Arnold Schwarzenegger

Oostenrykse en Amerikaanse akteur, liggaamsbouer en politikus (gebore 1947)

Arnold Schwarzenegger Alois (Engelse uitspraak: [ˈʃvɑːrtsənɛɡər]; Duits: [ˈaɐ̯nɔlt ˈʃvaɐ̯tsn̩ˌʔɛɡɐ]; gebore 30 Julie 1947 in Thal, Stiermarke) is 'n Oostenryks-Amerikaanse akteur, rolprentvervaardiger, entrepreneur, belegger, skrywer, filantroop, aktivis, politikus en voormalige professionele liggaamsbouer. Hy het twee ampstermyne lank, tussen 2003 en 2011, die amp van 38ste goewerneur van die Amerikaanse deelstaat Kalifornië beklee. Hy woon tans in Los Angeles, Kalifornië.

Arnold Schwarzenegger
Arnold Schwarzenegger
Schwarzenegger in 2019

38ste Goewerneur van Kalifornië
Ampstermyn
17 November 2003 – 3 Januarie 2011
Voorafgegaan deur Gray Davis
Opgevolg deur Jerry Brown

Persoonlike besonderhede
Gebore 30 Julie 1947 (1947-07-30) (76 jaar oud)
Thal, Stiermarke, Oostenryk
Politieke party Republikeinse Party
Eggenoot/-note Maria Shriver (1986–2011)
Kind(ers) 2 dogters, 3 seuns insluitende Patrick Schwarzenegger
Religie Rooms-Katolieke Kerk
Handtekening

Militêre diens
Diens/Tak Bundesheer (Federale Oostenrykse leër)
Jare in diens 1965
Eenheid Belgier-Kaserne Graz
Schwarzenegger en president Ronald Reagan in 1984

Schwarzenegger het in die Oostenrykse weermag gedien, waarna hy na München in Duitsland verhuis het. Daar het hy dikwels in 'n gimnasium geslaap, omdat hy nie 'n huis gehad het nie.

In 1968 verhuis Schwarzenegger na die Verenigde State van Amerika, waar hy later 'n akteur word. Hy het in verskeie rolprente opgetree, insluitend die Terminator-reeks.

In 1971 sterf Schwarzenegger se halfbroer aan moederskant, Meinhard, in 'n motorongeluk. Meinhard het dronk bestuur.

Nadat Gray Davis in 2003 herroep is (van sy amp onthef is), word Schwarzenegger die goewerneur van Kalifornië. Hy het die pos tot Januarie 2011 beklee, waarna hy deur Jerry Brown opgevolg is.

Gedurende sy tyd as goewerneur het hy gesê dat Ronald Reagan sy rolmodel is. Hy het Ronald Reagan-dag as 'n vakansiedag in Kalifornië geproklameer. Hy het ook Reagan se begrafnis bygewoon nadat hy in 2004 oorlede is. Hy was 'n goeie vriend van Nancy Reagan.

Schwarzenegger is in 1986 met Maria Shriver getroud, maar hulle skei in 2011. Hulle het twee dogters, Katherine en Christina, en twee seuns, Patrick en Christopher. Hy het ook 'n seun by 'n ander vrou.

Voor sy loopbaan as 'n akteur was Schwarzenegger 'n kragman en liggaamsbouer. Hy het die Mister Olympia-titel sewe keer gewen. Schwarzenegger het ook sy eie kompetisie, die Arnold Classic ingestel..

Vroeë lewe wysig

Arnold Alois Schwarzenegger is gebore in Thal, Oostenryk op 30 Julie 1947, die tweede seun van Aurelia (née Jadrny) en Gustav Schwarzenegger. Sy ma was van Tsjeggiese afkoms. Schwarzenegger se pa was die plaaslike polisiehoof en het in die Tweede Wêreldoorlog as Hauptfeldwebel gedien nadat hy hom in 1938 vrywillig by die Naziparty aangesluit het. Hy is gewond in die Slag van Stalingrad, maar is in 1943 ontslaan as gevolg van malaria. Hy trou op 20 Oktober 1945 met Aurelia; hy was toe 38 en sy was 23. Later in sy lewe het Schwarzenegger die Joodse aktivistegroep Simon Wiesenthal Center gevra om sy vader se oorlogsrekord na te gaan, wat geen bewyse kon vind dat Gustav betrokke was by oorlogsmisdade tydens sy diens in die Naziparty en Sturmabteilung(SA) nie. Gustav se agtergrond het wye persaandag geniet tydens Kalifornië se herroepingsverkiesing in 2003 waarin Schwarzenegger tot goewerneur verkies is.

