joseph Robson Tanner, Charles William Previté-Orton, Zachary Nugent Brooke University Press, 1913
↑ Medieval Lands

[1] The Beneventan Chant Thomas Forrest Kelly CUP Archive, 1989, ISBN 0-521-34310-0, ISBN 978-0-521-34310-7

[2] Ancient Coin Collecting VI: Non-Classical Cultures Wayne G. Sayles F+W Media, Inc, 1999, ISBN 0-87341-753-4, ISBN 978-0-87341-753-2

[3] The Cambridge Medieval History, Deel 2, John Bagnell Bury, Joseph Robson Tanner, Charles William Previté-Orton, Zachary Nugent Brooke University Press, 1913

[4] Medieval Lands

[1]

[2]

[3]

[4]