Atra-Hasis
Atra-Hasis (Akkadiese wigskrif: 𒀜𒊏𒄩𒋀, Atra-ḫasīs) is 'n Akkadiese epiese gedig uit die 18de eeu v.C. wat in verskillende weergawes op kleitablette geskryf is.[1] Dit is genoem na die protagonis, Atrahasis ("uiters wyse"). Die tablette sluit beide 'n skeppingsmite in en een van drie Babiloniese vloedmites wat bewaar gebly het. Die naam "Atra-Hasis" verskyn ook op een van die Sumeriese koningslyste as koning van Shoeroeppak in die tyd voor 'n vloed.
Beskrywing
wysigDie oudste bekende eksemplaar van die epiese tradisie oor Atrahasis (die verskeie weergawes is nie presies dieselfde nie) kan teruggespeur word na die tyd van Hammoerabi se agterkleinseun, Ammi-Saduqa (1646-1626 v.C.). Daar bestaan egter verskeie Ou Babiloniese fragmente en die gedig is nog tot in die 1ste millennium v.C. gekopieer.
Die storie van Atrahasis bestaan ook in 'n latere Assiriese weergawe wat in die Biblioteek van Assurbanipal ontdek is, maar die tablette was in fragmente en bevat dubbelsinnige woorde. Die fragmente is egter versamel en vertaal deur die Assirioloog George Smith as Die Chaldeeuse Weergawe van Genesis. Heinrich Zimmern het in 1899 die held se naam gekorrigeer na Atra-Hasis.
In sy volledigste vorm beslaan die epiese gedig Atra-Hasis drie tablette in Akkadies, die taal van die Ou Babilonië.[2]
Verwysings
wysig- ↑ Bottéro, Jean. 2000. Ancestor of the West: Writing, Reasoning, and Religion in Mesopotamia, Elam, and Greece. Chicago: University of Chicago Press. ISBN 978-0226067155. p. 40.
- ↑ Lambert, Wilfred G., en Alan R. Millard. 1999 [1969]. Atrahasis: The Babylonian Story of the Flood. Londen: Eisenbrauns. ISBN 1-57506-039-6.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