Volgens Schwarzenegger was sy ouers baie streng: "Destyds in Oostenryk was dit 'n heel ander wêreld, as ons iets sleg gedoen het of ons ons ouers nie gehoorsaam het nie, was die roede nie gespaar nie." Hy het grootgeword in 'n Katolieke gesin wat elke Sondag die mis bygewoon het. Gustav het 'n voorkeur vir sy oudste seun, Meinhard, bo Arnold gehad. Dit het voortgespruit uit ongegronde vermoede dat Arnold nie sy biologiese kind was nie. Schwarzenegger het gesê dat sy pa 'geen geduld gehad het om na jou probleme te luister of te verstaan ​​nie'. Hy het 'n goeie verhouding met sy ma gehad, met wie hy kontak behou het tot met haar dood. [1][2][3][4][5][6][7][8][9][10][7][9][11]

Liggaamsbou Loopbaan wysig

Schwarzenegger word beskou as een van die belangrikste figure in die geskiedenis van liggaamsbou en sy nalatenskap word herdenk in die jaarlikse Arnold Classic liggaamsboukompetisie. Hy het lank na sy aftrede 'n prominente gesig in liggaamsbou gebly, deels vanweë sy eienaarskap van gimnasiums en fiksheidstydskrifte. Hy het verskeie kompetisies en toekennings aangebied.

Hy skryf jare lank 'n maandelikse rubriek vir die liggaamsboutydskrifte Muscle & Fitness en Flex. Kort nadat hy tot goewerneur verkies is, is hy in grootliks simboliese hoedanigheid aangestel as die uitvoerende redakteur van albei tydskrifte. Die tydskrifte het ingestem om $250 000 per jaar aan sy verskillende fiksheidsinisiatiewe te skenk, terwyl hy goewerneur van Kalifornië was. Toe die ooreenkoms, insluitend die kontrak wat Schwarzenegger ten minste $1 miljoen per jaar gegee het, in 2005 bekend gemaak word, het baie dit as 'n botsing van belange gekritiseer omdat die goewerneur se kantoor besluite geneem het oor die regulering van voedingsaanvullings in Kalifornië. Gevolglik het Schwarzenegger in 2005 die rol van uitvoerende redakteur prysgegee. Later nadat hy nie meer goewerneur was nie het American Media Inc., wat Muscle & Fitness en Flex besit, in Maart 2013 aangekondig dat Schwarzenegger hul nuwe aanbod om uitvoerende redakteur van die tydskrifte te wees, aanvaar het.

Een van die eerste kompetisies wat hy gewen het, was die Junior Mnr. Europa wedstryd in 1965. Hy het mnr. Europa die volgende jaar op 19-jarige ouderdom gewen. Hy sou aan vele liggaamsboukompetisies deelneem, en die meeste van hulle wen. Sy oorwinnings in liggaamsbou sluit in vyf oorwinnings van mnr. Heelal en sewe oorwinnings van mnr. Olympia, 'n rekord wat sou staan totdat Lee Haney sy agtste agtereenvolgende meneer Olympiatitel in 1991 verower het .

Schwarzenegger hou nog aan om in 'n gimnasium te oefen. Toe hy uitgevra is oor sy persoonlike oefening tydens die Arnold Classic in 2011, het hy gesê dat hy steeds elke dag vir 'n ruk met gewigte oefen.

Akteursloopbaan wysig

Schwarzenegger wou oorgaan van liggaamsbou na toneelspel, en dit reggekry toe hy gekies is om die titelrol in Hercules in New York (1970) te speel. Sy aksent in die film was nog swaar. Sy tweede rolprentverskyning was as 'n doofstomslagoffer in The Long Goodbye (1973), waarna 'n baie meer belangrike rol in die rolprent Stay Hungry (1976) gevolg het, waarvoor hy die Golden Globetoekenning gewen het vir Nuwe akteurster van die jaar. Schwarzenegger het die volgende gesê oor sy vroeë stryd met die ontwikkeling van sy toneelspelloopbaan: "Dit was in die begin baie moeilik vir my gewees - deur agente en personeellede is ek meegedeel dat my liggaam 'te vreemd' is, dat ek 'n snaakse aksent het en dat my van te lank was. Hulle het vir my gesê dat ek my van moet verander. Eintlik, oral waar ek gegaan het, is ek meegedeel dat ek geen kans het nie."

