Arthur Tedder
Arthur William Tedder, 1ste Baron Tedder, GCB (11 Julie 1890 - 3 Junie 1967) was 'n senior bevelvoerder van die Britse Koninklike Lugmag. Hy was in die Eerste Wêreldoorlog 'n vlieënier en bevelvoerder van 'n eskader in die Royal Flying Corps. In die tussenoorlogse jare het hy as 'n senior offisier in die Royal Air Force gedien, waartydens hy in Turkye, Groot-Brittanje en die Verre Ooste geveg het.
Tydens die Tweede Wêreldoorlog het Tedder, in bevel van die RAF Midde-Ooste-kommandement, lugoperasies in die Middellandse See en Noord-Afrika gelei, insluitend die ontruiming van Kreta en Operasie Kruisvaarder in Noord-Afrika. Sy bomaanvalstrategie het bekend gestaan as die 'Tedder Carpet'.
Later in die oorlog was Tedder in bevel van die Middellandse See-lugkommando en was hy in daardie rol nou betrokke by die beplanning van die Geallieerde inval in Sisilië asook die inval in Italië. Toe Operasie Overlord - die inval in Frankryk - beplan is, is Tedder as adjunk-opperbevelvoerder aangestel van die Geallieerde Ekspedisiemag van die Geallieerde hoofkwartier onder generaal Eisenhower.
Ná die oorlog het Tedder as hoof van die lugpersoneel gedien, 'n rol waarin hy toenemende werwing voorgestaan het omrede baie lugmagpersoneel die diens verlaat het, die grootte van die RAF-vegvliegkommando verdubbel en reëlings vir die Berlynse Lugbrug in 1948 geïmplementeer het. Hy beklee daarna senior posisies in die sakewêreld en die akademie.
Eksterne skakels
wysig
Wikimedia Commons het meer media in die kategorie Arthur Tedder.
