Maak hoofkeuseskerm oop
Miljoene Sjiiete kom om die Hoessein-moskee in Karbala, Irak, byeen nadat hulle die pelgrimstog tydens Arba'een te voet gemaak het, wat 'n Sjiietese waarneming is en 40 dae na Asjoera plaasvind.
Slag van Karbala, skildery deur Abbas Al-Moesawi
Toneel van 'n rouskouspel tydens Asjoera in Iran
10 Muharram, skildery deur Fausto Zonaro in 1909
Tabuikfees tydens Asjoera in Indonesië

Asjoera (Arabies: ‏عاشوراء, ʿāšūrāʾ van ‏,عَشَرَة asjara/ʿašara, letterlik: "tien"; Oerdoe en Persies: عاشورا, ʿĀšūrāʾ; Turks: Aşure Günü) is die tiende dag van Muharram, die eerste maand in die Islamitiese kalender.[1] Vir die meerderheid Sjiiete is Asjoera die hoogtepunt van die routyd in Muharram en herdenk Imam Hoessein, die kleinseun van die profeet Mohammed, se martelaardood tydens die Slag van Karbala op 10 Muharram in 61 AH (10 Oktober 680 n.C. volgens die Gregoriaanse kalender).[2] Soenniete ken dieselfde berigte van hierdie gebeurtenisse, maar seremoniële rou het nie 'n gewoonte geword nie – alhoewel gedigte, lofredes en herhalings van die gebeure algemeen is en steeds algemeen voorkom.[3][4][5] Die rou vir die voorval het amper onmiddellik na die Slag van Karbala begin. Gewilde lofredes om die Slag van Karbala te herdenk is deur digters tydens die Omajjadiese en Abbasidiese Kalifaat tydperk geskryf, en die vroegste openbare rourituele het onder die Boejide in 963 plaasgevind.[6] In verskeie Islamitiese lande het Asjoera 'n nasionale vakansiedag geword, en baie etniese en godsdienstige gemeenskappe neem daaraan deel.[7][8]

In Soennitiese Islam is Asjoera ook die dag waarop Moses en die Israelites deur God met die skepping van 'n pad in die meer van die Farao gered, en dit is die Islamitiese eweknie van Jom Kippoer.[9][10][11][12][13] Ander herdenkings sluit in Noag verlaat sy ark en die profeet Mohammed se aankoms in Medina.[14]

Inhoud

EtimologieWysig

Die oorsprong van die woord Asjoera is die betekenis van "tien" in Semitiese tale; vandaar die naam van die herinnering, letterlik vertaal beteken dit "die tiende dag". Volgens die Oriëntalis A. J. Wensinck is die naam afgelei van die Hebreeuse עשרה‬ ʿāsōr, met die Aramese bepalende agtervoegsel.[15] Die dag is inderdaad die tiende dag van die maand, hoewel sommige Islamitiese geleerdes verskillende etimologieë bied. In sy boek Ghuniyatut Talibin skryf Abdul-Qadir Gilani dat Islamitiese geleerdes verskil oor hoekom hierdie dag as Asjoera bekend staan, sommige van hulle stel voor dat dit die tiende belangrikste dag is waarmee God Moslems geseën het.[16]

DatumsWysig

Asjoera is volgens die Islamitiese kalender op 10 Muharram, die werklike viering begin egter altyd met sonsondergang op die vooraand (omdat 'n dag met sononder begin). Aangesien maande in die Islamitiese kalender altyd na die maan bereken word, wissel die datum van hierdie dag volgens die Gregoriaanse kalender.

Jaar in die Islamitiese kalender Datum in die Gregoriaanse kalender
1437 24 Oktober 2015
1438 12 Oktober 2016
1439 1 Oktober 2017
1440 21 September 2018
1441 10 September 2019
1442 28 Augustus 2020

Sien ookWysig

VerwysingsWysig

  1. (en) "Shiite History Beliefs and Differences Berween Sunnis and Shiites: Muslim Sects and Sunnis". Geargiveer vanaf die oorspronklike op 2 Februarie 2015. Besoek op 26 Januarie 2015. 
  2. (en) "Ḥisayn B. ʿAli i. Life and Significance in Shiʿism". Encyclopædia Iranica Online. URL besoek op 13 Januarie 2019. 
  3. (en) "My Ashura, My Karbala, My Hussain: A Sunni Perspective". HuffPost. 18 Oktober 2016. Besoek op 13 Januarie 2019. 
  4. (en) Fundamentalisms and the state: remaking polities, economies, and militance Martin Marty, R. Appleby. University of Chicago Press. 1996 bl. 451
  5. (en) Religion, social practice, and contested hegemonies reconstructing the public sphere in Muslim majority societies Armando Salvatore, Mark LeVine. Palgrave Macmillan. 2005 bl. 93
  6. (en) Cornell, Vincent J.; Kamran Scot Aghaie (2007). Voices of Islam. Westport, CN: Praeger Publishers. pp. 117–18. ISBN 978-0-275-98732-9. Besoek op 13 Januarie 2019. 
  7. (en) "AhlulBayt News Agenc en". 9 Mei 2016. 
  8. (en) "Hindus holding tasia procession in Orissa for over three centuries – Jafariya News Network". 
  9. (en) Eduard Sachau, The Chronology of Ancient Nations: An English Version of the Arabic Text of the Athâr-ul-Bâkiya of Albîrûnî, or "Vestiges of the Past," Collected and Reduced to Writing by the Author in A.H. 390–1, A.D. 1000 (Londen: W.H. Allen & Co., 1879), bl. 326-328.
  10. (en) Sahih Bukhari Boek 31 Hadit 222, Boek 55 Hadit 609, en Boek 58 Hadit 279, [1]; Sahih Muslim Boek 6 Hadit 2518, 2519, 2520 [2]
  11. (en) Javed Ahmad Ghamidi. Mizan, The Fast Geargiveer 30 September 2007 op Wayback Machine, Al-Mawrid
  12. (en) Morrow, John Andrew. Islamic Images and Ideas: Essays on Sacred Symbolism. McFarland & Co, 2013. bl. 234–36. ISBN 978-0786458486
  13. (en) Katz, Marion Holmes The Birth of The Prophet Muhammad: Devotional Piety in Sunni Islam. Routledge, 2007. bl. 113–115. ISBN 978-1135983949
  14. (en) Abou-Samra, Sulafa (2011). "Muslim Calendar, holy days, and festivals". Islamic Beliefs, Practices, and Cultures. Marshall Cavendish. p. 153. ISBN 978-0-7614-7926-0. 
  15. (en) A. J. Wensinck, "Āshūrā", Encyclopaedia of Islam 2. Besoek op Junie 2011.
  16. (en) Staff, Writer. "Top 10 similar words or synonyms for ashura". wordsimilarity. 

Verdere leesstofWysig

Eksterne skakelsWysig