Schwarzenegger het die aandag getrek en sy profiel verhoog in die liggaamsboufilm Pumping Iron (1977), waarvan ware elemente gedramatiseer is. In 1991 koop hy die regte op dié film, die opnames daarvan en gepaardgaande stilfotografie. Schwarzenegger het 'n oudisie gedoen vir die titelrol van The Incredible Hulk, maar het nie die rol gekry nie vanweë sy lengte. Later het Lou Ferrignohet die rol van dr. David Banner se alterego gekry. Schwarzenegger verskyn saam met Kirk Douglas en Ann-Margret in die komedie The Villain in 1979. In 1980 speel hy in 'n biografiese film van die 1950 aktrise Jayne Mansfield as Mansfield se man, Mickey Hargitay.

Goewerneur van Kalifornië wysig

In 2003 het Arnold Schwarzenegger die ampseed as 38ste goewerneur van Kalifornië afgelê. Sy verkiesing het in buitengewone omstandighede plaasgevind nadat Kaliforniese kiesers in 'n stemming, 'n sogenaamde recall election, die ampstermyn van sy voorganger Gray Davis voortydig beëindig het. Dit was die tweede van slegs drie recall elections in die geskiedenis van die Verenigde State. Gray, wat aanvanklik baie gewild was by kiesers, is later geblameer vir Kalifornië se ernstige energiekrisis waartydens beurtkrag toegepas moes word asook die ekonomiese insinking en begrotingskrisis wat op die Dot-comvoorspoedgolf gevolg het. Daarnaas het Kaliforniërs ook hul misnoë oor 'n nuwe belasting op motors, Davis se fondsinsameling en die negatiewe verkiesingsveldtog getoon.

Gedurende sy ampstermyn het Schwarzenegger op vernuwende leierskap en buitegewone openbare dienslewering gefokus. Sy belangrikste prestasies sluit in:

  • die Global Warming Solutions Act of 2006 - 'n wet wat volgens 'n ooreenkoms tussen die Republikeinse en Demokratiese Partye in 2006 afgekondig is om globale verwarming die hoof te bied en 'n vermindering in die vrystelling van kweekhuisgasse in Kalifornië behels het;
  • 'n hersiening van die deelstaat se loon- en salarisstelsel waardeur koste met 35 persent verminder is;
  • die Strategic Growth Plan (Strategiese Groeiplan) wat vir die eerste keer in dekades voorsiening gemaak het vir openbare beleggings in Kalifornië se verouderende infrastruktuur asook die vermindering van verkeersopeenhopings en lugbesoedeling;
  • die Hydrogen Highway and Million Solar Roofs Plan wat voorsiening gemaak het vir 'n netwerk van waterstofvulstasies en die bevordering van sonpanele as alternatiewe kragbron; en
  • die afkondiging van die Safe, Clean and Reliable Drinking Water Supply Act of 2010 om die voorsiening van skoon drinkwater in die deelstaat te verseker.

