Arnaldo Cohen
Arnaldo Cohen (* 22 April 1948) is 'n Brasiliaanse pianis.
Arnaldo Cohen | |
|---|---|
| Gebore | 22 April 1948 |
| Nasionaliteit | Brasiliaans |
| Beroep | Pianis |
| Eggenoot | Karina Maucha Cohen |
Biografie wysig
Saam met sy klavierstudies het hy ook grade in Ingenieurswese en Viool aan die Federale Universiteit van Rio de Janeiro verwerf en sy professionele loopbaan as 'n violis van die Rio de Janeiro Operahuisorkes begin. Hy het kort hierna besluit om meer tyd aan sy klavierspel te bestee en sy studies voortgesit onder Jacques Klein, Bruno Seidlhofer en Dieter Weber. In 1972 het hy eerste prys tydens die Ferruccio Busoni Internasionale Klavierkompetisie behaal.[1]
Arnaldo Cohen is genooi om as solis op te tree deur onder andere die Philadelphia Simfonieorkes, Los Angeles Filharmoniese Orkes, Royal Philharmonic Orchestra, Houston Simfonieorkes, Cleveland Simfonieorkes, Orchestra dell'Accademia Nazionale di Santa Cecilia, Bellingham-feesorkes,[2] Beierse Radio-simfonieorkes, Orchestre de la Suisse Romande en die Milwaukee Simfonieorkes wat gedirigeer is deur onder meer Kurt Masur, Yehudi Menuhin, Wolfgang Sawallisch en Edo de Waart. Hy het opgetree in konsertsale soos die Wigmore Hall, Frick Museum en die Concertgebouw, Amsterdam.[3][4]
Arnaldo Cohen was professor van klavier aan die Royal Academy of Music in Londen en is tans professor aan die Jacobs School of Music in Indiana (VSA).[5][6] In Oktober 2012 is Cohen aangestel as Artistieke direkteur van Portland Piano International, die aanbieder van een van die voorste soloklavier voordragreekse in Noord-Amerika.[7]
Hy het verskeie opnames gemaak van Liszt se musiek vir Naxos.
Verwysings wysig
- ↑ "Guest Artist Bio". Oregon symphony. Besoek op 22 Augustus 2009.
- ↑ "Performance Today from American Public Media - August 27, 2009". American Public Media. Besoek op 2 Maart 2011.
- ↑ "Arnaldo Cohen". Robert Gilder & Co. Geargiveer vanaf die oorspronklike op 15 Julie 2011. Besoek op 22 Augustus 2009.
- ↑ "Guest Artist Bio". Oregon symphony. Besoek op 22 Augustus 2009.
- ↑ "Biography". arnaldocohen.com. Geargiveer vanaf die oorspronklike op 5 Oktober 2009. Besoek op 22 Augustus 2009.
- ↑ "Arnaldo Cohen". Indiana University. Geargiveer vanaf die oorspronklike op 2 Oktober 2009. Besoek op 22 Augustus 2009.
- ↑ "Artistic Director — Portland Piano International". portlandpiano.org. Geargiveer vanaf die oorspronklike op 31 Julie 2013.