Filmografie wysig

 
Ster wat vir hom op Hollywood se Walk of Fame aangebring is
 
Schwarzenegger met sy seun
 
Schwarzenegger saam met sy vrou Maria Schriver
  • The Expendables 3 (2014) – Trent Mauser
  • Sabotage (2014) – John "Breacher" Wharthon
  • Escape Plan (2013) – Rottmayer
  • The Last Stand (2013) – Sherrif Ray Owens
  • The Expendables 2 (2012) – Trent Mauser
  • The Expendables (2010) – Trent Mauser
  • The Kid & I (2005) – Arnold Schwarzenegger
  • Around the World in 80 Days (2004) – Prins Hapi
  • Terminator 3: Rise of the Machines (Videospeletjie, 2003) – The Terminator (stem)
  • The Rundown (2003) – Bar Patron (Nie gekrediteer)
  • Terminator 3: Rise of the Machines (2003) – Terminator
  • Liberty's Kids: Est. 1776 TV-reeks – Baron von Steuben (Episode onbekend, 2002–2003)
  • Collateral Damage (2002) – Gordy Brewer
  • Dr. Dolittle 2 (2001) – White Wolf (stem, nie gekrediteer)
  • The 6th Day (2000) – Adam Gibson
  • End of Days (1999) – Jericho Cane
  • Batman & Robin (1997) – Mr. Freeze/Dr. Victor Fries
  • Jingle All the Way (1996) – Howard Langston
  • Eraser (1996) – U.S. Marshal John 'The Eraser' Kruger
  • T2 3-D: Battle Across Time (1996) – The Terminator
  • Junior (1994) – Dr. Alex Hesse
  • True Lies (1994) – Harry Tasker
  • Last Action Hero (1993) – Jack Slater/Homself
  • Lincoln (TV-film, 1992) – John G. Nicolay (stem)
  • Christmas in Connecticut (TV-film, 1992) – Man in stoel voor media-trok (nie gekrediteer)
  • Terminator 2: Judgment Day (Videogame, 1992) – The Terminator
  • Terminator 2: Judgment Day (1991) – The Terminator 'T800'/Uncle Bob
  • Kindergarten Cop (1990) – John Kimble
  • Total Recall (1990) – Douglas Quaid/Hauser
  • Tales from the Crypt TV-reeks – X-Con (Episode The Switch, 1990)
  • Twins (1988) – Julius Benedict
  • Red Heat (1988) – kapt. Ivan Danko
  • The Running Man (1987) – Ben Richards
  • Predator (1987)
  • Raw Deal (1986) – Mark Kaminsky, aka Joseph P. Brenner
  • Commando (1985) – John Matrix
  • Red Sonja (1985) – Kalidor
  • The Terminator (1984) – The Terminator
  • Conan the Destroyer (1984) – Conan
  • Conan the Barbarian (1982) – Conan
  • The Jayne Mansfield Story (TV-film, 1980) – Mickey Hargitay
  • Scavenger Hunt (1979) – Lars, Gim-instrukteur
  • The Villain (1979) – Handsome Stranger
  • The San Pedro Beach Bums TV-reeks – kragman (Episode Lifting Is My Life, 1977)
  • The Streets of San Francisco TV-reeks – Josef Schmidt (Episode Dead Lift, 1977)
  • Pumping Iron (1977)
  • Stay Hungry (1976) – Joe Santo
  • Happy Anniversary and Goodbye (TV-film, 1974) – Rico
  • The Long Goodbye (1973) – skurk in kantoor (nie gekrediteer)
  • Hercules in New York (1970) – Hercules

Verwysings wysig

  1. "Arnold Schwarzenegger: Biography". Schwarzenegger.com. Geargiveer vanaf die oorspronklike op 31 Desember 2017. Besoek op 31 Desember 2017.
  2. Rechcigl Jr., Miloslav (2007). Czech It Out: Czech American Biography Sourcebook. ISBN 9781504920711.
  3. Miloslav Rechcigl Jr. (2016). Encyclopedia of Bohemian and Czech-American Biography, Volym 2. Bloomington, Indiana: AuthorHouse. ISBN 978-1524620691.
  4. Tracy Wilkinson; Matt Lait (14 Augustus 2003). "Austrian Archives Reveal Nazi Military Role of Actor's Father". Los Angeles Times.
  5. "Arnie: 'I was abused as child'". The Scotsman. Edinburgh. 4 Augustus 2004. Geargiveer vanaf die oorspronklike op 18 Augustus 2010. Besoek op 18 April 2008.
  6. "Surprised by Russia: 5 things that charmed Arnold Schwarzenegger in Moscow". Russia Beyond. 20 Februarie 2018. Geargiveer vanaf die oorspronklike op 18 Julie 2018. Besoek op 17 Julie 2018.
  7. 7,0 7,1 Brooks, Xan (8 Augustus 2003). "The Governator". The Guardian. London. Geargiveer vanaf die oorspronklike op 27 Augustus 2013. Besoek op 19 April 2007.
  8. "Records: Arnold's father was member of Nazi storm troops". USA Today. 24 Augustus 2003. Geargiveer vanaf die oorspronklike op 22 Mei 2011. Besoek op 24 Augustus 2017.
  9. 9,0 9,1 Andrews, Nigel (2003). True Myths of Arnold Schwarzenegger. Bloomsbury. ISBN 978-1-58234-465-2.
  10. Herman, Eric (11 Augustus 2003). "Ah-nold in cross hairs Rivals blast Calif. front-runner". Daily News (New York). New York. Geargiveer vanaf die oorspronklike op 26 Oktober 2012. Besoek op 20 Augustus 2012. {{cite news}}: Text "Daily News" ignored (hulp)
  11. "Arnold Schwarzenegger: Mr. Olympia – 1970–1975, 1980". BodyBuild.com. Geargiveer vanaf die oorspronklike op 21 April 2008. Besoek op 18 April 2008.

Eksterne skakels wysig

Amptelike webtuiste